ცხადდება დამატებითი კონკურსი ბსუ-ს აკადემიური პერსონალისთვის 2019-2020 სასწავლო წლის გაზაფხულის სემესტრისთვის ავსტრიაში, ზალცბურგის უნივერსიტეტში, პოლიტიკური მეცნიერებების მიმართულებით, „მასწავლებელთა აკადემია 2020 „სავაჭრო პოლიტიკა პოპულიზმის ხანაში“ სემინარში მონაწილეობის მისაღებად. მობილობის ხანგრძლივობა - 5 სამუშაო დღე. რეგისტრაციის ბოლო ვადა: 2019 წლის 25 დეკემბერი 18:00 საათი.
ბათუმის შოთა რუსთაველის სახელმწიფო უნივერსიტეტი და ბსუ-ს წარმატებული და სოციალურად დაუცველი სტუდენტების მხარდაჭერის ფონდი აცხადებს კონკურსს 2019-2020 სასწავლო წლისათვის ბსუ-ს უმაღლესი აკადემიური განათლების პირველი და მეორე საფეხურის (ბაკალავრიატი და მაგისტრატურა) საგანმანათლებლო პროგრამების სტუდენტებისათვის ავთანდილ ბარათაშვილის სახელობის სტიპენდიისთვის გათვალისწინებული 30 (ოცდაათი) ადგილის მოსაპოვებლად. კონკურსანტებმა ბსუ-ს სტუდენტთა კარიერული განვითარების, კულტურისა და სპორტის დეპარტამენტში 9 დეკემბრიდან 13 დეკემბრის ჩათვლით უნდა წარმოადგინონ საკონკურსო დოკუმენტაცია. დამატებითი ინფორმაცია იხილეთ დანართების სახით.
ყაზახეთის იურიდიული უნივერსიტეტი გაცვლითი პროგრამის ფარგლებში აცხადებს მობილობას ბათუმის შოთა რუსთაველის სახელმწიფო უნივერსიტეტის ტურიზმის, ეკონომიკისა და ბიზნესის, იურიდიული და სოციალურ მეცნირებათა (ფსიქოლოგია და სამართალმცოდნეობა) ფაკულტეტების საბაკალავრო საგანმანათლებლო პროგრამის სტუდენტებისათვის.
