ბსუ-ს ქიმიის დეპარტამენტმა აჭარის კერძო და საჯარო სკოლის მოსწავლეებს უმასპინძლა. პროფესორებმა სტუმრებს პროგრამული და სახალისო ცდები ჩაატარეს. მოსწავლეებმა სასწავლო და კვლევითი ლაბორატორიები და დასავლეთ საქართველოს რეგიონული ქრომატოგრაფიული ცენტრი დაათვალიერეს. შეხვედრა უნივერსიტეტში პროექტის „ უნივერსიტეტი ფართო საზოგადოებისათვის’’ ფარგლებში გაიმართა.
„სტუდენტური დღეები-2017“ გრძელდება. ფრენბურთის ტურში ბათუმის შოთა რუსთაველის სახელმწიფო უნივერსიტეტის გუნდი ბათუმის საზღვაო აკადემიას შეხვდა და ფინალურ ტურში გამარჯვება მოიპოვა ანგარიშით -2:1. ასევე, ბსუ-ს სტუდენტურმა გუნდებმა წარმატებით იასპარეზეს ფუტსალისა და მაგიდის ჩოგბურთის ტურნირში.
საქართველოს საზოგადოებრივი ჯანდაცვის ფონდის ბავშვთა და მოზარდთა ფსიქოლოგმა, ბავშვთა დაცვის ექსპერტმა ეკატერინე თავართქილაძემ ბათუმის შოთა რუსთველის სახელმწიფო უნივერსიტეტში საჯარო ლექცია წაიკითხა თემაზე: „მოვუსმინოთ ბავშვს - მეცნიერულ მიგნებებზე დამყარებული თანამედროვე მიდგომები“. ექსპერტ-კონსულტანტმა არასრულწლოვანთა მართლმსაჯულების საკითხებში სტუდენტებს, პროფესორ-მასწავლებლებსა და დარგის სპეციალისტებს ბავშვთა უფლებების დაცვის საშუალებები, მეცნიერულ მიგნებებზე დამყარებული თანამედროვე მიდგომები და სხვა აქტუალური პრობლემები გააცნო.
დღეს, ბათუმის შოთა რუსთაველის სახელმწიფო უნივერსიტეტში Erasmus+ საქართველოს ოფისის ინიციატივით, სტუდენტებისთვის საინფორმაციო შეხვედრა გაიმართა ერაზმუსის სამაგისტრო და გაცვლითი პროგრამების შესახებ. სტუდენტებსა და დაინტერესებულ პირებს საშუალება ჰქონდათ Erasmus+ საქართველოს ოფისის წარმომადგენლების- ნინო ურუშაძისა და თათა ლორთქიფანიძისაგან დეტალური ინფორმაცია მიეღოთ ერთობლივი სამაგისტრო პროგრამის (Joint program) პირობებზე, კონკურსში მონაწილეობის წესებზე, ვადებსა და დაფინანსებაზე.
დღეს, ბათუმის შოთა რუსთაველის სახელმწიფო უნივერსიტეტში გაიმართა ნოე ჟორდანიას შვილიშვილის, ქრისტინე ფაღავა ბულეზის მოგონებების წიგნის – „ერთი უჩვეულო ოჯახი“ – წარდგინება. ნოე ჟორდანიას შვილიშვილი, ქრისტინე ფაღავა ბულეზი, ბოლშევიკური რუსეთის მიერ საქართველოს ოკუპაციის შემდეგ საფრანგეთში, ემიგრაციაში დაიბადა. აღიზარდა ქართულ გარემოში. ბაბუის ყურადღებით განებივრებულს თბილი, სასიამოვნო და ამასთანავე, მნიშვნელოვანი მოგონებები შემორჩა მასზე.
