უნგრეთის ელჩი საქართველოში ანა მარია შიკო ბათუმის შოთა რუსთაველის სახელმწიფო უნივერსიტეტს ეწვია. ბსუ-ს რექტორთან, პროფესორ მერაბ ხალვაშთან და აჭარის ა.რ. განათლების, კულტურისა და სპორტის მინისტრთან მაია ხაჯიშვილთან გამართულ შეხვედრაზე, დიპლომატიური კორპუსის წარმომადგენელმა ორ ქვეყანას შორის არსებულ ურთიერთობებზე და ერთობლივი საგანმანათლებლო-სამეცნიერო პროექტების განხორციელებაზე ისაუბრა.
ბსუ-ს პროფესორებმა და მკვლევრებმა: ლელა თავდგირიძემ და მაია ბარამიძემ შოთა რუსთაველის საქართველოს ეროვნული სამეცნიერო ფონდის 2022 წლის საგამომცემლო სახელმწიფო სამეცნიერო გრანტი მოიპოვეს. ბათუმის შოთა რუსთაველის სახელმწიფო უნივერსიტეტი პროფესორებსა და მკვლევრებს ულოცავს მნიშვნელოვან გამარჯვებას და წარმატებებს უსურვებს .
ბათუმის შოთა რუსთაველის სახელმწიფო უნივერსიტეტის გუნდმა, ჰუმანიტარულ მეცნიერებათა ფაკულტეტის სტუდენტების ანა შენგელიასა და სოფიო ბერიძის, ასევე ზუსტ მეცნიერებათა და განათლების ფაკულტეტის სტუდენტის გიორგი მოსიძის შემადგენლობით, მონაწილეობა მიიღო USAID-ის სოფლის მეურნეობის პროგრამისა და ჟურნალისტიკის რესურსცენტრის მიერ განხორციელებულ სტუდენტური მოკლე ფილმების კონკურსში „აგრისთორი“, რომლის მიზანი იყო რეგიონული უნივერსიტეტების ჟურნალისტიკის მიმართულების გაძლიერება აგრო ჟურნალისტიკის მიმართულებით.
ბსუ-ს ზუსტ მეცნიერებათა და განათლების ფაკულტეტის წარმომადგენლებმა სკოლამდელი განათლების გამოწვევების თემაზე, აჭარის ა.რ. განათლების, კულტურისა და სპორტის სამინისტროს, რეგიონის საბავშვო ბაღების პედაგოგებთან, მენეჯერებთან და ბაღების გაერთიანების წარმომადგენლებთან შეხვედრა გამართეს. შეხვედრა მიზნად ისახვდა უნივერსიტეტის მიერ იუნისეფისა და აჭარის განათლების, კულტურისა და სპორტის სამინისტროს დაფინანსებით სკოლამდელი განათლების ხარისხის განვითარების მიზნით განხორციელებული პროექტების შედეგების გაცნობას და სკოლამდელი განათლების საბაკალავრო საგანმანათლებლო პროგრამის პრეზენტაციას.
ბათუმის შოთა რუსთველის სახელმწიფო უნივერსიტეტს სამუშაო ვიზიტით ფრანკოფონიის საუნივერსიტეტო სააგენტოს ხელმძღვანელი საქართველოში თამარ ღარიბაშვილი ეწვია. ბსუ-ს ჰუმანიტარულ მეცნიერებათა ფაკულტეტის დეკანთან, პროფესორ მარინა გიორგაძესთან, სამეცნიერო კვლევების სამსახურის წარმომადგენლებთან, პროფესორ-მასწავლებლებთან, სტუდენტებთან, დოქტორანტებთან გამართულ შეხვედრებზე თამარ ღარიბაშვილმა ფრანგული ფილოლოგიის მიმართულებით თანამშრომლობის გაღრმავების მნიშვნელობაზე ისაუბრა და ფრანგული AUF-ის და CEF პროექტები წარმოადგინა. სტუმარმა ასევე ისაუბრა ფრანგული ენის გამოყენების ხელშეწყობაზე სწავლებასა და კვლევებში, სტუდენტების მობილობისა და გაცვლითი პროგრამების განხორციელებაზე.
