10-11 მარტს გაიმართა ორდღიანი სემინარი/დისკუსია თემაზე: მაკრო და მიკროპლასტიკით დაბინძურების წყაროები მდინარე ჭოროხის დელტის ჭარბტენიან ჰაბიტატებზე (ზღვა, მდინარე, მტკნაწყლიანი ტბორები).
ბსუ-ში საზღვაო დაბინძურების მონიტორინგისა და მათზე რეაგირების სასწავლო კურიკულუმის ერთობლივი შემუშავების შესახებ სამუშაო შეხვედრა გაიმართა. შეხვედრას ესწრებოდნენ ბსუ-ს საბუნებისმეტყველო მეცნიერებათა და ჯანდაცვის ფაკულტეტის პროფესორ-მასწავლებლები და სტუდენტები, გარემოს ეროვნული სააგენტოს, აჭარის ა.რ. სოფლის მეურნეობისა და გარემოს დაცვის თანამშრომლები, საზღვაო აკადემიის პროფესორები, ფოთის სანაპირო დაცვის განყოფილების უფროსი, ქობულეთის სანაპირო ზოლის დაცვის წარმომადგენლები. ჰიბრიდულ რეჟიმში გამართულ შეხვედრაზე დაიგეგმა ერთობლივი სასწავლო კურიკულუმების შემუშავება, რომელიც შემდეგ მოდულებს მოიცავს:
ბათუმის შოთა რუსთაველის სახელმწიფო უნივერსიტეტში რამსარის კონვენციით დაცული ჭარბტენიანი ჰაბიტატების დაცვის საერთაშორისო დღესთან დაკავშირებით საგანმანათლებლო შეხვედრა გაიმართა. ღონისძიება სახელწოდებით „გიყვარდეს ოკეანე: გიყვარდეს შავი ზღვა" 2025 წლის რამსარის კონვენციის სლოგანის - „ჭარბტენიანების დაცვა მომავალი თაობების საკეთილდღეოდ" ფარგლებში ჩატარდა.
23 ოქტომბერს, Interreg NEXT შავი ზღვის აუზის პროგრამის გრანტის CARE SEA ფარგლებში, ბსუ-ს საბუნებისმეტყველო და ჯანდაცვის ფაკულტეტის გეოგრაფიის დეპარტამენტში გაიმართა სემინარი თემაზე: „პლასტიკით და ნანოპლასტიკით დაბინძურების შესწავლისათვის ნიმუშების აღების სტრატეგია“. საუბარი შეეხო მდინარეებისა და შავი ზღვის სანაპირო ზოლის ნანოპლასტიკით დაბინძურების სახეებსა და წყაროებს, შესწავლის მეთოდს. თუ სად და როდის უნდა განხორციელდეს სამეცნიერო კვლევებისათვის ნანოპლასტიკის შესასწავლად ნიმუშების აღება, როგორ უნდა მოხდეს მიკროსკოპის საშუალებით ნანოპლასტიკის კლასიფიკაცია მისი წარმოშობის, ფერის და ფორმების მიხედვით.
Interreg NEXT შავი ზღვის აუზის პროგრამის ფარგლებში, ბათუმის შოთა რუსთაველის სახელმწიფო უნივერსიტეტმა შავი ზღვის დაბინძურებისა და მისი გავლენის შესახებ მნიშვნელოვანი საერთაშორისო პროექტი CARE SEA - „თანამშრომლობა და ცნობიერების ამაღლება დაბინძურებისაგან თავისუფალი და ეკოლოგიურად სუფთა შავი ზღვა“ დაიწყო. პროექტი მიზნად ისახავს გარემოს დაბინძურების პრობლემის შესწავლას, შავი ზღვის დაბინძურების შემცირებასა და ეკოლოგიური მდგრადობის ხელშეწყობას, რაც განხორციელდება 5 ქვეყნის უმაღლესი საგანმანათლებლო და კვლევითი დაწესებულებების პარტნიორობით.
