თანამედროვე ტექნოგენური მსოფლიოს ცხოვრების ტემპის აჩქარებასთან ერთად აუცილებელი გახდა მაქსიმალური მოცულობის ინფორმაციის მიწოდება დროის უმოკლეს ერთეულში. შედეგად, თანამედროვე ინგლისური ენის განვითარების ერთ-ერთ დამახასიათებელ ნიშანად იქცა შემოკლებების რაოდენობის სწრაფი ზრდა. ამ მოვლენის ამსახველი უამრავი თვალსაჩინო მაგალითია დაფიქსირებული ინტერნეტ სივრცეში (მოკლე ტექსტურ შეტყობინებებში, ჩატებში, მესინჯერში, ელექტრონული ფოსტით მიმოწერაში, ინტერნეტ ფორუმებში) და ეფუძნება ენობრივი ეკონომიის პრინციპს, რაც გულისხმობს ადრესატისათვის საჭირო ინფორმციის ტრანსლირებას ენობრივი ძალისხმევისა და დროის დაზოგვით. ინტერნეტ ენას უარყოფით ზეგავლენა აქვს ენის ‘სიწმინდეზე’, იმ ასპექტის გათვალისწინებით, რომ პუნქტუაციისა და მართლწერის წესების დარღვევით ქვეითდება წერითი მეტყველების კულტურის დონე. სემინარზე მოკლე ტექსტური შეტყობინებების ენის დადებით მხარეებსაც განვიხილავთ და მივიჩნევთ, რომ ეს ობიექტური და კანონზომიერი პროცესია, რომელიც საკომუნიკაციო ურთიერთობების ფორმის ცვლილებითა და ენის განვითარების თავისებურებებითაა განპირობებული.

დიზაინერული აზროვნება არ არის მხოლოდ დიზაინერების ექსკლუზიური საკუთრება. ყველა დიდი ინოვატორი - ლიტერატურის, ხელოვნების, მუსიკის, მეცნიერების, საინჟინრო თუ ბიზნესის წარმატებით იყენებს დღეს მას. ეს სისტემატიურად განახლებადი, დინამიური, სტუდენტზე ორიენტირებული მიდგომაა, რომელსაც მივყავართ პრობლემის კრეატიული და ინოვაციური გზით გადაჭრამდე. დიზაინერულ აზროვნებაზე დაფუძნებული მიდგომა გულისხმობს სწავლების აქტიურ პროცესს, რომელიც 21-ე საუკუნის უნარების განვითარებას უწყობს ხელს.

ევროპული სახელმწიფოების ლიბერალურ სისტემაში ტოტალიტარიზმისაკენ და სამხედრო რეჟიმებისკენ სწრაფვის პირობებში, ევროპელ მკვლევართა რიგებში სულ დიდი გერმანელი ფილოსოფოსის, რაციონალიზმის მწვერვალის გ. ვ. ფრ. ჰეგელის შესახებ ერთობ განსხვავებული შეფასებები გვხვდება: ჰეგელს ბრალს სდებდნენ: არც მეტი არც ნაკლები იმაში, რომ ის „ხელს უწყობდა ევროპული ჰუმანიზმის იდეალების ნგრევას“ და რომ ევროპაში სახეზე მყოფი პოლიტიკური ვითრება „ჰეგელის ავტორიტარული ფილოსოფიის ნიშნებს ატარებდა (ლ. ჰობჰაუზი)“, მას პლატონთან ერთად ფაშისტური იდეოლოგიის საფუძვლების შექმნასა (კ. პოპერი, ბ. რასელი) და „ფილოსოფიურ ტოტალიტარიზმში“ (მარკუზე) ადანაშაულებდნენ. რთულია გამოკვეთო, ჰეგელის ფილოსოფიის რაციონალური, ირაციონალური, სოციალური თუ პოლიტიკური ასპექტების ირგვლივ მოურიდებელი კამათი ან კიდევ უკიდურესი შეფასებები „ზედაპირული წაკითხვის“ შედეგი იყო (ფრენსის ფუკუიამა), მისი მოძღვრების რომელიმე სუსტი რგოლის, მისი იდეების ტრანსფორმაციის თუ არასწორი დამახინჯებული ინტერპრეტაციებისა.

The double diamond - ეს არის მოდელი რომელიც 2005 წელს შემუშავდა და დაინერგა განათლების სფეროში. თავდაპირველად ეს მეთოდი აპრობირებული იყო სხვადასხვა სფეროში , როგორიცაა ბიზნესი, მოდა, არქიტექტურა და ა. შ. ხოლო შემდეგ ბრიტანეთის დიზაინ კაუნსილის მიერ იმპლემენტირებული იქნა განათლების სფეროში, კერძოდ უცხოური ენის სწავლებაში.
თანამედროვე და სწარაფად განვითარებად სამყაროში ახალი იდეების შექმნა, შემუშავება, ახალ საჭიროებასთან მორგება და შესაძლო გამოწვევებისათვის მზად ყოფნა ერთ-ერთი აუცილებელი კომპონენტია.
ეს მოდელი მოიცავს 4 ფაზას -აღმოჩენის, განსაზღვრის, განვითარების და გადაცემის. თითოეულის გავლა აუცილებელია რადგან, რომელიმე ფაზის უგულველყოფა არასწორ შედეგზე გადის. ეს მოდელი დიზაინერულ აზროვნების პროცესის ყველაზე მკაფიო ვიზუალიზაციაა. მთავარი აქცენტი ამ პროცესში კეთდება , განსხვავებულ აზროვნებაზე(divergent thinking) და კონვერგენტულ აზროვნებაზე( convergent thinking), რაც გულისხმობს პირველ ეტაპზე პრობლემის დასმას, აზრების გენერირებას , ხოლო შემდგომ მათ დახვეწას და ერთ საუკეთესომდე დაყვანას.
გამომდინარე იქედან, რომ ეს პროცესი მთლიანად ავთენტურ მასალებს ეყრდნობა და რეალურ სამყაროს ეფუძნება ამ მეთოდის გამოყენება უცხოური ენის სწავლებაში ერთგვარი სიახლეა და ასევე ხელს შეუწყობს შემსწავლელთა მოტივაციის გაზრდას და მათი საგაკვეთილო პროცესში ჩართულობას.