ბათუმის შოთა რუსთაველის სახელმწიფო უნივერსიტეტი პირველ საერთაშორისო კონფერენციას „ადრეული განათლება და ზრუნვა“ მასპინძლობს. კონფერენციის მიზანია, ხელი შეუწყოს ადრეული განათლებისა და ზრუნვის სფეროში ხარისხის, ხელმისაწვდომობისა და ინკლუზიის შესახებ აკადემიურ დისკუსიას, ცოდნის გაზიარებას ადგილობრივი და საერთაშორისო პრაქტიკის გათვალისწინებით. ღონისძიება გახსნეს და მონაწილეებს მისასალმებელი სიტყვით მიმართეს აჭარის ა. რ. უმაღლესი საბჭოს თავმჯდომარემ დავით გაბაიძემ, გაეროს წარმომადგენელმა საქართველოში ღასან ხალილმა, პარლამენტის წევრებმა გიორგი ამილახვარმა და ელისო ბოლქვაძემ, ბათუმის შოთა რუსთაველის სახელმწიფო უნივერსიტეტის რექტორმა, პროფესორმა მერაბ ხალვაშმა და აჭარის ა.რ. განათლების, კულტურისა და სპორტის მინისტრმა მაია ხაჯიშვილმა.

2022 წლის 27 მაისს ბსუ-ს ბავშვის უფლებების ცოდნის ცენტრში ჩატარდა დებატი თემაზე: „მედიის როლი ბავშვის უფლებების დაცვაში“ ბსუ-ს ბავშვის უფლებების ცოდნის ცენტრის და გაეროს ბავშვთა ფონდის, UNICEF-ის საგრანტო პროექტის „ბავშვის უფლებების ცენტრის ცოდნის ცენტრად დაფუძნება ინკლუზიური და ბავშვთა უფლებებზე ორიენტირებული ცოდნის დამოკიდებულებებისა და პრაქტიკის დასანერგად“ ფარგლებში. დებატებში მონაწილეობა მიიღო ბათუმის საჯარო და კერძო სკოლების VII-XII კლასის მოსწავლემ. დებატი წარმართა ზოგადი განათლების დაწყებითი საფეხურის მასწავლებლის მომზადების ინტეგრირებული საბაკალავრო-სამაგისტრო პროგრამის მეორე და მესამე კურსელებმა თეონა ქარცივაძემ და მელანო ანანიძემ. მონაწილეებს გადაეცათ სერტიფიკატები.

2022 წლის 22 მაისს, ბათუმის შოთა რუსთაველის სახელმწიფო უნივერსიტეტის ბავშვთა უფლებების ცენტრის ორგანიზებითა და გაეროს ბავშვთა ფონდის, UNICEF-ის მხარდაჭერით ჩატარდა ონლაინ ტრენინგი თემაზე: "ბავშვის უფლებები და უსაფრთხო სკოლა”, რომელსაც უძღვებოდა ტრენერი: კლინიკური ფსიქოლოგი მაია ცირამუა

2022 წლის 21 მაისს, 11.00 საათზე, ბათუმის შოთა რუსთაველის სახელმწიფო უნივერსიტეტის ბავშვთა უფლებების ცენტრის ორგანიზებითა და გაეროს ბავშვთა ფონდის, UNICEF-ის მხარდაჭერით ჩატარდა ონლაინ სამეცნიერო კონფერენცია „ბავშვის უფლებები და უსაფრთხო სკოლა“. ბსუ-ს ზუსტ მეცნიერებათა და განათლების ფაკულტეტზე ტრადიციად იქცა 21 მაისს კულტურული მრავალფეროვნების დღეს კონფერენციის ჩატარება თემაზე: ბავშვის უფლებების დაცვა, უსაფრთხო სკოლა, არა სიძულვილის ენას, არა დისკრიმინაციას, ერთიანობა მრავალფეროვნებაშია.

2022 წლის 14 მაისს ბათუმის შოთა რუსთაველის სახელმწიფო უნივერსიტეტში, „ბავშვის უფლებების ცენტრში“ ჩატარდა ტრენინგი თემაზე: „ბავშვთა შრომითი ექსპლუატაცია“, რომელსაც უძღვებოდა ტრენერი ბიზნეს ადმინისტრირების დოქტორი გიორგი ქათამაძე.