განხილულია ლოკალიზებული და კვაზილოკალიზებული ელექტრონული სპინების ანიზოტროპული ურთიერთქმედებების (ურთიერთქმედებები კრისტალურ ველთან და ძიალოშინსკი-მორიას) გავლენა სრული დამაგნიტების განივი მდგენელების რეგულარულ და არარეგულარულ (რელაქსაციურ) მოძრაობაზე.
ჩაწერილია და ამოხსნილია შესაბამისი განტოლებები. მიღებულია რეზონანსული სიხშირის წანაცვლების (რსწ) გამოსახულებები რელაქსაციის გათვალისწინებით სხვადასხვა შემთხვევებში.
მიღებულია რსწ-ს გარე სტატიკური მაგნიტური ველის ორიენტაციაზე დამოკიდებულებების გამოსახულებები.
მაგალითის სახით განხილულია La0.95Sr0.05MnO3 და KCuF3 შენაერთები.
აგებულია ხსენებული ნიმუშების სრული სპინის რსწ-ს კუთხური დამოკიდებულებების გრაფიკები ab, ac, bc კრისტალოგრაფიულ სიბრტყეებში.

ნაშრომში განხილულია ნავთობის მოპოვების დროს არსებული პრობლემები, და წარმოქმნილი ნავთობური ემულსიები. შესწავლილია მათი წარმოქმნის მიზე-ზები. გამოკვლეულია ემულსიის დაშლის პროცესზე მომქმედი ფაქტორები, შერ-ჩეულია დეემულგირების თერმოქიმიური მეთოდი. განსაზღვრულია მექანიკური მინარევების და წყლის შემცველობა საწყის ნედლეულსა და მიღებულ პროდუქ-ტში. ნავთობურ ემულსიაზე მაგნიტური ველის ზემოქმედების მიზნით ჩატარებული იყო ცდები დაბალი სიხშირის მაგნიტური სოლენოიდის გამოყე-ნებით, ჩატარებული ცდების შედეგად დადგინდა, რომ: მაგნიტური ველი აჩქარებს არა მარტო ემულსიიდან წყლის გამოყოფის სიჩქარეს. არამედ ზრდის გამოყოფილი წყლის რაოდენობას. მიღებული შედეგები მოხსენებულია საერთაშორისო კონფერენციაზე: JAPMED’11. Applied Electromagnetic Engineering and Nanomaterials. “Batumi ShotaRustaveli State University” - 2019

ქვეყნის ეკონომიკური მდგომარეობა აიძულებს სახელმწიფოსა და კომპანიებს დროულად გააკეთონ რეაგირება მიმდინარე ცვლილებებზე და განიცადონ მუდმივი ევოლუცია. კომპანიასა უნდა გააჩნდეს მართვის პოტენციალი, რომელიც უზრუნველყოფს დროულ და ადეკვატურ რეაქციას შიდა გარემზე ზემოქმედებისთვის და მისცემს შესაძლებლობას სწორად წარმართოს თავისი საქმე. მართვის ეს პოტენციალი უმეტესწილად უზრუნველყოფილია შიდა კონტროლის წყალობით, რომელიც გარკვეულწილად განსაზღვრავს კომპანიებსა თუ სახელმწიფოებს ფუნქციონირების წარმატებულობას და კონკურენტულ ბრძოლაში გადარჩენას. გარდა ამისა, დიდ როლს თამაშობს დამოუკიდებელი აუდიტორების კონსულტაციები და შესაბამისი მომსახურეობები რისკების შეფასებისა და მართვის საქმეში.

2016 წლის 8 ივნისს საქართველოს პარლამენტმა „ბუღალტრული აღრიცხვის, ანგარიშგებისა და აუდიტის შესახებ საქართველოს კანონი მიიღო, რომლის მიზანს ბუღალტრული აღრიცხვის, ანგარიშგებისა და აუდიტის მარეგულირებელი ჩარჩოს შექმნა „ასოცირების შესახებ შეთანხმებით გათვალისწინებულ ევრიკავშირის აქტებთან დაახლოება წარმოადგენს. კანონმა მმართველობითი ანგარიშგების მომზადებასა და წარგენაზე ახალი სამართლებრივი მოთხოვნები შემოიღო. კანონის მოთხოვნები ანგარიშგების წარდგენასთან დაკავშირებით საზოგადოებრივი დაინტერესების (შემდგომში სდპ) და პირველი და მეორე კატეგოერიების საწარმოებმა 2017 წლის 31 დეკემბრით დასრულებული საანგარიშგებო პერიოდისათვის და შემდგომ პერიოდებში უნდა შეასრულონ, ხოლო თუ სუბიექტს საანგარიშგებო პერიოდი არ ემთხვევა საანგარიშგებო პერიოდი არ ემთხვევა საანგარიშგებო წელს - იმ საანგარიშგებო პერიოდისათვის, რომელიც 2017 წლის 31 დეკემბრის შემდგომი თარიღისთვის სრულდება. კანონით განსაზღვრიული ვალდებულების შესრულებაზე, მათ შორის, სუბიექტების მიერ წარდგენილი ანგარიშგების კანონთან შესაბამისობაზე ზედამხედველობას ბუღალტრული აღრიცხვის, ანგარიშგებისა და უდიტის ზედამხედველობის სამსახური ახორციელებს. ანგარიშგების მიზანია დაინტერესებულ პირებს სუბიექტის საქმიანობასთან, განვითარებასა და მდგომარეობასთან დაკავშირებით ინფორმაციის გაცნობის საშუალება მისცეს, რითაც შეძლებენ სუბიექტის სამომავლო და ძირითადი პერსპექტივების, ძირითადი რისკების სამომავლო და ძირითადი რისკების შეფასებას.