11-13 ივნისს, ბსუ-ს ნიკო ბერძენიშვილის ინსტიტუტის ეთნოლოგიისა და სოციოლოგიური კვლევის განყოფილების უფროსი მეცნიერ-თანამშრომელი რუსლან ბარამიძე ტარტუს უნივერსიტეტში (ესტონეთი) გამართულ აღმოსავლეთ ევროპისა და ევრაზიის კვლევების მეშვიდე ყოველწლიურ კონფერენციაში მონაწილეობდა. მკვლევარმა სექციაში „ისტორიის საჯარო გამოყენება: წარსული და აწმყო“ დოქტ. მაია ბოლქვაძესთან თანაავტორობით წარადგინა მოხსენება თემაზე: „ნეგატიური ენა და საპრეზიდენტო კანდიდატების მიერ წინასაარჩევნო პერიოდში გამოყენებული მისი მაგალითები საქართველოში“. მოხსენება მომზადებული იყო საქართველოს შოთა რუსთაველის ეროვნული სამეცნიერო ფონდის მიერ დაფინანსებული პროექტის „რა იგებს არჩევნებს“ (No FR-18-8649) - ფარგლებში.

ნიკო ბერძენიშვილის ინსტიტუტის მკვლევრებმა საქართველოს დამოუკიდებლობის დღისადმი მიძღვნილი ღონისძიება გამართეს ხელვაჩაურის მუნიციპალიტეტის საზღვრისპირა სოფლის, კირნათის საჯარო სკოლაში. ინსტიტუტის წარმომადგენლებმა სკოლის აკადემიურ პერსონალისა და მოსწავლეებისათვის წარდაგინეს მოხსენებები 26 მაისის ისტორიული და ეროვნული მნიშვნელობის შესახებ. ასევე გააცნეს ინფორმაცია სტამბოლის ქართულ სავანეში დაცული საქართველოს პირველი რესპუბლიკის მთავრობის საქმიანობის ამსახველი უნიკალური ხელნაწერებისა და დოკუმენტაციის შესახებ. შეხვედრის ფარგლებში კირნათის საჯარო სკოლის ბიბლიოთეკას ინსტიტუტის უახლესი გამოცემებიც გადაეცა საჩუქრად.

მიმდინარე წლის 11-12 მაისს, ყოვლადწმიდა ღვთისმშობლის წილხვდომილობისა და წმიდა ანდრია პირველწოდებულის საქართველოში შემოსვლის ეროვნულ დღესასწაულთან დაკავშირებით, ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის, ქალაქ ბათუმის მერიის კულტურის ცენტრისა და კონსტანცას ოვიდიუსის უნივერსიტეტის ორგანიზებით გაიმართება საერთაშორისო სამეცნიერო კონფერენცია - ჩვენი სულიერების ბალავარი XII.

შეხვედრისას ოსტრავას უნივერსიტეტის რექტორმა პიოტრ კოპეჩკიმ, რექტორის მოადგილემ, საგარეო ურთიერთობების მიმართულებით რენატა ტომაშკოვამ და მეორე მხრივ ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის დირექტორმა როინ მალაყმაძემ და ამავე ინსტიტუტის მეცნიერ-თანაშრომელმა სულხან მამულაძემ განიხილეს სამომავლო თანამშრომლობის პერსპექტივები. მიღწეულ იქნა შეთანხმება, რომელიც მოიცავს როგორც საგანმანათლებლო, ისე სამეცნიერო მიმართულებით მჭიდრო თანამშრომლობას. ურთიერთთანამშრომლობის ფარგლებში მიმდინარე წელს დაიგეგმა ერთობლივი საერთაშორისო სამეცნიერო ღონისძიებისა და სეზონური სკოლის ორგანიზება.

ბათუმის შოთ რუსთაველის სახელმწიფო უნივერსიტეტის ნიკო ბერძენიშვილის ინსტიტუტში სამუშაო შეხვედრა გაიმართა პოლ ვალერის უნივერსიტეტის მონპელიე III-ის მკვლევარ ფაბიო შეტიმთან. შეხვედრაზე მკვლევრებმა იმსჯელეს საფრთხეში მყოფი ენების ლექსიკოგრაფიასა და მიგრაციათა სოციოლინგვისტიკაზე და დაიგეგმა სამომავლო თანამშრომლობის პერსპექტივები. პოლ ვალერის უნივერსიტეტის მონპელიე III-ის მკვლევარი ფაბიო შეტიმი ბსუ-ში „ერაზმუს+“-ის პროექტის ფარგლებში იმყოფება.