საქართველოში დამოუკიდებლობის მოპოვებიდან 26 წლის შემდეგ სოციალური ფონი კვლავ მძიმეა. მაღალია უმუშევრობა და სიღარიბის ზღვარს ქვემოთ მცხოვრებთა პროცენტული წილი. დაბალია პენსია და სოციალური შემწეობები.
საქართველოში ამჟამად მოქმედებს სოციალური საპენსიო სისტემა. ე.წ. pay-as-you-go. ამჟამად არსებული დასაქმებულები აფინანსებენ პენსიონერებს. ეს თავის არსით უფრო სოციალური დახმარებაა ვიდრე პენსია.
ახლო მომავალში პენსია ვერ გახდება 300 ლარიც კი, რაც თავისთავად ასევე ძალიან მცირე თანხაა.
საქართველოს ეკონომიკისა და მდგრადი განვითარების სამინისტრომ საქართველოს ფინანსთა სამინისტროსთან და ეროვნულ ბანკთან ერთად მოამზადა საპენსიო რეფორმის პროექტი, რომელიც დაგროვებითი საპენსიო სისტემის შექმნას გულისხმობს და რომელიც სრულყოფილად 2018 წლის პირველი სექტემბრიდან ამოქმედდება.

პრობლემის აქტუალობა: მდ. აჭარისწყლის ხეიბაში ხელვაჩაურის, ხულოს, ქედისა და შუახევის მუნიციპალიტეტების ტერიტორიებზე ხორციელდება ჰესების კასკადის პროექტი, რასაც თან ახლავს ბუნებრივი ეკოსისტემებისა და სასოფლო-სამეურნეო სავარგულების როგორც წყლით დაფარვა, ასევე მდინარეთა ბუნებრივი კალაპოტებიდან წყლის (90%) გადასროლა დერივაციულ მილებში ან არხებში. რამდენადაც პროექტის განხორციელებისა და ექსპლუატაციის პროცესში ბიოლოგიურ მრავალფეროვნებას საფრთხე ემუქრება არა მარტო დატბორვით, არამედ წყლის წართმევის გამო, აღნიშნული პრობლემების გაცნობა და პრევენციის გზების ძიება ერთობ აქტუალურია.

ახლო აღმოსავლეთი პოლიეთნიკური რეგიონია, სადაც აბორიგენი მოსახლეობის გვერდით ცხოვრობენ სხვადასხვა ერისა და რელიგიის წარმომადგენლები. აქ მცხოვრე-ბი ეთნიკური ჯგუფებისათვის ტრადიციული რელიგიური მიმდინარეობებია ქრისტია-ნობა (მართმადიდებლობა, კათოლიციზმი და გრიგორიანობა), ისლამი და იუდაიზმი. საერთაშორისო სამართლის საყოველთაოდ აღიარებული პრინციპებისა და ნორმების შე-საბამისად მათ უფლება აქვთ თავისუფლად, ყოველგვარი დისკრიმინაციისა და ჩარევის გარეშე განავითარონ თავიანთი კულტურა, ისარგებლონ დედაენით პირად ცხოვრებაში და საჯაროდ. ამ მხრივ სასემინარო თემაში დახასიათებულია ქალაქი იერუსალიმი (გეოგრაფიული ასპექტები, რელიგია, ეთნოგრაფიული ტურიზმი).