ბათუმის შოთა რუსთაველის სახელმწიფო უნივერსიტეტმა N16 საჯარო სკოლის პირველი კლასის მოსწავლეებს უმასპინძლა. ბსუ-ს რექტორის მოადგილემ, თამარ სირაძემ პირველკლასელებს საუნივერსიტეტო ცხოვრება და სასწავლო პროცესი გააცნო. მოსწავლეებმა უნივერსიტეტის ბიბლიოთეკა, კაბინეტ-ლაბორატორიები დაათვალიერეს და როლური თამაშების ფორმატში სახალისო ცდებში მიიღეს მონაწილეობა. ღონისძიებისა დასასრულს მათ სიმბოლური საჩუქრები გადაეცათ.
15 აპრილს, ქალაქ ბათუმის შპს განათლება სკოლა იმედში დედამიწის დღისადმი მიძღვნილი ღონისძიება გაიმართა, რომლის მიზანს საბუნებისმეტყველო საგნების პოპულარიზაცია წარმოადგენდა. ღონისძიება უნივერსიტეტის მესამე მისიის ფარგლებში განხოციელდა და მასში მონაწილეობდნენ ბათუმის შოთა რუსთაველის სახელმწიფო უნივერსიტეტის საბუნებისმეტყველო და ჯანდაცვის ფაკულტეტის ქიმიის დეპარტამენტის ხელმძღვანელი, პროფესორი მაია ვანიძე, მოწვეული მასწავლებელი თამილა გოგიტიძე და ქიმიის სპეციალობის მეორე კურსის სტუდენტები: კახა კოტრიკაძე და ანა ჯინჭარაძე, რომლებმაც მოსწავლეების ჩართულობით ჩაატარეს სახალისო ქიმიური ექსპერიმენტები. შეხვედრა სკოლის მოსწავლეებისთვის როგორც შემეცნებითი, ასევე ინტერაქციული ხასიათის იყო დიდი ინტერესი გამოიწვია.
14 აპრილს დედაენის დღესთან დაკავშირებით იურიდიული და სოციალურ მეცნიერებათა ფაკულტეტის პროფესორი მურმან გორგოშაძე შეხვდა ხელვაჩაურის ახალგაზრდულ ცენტრში სკოლის მოსწავლეებს და საჯარო ლექცია ჩაატარა თემაზე - „სახელმწიფო ენის გამოყენების სამართლებრივი ასპექტები". პროფესორმა მურმან გორგოშაძემ მოსწავლეებს დედა ენის დღის მნიშვნელობაზე, დედაენის დღედ გამოცხადების წინაპირობებზე, სახელმწიფო ენის სწორად გამოყენების აუცილებლობასა და ქართული ენის დაცვის მნიშვნელობაზე ესაუბრა. შეხვედრა ინტერაქციულ ფორმატში წარიმართა.
ბათუმის შოთა რუსთაველის სახელმწიფო უნივერსიტეტის ისტორიის, არქეოლოგიისა და ეთნოლოგიის დეპარტამენტის ხელმძღვანელმა, პროფესორმა ჯემალ კარალიძემ და დეპარტამენტის ასისტენტმა, ზეინაბ ასანიძემ მახინჯაურის საჯარო სკოლაში ჩაატარეს საჯარო ლექცია თემაზე: „9 აპრილიდან 9 აპრილამდე“. ღონისძიება ინტერაქციულ რეჟიმში წარიმართა და მიზნად ისახავდა მოსწავლეებისთვის 1989 წლის 9 აპრილის მოვლენების მნიშვნელობისა და ისტორიული კონტექსტის გაცნობას.
ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ფიზიკის დეპარტამენტის ასისტენტ პროფესორის მირანდა ხაჯიშვილის ხელმძღვანელობით ბსუ-ს ეწვივნენ თეიმურაზ ჯორბენაძის სახელობის ქობულეთის N3 საჯარო სკოლის მოსწავლეები. ფიზიკის დეპარტამენტის ხელმძღვანელმა პროფ. ნუგზარ ღომიძემ მოსწავლეებს ჩაუტარა ლექცია ფიზიკის აქტუალურ საკითხებზე, ხოლო ასისტენტ პროფესორმა მირანდა ხაჯიშვილმა - „პოპულარული საკითხები ასტრონომიაში“.
