ახალი ამბები

ბსუ-ში საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტისა და ბათუმის შოთა რუსთაველის სახელმწიფო უნივერსიტეტის ორგანიზებით სამდღიანი ლექციათა ციკლი დაიწყო თემაზე: „საქართველოს საგარეო პოლიტიკა თანამედროვე ეტაპზე და მისი პრიორიტეტები“. საზაფხულო სკოლა აჭარის მთავრობის თავმჯდომარემ, თორნიკე რიჟვაძემ, ბსუ-ს რექტორმა მერაბ ხალვაშმა და დიპლომატებმა - მიხეილ უკლებამ და კონსტანტინე ჟღენტმა გახსნეს.

საქართველოს მეცნიერებათა ეროვნული აკადემიის პრეზიდიუმის დადგენილებით ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის პროფესორებს: მამია ფაღავას (პროექტის სამეცნიერო ხელმძღვანელი და რედაქტორი), მალხაზ ჩოხარაძეს (პროექტის კოორდინატორი), †ემერიტუს-პროფესორ მერი ცინცაძეს, თინა შიოშვილს, შოთა მამულაძეს, რამაზ ხალვაშს, ნუგზარ მგელაძეს; ასოცირებულ პროფესორებს: ზაზა შაშიკაძეს, მაია ბარამიძეს, ჯემალ კარალიძეს, საქართველოს ისტორიის, ფილოლოგიის, არქეოლოგიის და ეთნოლოგიის დარგში გამოცემული საუკეთესო მონოგრაფიისათვის „კლარჯეთი“ მიენიჭათ ივანე ჯავახიშვილის სახელობის აკადემიური პრემია.

უკრაინის მეცნიერებათა აკადემიის სამართლის უნივერსიტეტის პროფესორს, ინფორმაციული განათლების მეცნიერების საერთაშორისო აკადემიის ნამდვილ წევრს, მშვიდობის ელჩს იური ბოშიცკის ბათუმის შოთა რუსთაველის სახელმწიფო უნივერსიტეტის განვითარებაში შეტანილი წვლილისათვის, აკადემიური საბჭოს გადაწყვეტილებით, საპატიო დოქტორის წოდება მიენიჭა. პროფესორმა იური ბოშიცკიმ ხელი შეუწყო კიევის ერთადერთი სამართლის უნივერსიტეტის განვითარებას. მისი ძირითადი სამეცნიერო მოღვაწეობა დაკავშირებულია ინტელექტუალური საკუთრების სამართლის თეორიული საფუძვლების გამოკვლევასა და უკრაინის ინტელექტუალური საკუთრების სამართლის სკოლის შექმნასთან.

10 ივლისს ბსუ-ს ბიბლიოთკაში, კომპანია Clarivate Analytics-ის წარმომადგენელმა ვალენტინ ბოგოროვმა სემინარი ჩაატარა რუსულ და ინგლისურ ენებზე Clarivate Analytics-ის სამეცნიერო ბაზის - Web of Science-ის გამოყენების შესახებ. სტუმარმა უმაღლესი საგანმანათლებლო დაწესებულების აკადემიურ პირებს, მკლევარებსა და ბიბლიოთეკის თანამშრომლებს გააცნო ერთ-ერთი უმსხვილესი სამეცნიერო ბაზის Clarivate Analytics -ის შესაძლებლობები და ინსტრუმენტები.

ჩრდილოეთ კაროლინის უნივერსიტეტის პროფესორმა ნიკოლოზ მესხიძემ ბათუმის შოთა რუსთაველის სახელმწიფო უნივერსიტეტში საჯარო ლექციების ციკლი წაიკითხა თემაზე: „კლიმატის ცვლილებების მეცნიერული საფუძვლები: მოდელების და სატელიტური მონაცემების გამოყენება სამხრეთ კავკასიის შავი ზღვის აუზის რეგიონში“. სამი დღის განმავლობაში მომხსენებელმა სტუდენტებსა და პროფესორ-მასწავლებლებსა ისეთი აქტუალური საკითხები გააცნო, როგორიცაა: გლობალური კლიმატის ცვლილება (მისი მიზეზებისა და შედეგების თანამედროვე გაგება); თანამედროვე რეგიონალური და გლობალური მოდელები (ზოგადი მომოხილვა); რეგიონალური მოდელი Reg-CM; სატელიტური მონაცემები ატმოსფეროს შემადგენელ გაზებზე, აეროზოლებზე, ღრუბლებზე, ნალექიანობაზე, ზღვებისა და ოკეანეების ტემპერატურაზე, ფიტოპლანკტონების სიუხვეზე და მათი უფასოდ მოპოვების და დამუშავების შესაძლებლობები;