ბათუმის შოთა რუსთველის სახელმწიფო უნივერისტეტში საქართველოს რუსეთის მიერ ოკუპაციისა და ძალდატანებითი გასაბჭოების დღისადმი მიძღვნილი ღონისძიებები გაიმართა. სტუდენტებმა და პროფესორ-მასწავლებლებმა 1921 წლის მარტში საქართველოს ერთიანობისათვის დაღუპული გვარდიელების საფლავი ყვავილებით შეამკეს. ასევე ჩატარდა შეხვედრა-დისკუსია, სადაც სტუდენტებმა და პროფესორ-მასწავლებლებმა განიხილეს რუსეთ-საქართველოს 1921 წლის თებერვალ-მარტის ომის, საქართველოს დამფუძნებელი კრების ბოლო სხდომის, ბათუმის დასაცავად გამართული ბრძოლის არსებითი მომენტები, გენერალ გიორგი მაზნიაშვილისა და ბათუმის დამცველთა გმირობა.

ბათუმის შოთა რუსთაველის სახელმწიფო უნივერსიტეტში ჰუმანიტარულ მეცნიერებათა ფაკულტეტის ღვაწლმოსილი პროფესორის, ნანა სტამბოლიშვილის დაბადებიდან 75 და პედაგოგიური მოღვაწეობიდან 50 წლის იუბილე აღინიშნა. ბსუ-ს რექტორმა, პროფესორმა მერაბ ხალვაშმა პროფესორ ნანა სტამბოლიშვილს იუბილე მიულოცა და ხანგრძილივი და ნაყოფიერი აკადემიური საქმიანობისათვის მადლობის სიგელი გადასცა. ღვაწლმოსილ პროფესორს ასევე იუბილე მიულოცეს, სამახსოვრო საჩუქრები გადასცეს და მის ღვაწლზე ისაუბრეს ჰუმანიტარულ მეცნიერებათა ფაკულტეტის დეკანმა თეონა ბერიძემ, პროფესორ-მასწავლებლებმა და მეგობრებმა.