ბათუმის შოთა რუსთაველის სახელმწიფო უნივერსიტეტის სამართალმცოდნეობის სპეციალობის ოთხმა სტუდენტმა: ქეთევან ანანიძემ, მარიამ ორაგველიძემ, სალომე კოსტავამ და რამინ მაჭარაშვილმა იურიდიულ დეპარტამენტში სტაჟირება წარმატებით გაიარა. სტუდენტებს საშუალება მიეცათ თეორიული ცოდნის პრაქტიკაში გამოყენების. იურიდიული დეპარტამენტის პერსონალის კოორდინირებით მომავალი სამართალმცოდნეები ასრულებდნენ დეპარტამენტისათვის დაკისრებული ფუნქცია-მოვალეობებს, ამზადებდნენ სამართლებრივი აქტების პროექტებს და სასამართლო/სააღსრულებო დოკუმენტაციას. ახალგაზრდები ასევე მონაწილეობას ღებულობდნენ სასამართლო პროცესებში, სააღსრულებო წარმოებაში საქმეების წარმართვაში. იურიდიული ფაკულტეტის დეკანმა ადამ მახარაძემ სტაჟიორი სტუდენტები სერთიფიკატებით დააჯილდოვა და წარმატებები უსურვა.

საქართველოს იუსტიციის სამინისტროს აჭარისა და გურიის სააღსრულებო ბიურო აცხადებს სტაჟიორთა შესარჩევ კონკურსს ბათუმსა და ოზურგეთში. აჭარისა და გურიის სააღსრულებლო ბიუროს უფროსმა ტარიელ შარაბიძემ ბათუმის შოთა რუსთაველის სახელმწიფო უნივერსიტეტის იურიდიული ფაკულტეტის სამაგისტრო საგანმანათლებლო პროგრამის სტუდენტებს შეხვდა და გააცნო ინფორმაცია გააცნო სტაჟიორთა შესარჩევი კონკურსის ეტაპების, საკონკურსო თემატიკის, საკვალიფიკაციო მოთხოვნებისა და ძირითადი მოვალეობებისშესახებ.

დღეს, ბათუმის შოთა რუსთაველის სახელმწიფო უნივერსიტეტში პერსონალურ მონაცემთა დაცვის ინსპექტორის აპარატის წარმომადგენლებმა აჭარის საგანმანათლებლო დაწესებულების წარმომადგენლებთან გამართეს შეხვედრა. აპარატის წარმომადგენლებმა სტუდენტებსა და უნივერსიტეტის წარმომადგენლებს უფლებები, მოვალეობები და ინსპექტორის უახლესი რეკომენდაცია გააცნეს რომელიც უმაღლეს საგანმანათლებლო დაწესებულებებში პერსონალურ მონაცემთა დაცვას ეხება.
შეხვედრა ევროკავშირისა და გაეროს განვითარების პროგრამის (UNDP) ერთობლივი პროექტის „ადამიანის უფლებები ყველასთვის" ხელშეწყობით გაიმართა, რომელიც მიზნად ისახავს საქართველოში ადამიანის უფლებების მხარდაჭერას.

დღეს, ბათუმის შოთა რუსთაველის სახელმწიფო უნივერსიტეტის საერთაშორისო საზაფხულო სკოლა - „ევროკავშირის სამართალი და ევროპული ინტეგრაცია“ დასრულდა. საზაფხულო სკოლის მონაწილეებს აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძე შეხვდა. დავით გაბაიძემ სტუდენტებს აჭარის სტატუსზე, უმაღლესი საბჭოს საქმიანობაზე, მის ძირითად პრინციპებზე, შიდა სახელმწიფოებრივი და ევროპული სამართლის ურთიერთგავლენაზე და სხა საინტერესო საიკითხებზე მიაწოდა ინფორმაცია.