ბსუ-ს ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის განყოფილების მთავარმა მეცნიერმა-თანამშრომელმა ნაილე მიქელაძემ 22-ე საჯარო სკოლაში ჩაატარა სემინარი თემაზე: „ბედი ქართლისა“. სემინარის ფარგლებში მომხსენებელმა მოსწავლეებს გააცნო საკითხის ირგვლივ არსებული ფაქტობრივი მასალა და ისტორიოგრაფიული წყაროები. სემინარის ფარგლებში გაიმართა გაიმართა დისკუსია, რომლის დროსაც მოსწავლეებმა გამოთქვეს საკუთარი მოსაზრებები. სემინარს ესწრებოდნენ ნიკო ბერძენიშვილის ინსტიტუტის მეცნიერ-თანამშრომლები.

ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ასისტენტ-პროფესორმა დიანა ახვლედიანმა და ბსუ-ს ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარმა მეცნიერ თანამშრომელმა, დოქტორმა ნარგიზ ახვლედიანმა მონაწილეობა მიიღეს იტალიაში, ვენეციის კა`ფოსკარის უნივერსიტეტში გამართულ საერთაშორისო კონფერენციაში. ქართველმა მკვლევრებმა კონფერენციაზე მოხსენება წარადგინეს თემაზე: „ტოპონიმია და მისი სწავლების პერსპექტივები ".

ბსუ-ს ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარმა მეცნიერ თანამშრომელმა ნარგიზ ახვლედიანმა მონაწილეობა მიიღო პროფესორ ფარნაოზ ერთელიშვილის დაბადებიდან 100 წლისადმი მიძღვნილ სამეცნიერო სესიაში. მკვლევრმა კონფერენციაზე მოხსენება წარადგინა თემაზე: „ჰიდრონიმ „კინკიშას" ეტიმოლოგიისათვის“. სამეცნიერო სესია ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ქართული ენის სასწავლო-სამეცნიერო ინსტიტუტისა და ამავე ინსტიტუტთან არსებული ქართველური ონომასტიკის სამეცნიერო-კვლევითი ცენტრის ორგანიზებით გაიმართა.

ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარი მეცნიერ-თანამშრომელი ნაილე მიქელაძე სამცხე-ჯავახეთის სახელმწიფო უნივერსიტეტის რექტორს, პროფესორ მაკა ბერიძესა და განათლების, ჰუმანიტარულ და სოციალურ მეცნიერებათა ფაკულტეტის დეკანს, ასოცირებულ პროფესორ გულიკო ბექაურს შეხვდა. შეხვედრაზე დაიგეგმა ერთობლივი კვლევების განხორციელება და სამომავლო თანამშრომლობის პერსპექტივები.

საქართველოს მეცნიერთა ეროვნული აკადემიის პრეზიდენტმა გიორგი კვესიტაძემ
ბსუ-ს ემერიტუს-პროფესორი შუშანა ფუტკარაძე - მეცნიერების განვითარებასა და ქვეყნის წინაშე არსებული ეროვნული და სახელმწიფოებრივი პრობლემების გადაჭრის საქმეში შეტანილი წვლილისთვის, ასევე ემერიტუს-პროფესორი აკაკი ბერიძე ქირურგიის დარგში და ახალგაზრდა კადრების აღზრდის საქმეში შეტანილი წვლილისთვის საპატიო სიგელებით დააჯილდოვა.