ქვეყნის სტაბილიზაციაზე უდიდეს გავლენას ახდენს მისი საგარეო ვაჭრობის სფეროში არსებული პრობლემების გამოვლენა და მათი გადაჭრის ღონისძიებათა სწორი მენეჯმენტი. ჩვენი ქვეყნის საგარეო ვაჭრობის სტრუქტურაში მრავალი დისბალანსი არსებობს. ესენია: სავაჭრო ბალანსის ქრონიკული დეფიციტი, დიდი მოცულობის საგარეო ვალი, პირდაპირ უცხოურ ინვესტიციებზე დამოკიდებულების მაღალი დონე, სავალუტო კურსის გაუფასურების ტენდენცია, მოსახლეობის მსყიდველუნარიანობის ვარდნა, იმპორტისადმი ზღვრული მიდრეკილების მაღალი დონე და ა. შ. საგარეო ვაჭრობის სწორი მენეჯმენტის მიზნით საჭიროა ისეთი ინსტრუმენტების გამოყენება, როგორიცაა: სავაჭრო, შემოსავლების განაწილების, ფულად–საკრედიტო, საბიუჯეტო–საგადასახადო, და სავალუტო პოლიტიკა. ამ ინსტ-რუმენტების სწორად გამოყენება არის ქვეყნის სტაბილიზაციის საშუალება.

ეკონომიკური სიტუაციის გაუმჯობესებისათვის, ასევე სოციალური პრობლემების მოგვარებისა და ეროვნული ვალუტის კურსის სტაბილიზაციის შენარჩუნებისათვის, ერთ-ერთ ღონისძიებას წარმოადგენს ქვეყნის საექსპორტო პოტენციალის ამაღლება. მით უმეტეს, რომ საქართველოსა და ევროკავშირს შორის არსებობს შეთანხმება ასოცირების შესახებ, რომელიც მოიცავს ყოვლისმომცველი თავისუფალი სავაჭრო სივრცის (DC FTA) კომპონენტს. გარდა ამისა, 2000 წლის 14 ივნისიდან, საქართველო გახდა მსოფლიო სავაჭრო ორგანიზაციის (WTO) 137-ე წევრი. უნდა აღინიშნოს, რომ საქართველო სრულფასოვნად ვერ იყენებს ვერც ერთ იმ შეღავათს, რომელიც დაწესებულია როგორც ასოცირების ხელშეკრულების მიხედვით, ისე მსოფლიო სავაჭრო ორგანიზაციის წესდებით. ვერ ვიტყვით, რომ 2015 წლის შემდეგ (როცა საქართველომ დადო ხელშეკრულება ევროკავშირთან), საექსპორტო მაჩვენებელი ევროკავშირის მიმართულებით რადიკალურად გაიზარდა.

საქართელოში მე-XX საუკუნის 90-იანი წლებიდან ხელისუფლების უმთავრეს მიზნად გადაიქცა მოსახლეობისათვის „საზოგადოებრივი კეთილდღეობის“ შექმნა, რომელთა შორის საზოგადოებისათვის ერთ-ერთ „არაწინააღმდეგობრივ კეთილდღობას“ წარმოადგენს საპენსიო უზრუნველყოფის სისტმის ჩამოყალიბება და სრულყოფა, ხოლო თანამედროვე ეტაპზე უმთავრეს აუცილებლობას წარმოადგენს დაგროვებით საპენსიო სისტემაზე გადასვლა.

ი. კანტის ნაშრომი „წმინდა გონების კრიტიკა“ გამოიცა 1781 წელს. ამ ნაშრომით იწყება თვისებრივად ახალი ეპოქა კაცობრიობის აზროვნების ისტორიაში.
ნაშრომში გადმოცემული პრობლემები და თავად მისი შესრულების ენა იმდენად რთულია და ისეთ წიაღსვლებს მოითხოვს მკითხველისაგან, რომ ი.კანტი იძულებული გახდა შეექმნა ახალი ნაშრომი „პროლეგომენები“. ეს იყო ნაშრომი, რომელიც დაეხმარებოდა მკითხველს „წმინდა გონების კრიტიკის“ გაგებაში და მისთვის ერთგვარ პროპედევტიკას წარმოადგენდა.
ამდენად, „წმინდა გონების კრიტიკის“ სწავლება საუნივერსიტეტო სივრცეში შეიძლება ერთგვარ გამოწვევადაც ჩაითვალოს პროფესორისთვის. ეს პროცესი მოითხოვს სტუდენტის მაქსიმალურ ჩართვას სასწავლო პროცესში და სრულ ინტერაქციას.
მიმაჩნია, რომ ფილოსოფიის საბაკალავრო და სამაგისტრო პროგრამებისთვის აქტუალურია ი. კანტის სწავლების პრობლემები. ამ სემინარის დანიშნულება გახლავთ კოლეგების სამსჯავროზე იმ საკითხების გამოტანა, რომელიც გამოყენებული იქნება სწავლების ორივე საფეხურის პროგრამებისთვის.

დასავლეთ საქართველოში მოწეული თაფლის ქიმიური კვლევის შედეგები, სამუშაოები შესრულებულოია სსიპ – შოთა რუსთაველის ეროვნული სამეცნიერო ფონდი, პროექტი-216816 „საქართველოში წარმოებული თაფლისა და ღვინის ქიმიური შედგენილობის შესწავლა მაღალი წნევის სითხური ქრომატოგრაფირებით, ადგილმდებარეობის და სახეობრივი პასპორტიზაციის წესების დასადგენად“. პროექტის ფარგლებში შესწავლილია დასავლეთ საქართველოში მოწეული თაფლის ბიოლოგიურად აქტიური ნაერთების შემცველობა. ამ მონაცემების შეჯერებით შექმნილია მათი პასპორტები.
ვრცელი პრეზენტაცია დაგეგმილი არის პროეტის სადემონსტრაციო დღი ფარგლებში, ხოლო მიმდინარე პრეზენტაცია დაგეგმილია 24.07.2019