საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის I კურსის ბიოლოგია-ეკოლოგიის სპეციალობის მაგისტრებმა მონაწილეობა მიიღეს კოლხეთის ეროვნულ პარკში გამართულ ვორქშოფში. ახალგაზრდები ზუგდიდის დადიანების სასახლესთან არსებულ დეკორატიულ ბაღსა და კოლხეთის ეროვნული პარკის ბიომრავალფეროვნებას გაეცნენ. ღონისძიების ფარგლებში ლარისა ქირქია სტუდენტებს დადიანების სასახლესთან არსებული დეკორატიული ბაღის ბიომრავალფეროვნებაზე ესაუბრა, ხოლო ზუგდიდის ბოტანიკური ბაღის მეცნიერ-თანამშრომელმა მანანა ჩიქოვანმა კოლხეთის ეროვნული პარკი წარუდგინა.  პრეზენტაციის დასასრულს დისკუსია გაიმართა.