ბათუმის შოთა რუსთაველის სახელმწიფო უნივერსიტეტში საქართველოს დაწყებითი განათლების პროექტის (G-Pried-ის) პროგრამული დირექტორი ქეთი ჩაჩხიანი, მათემატიკის მიმართულების ხელმძღვანელი გიორგი ნოზაძე და წიგნიერების მიმართულების ხელმძღვანელი პაატა პაპავა განათლების ფაკულტეტზე მოქმედ დაწყებითი განათლების საბაკალავრო და განათლების ადმინისტრირების სამაგისტრო საგანმანათლებლო პროგრამებში ჩართულ პერსონალს შეხვდნენ.
ბათუმის შოთა რუსთაველის სახელმწიფო უნივერსიტეტის მოდულური პროგრამის განმახორციელებელი პროფესორ-მასწავლებლები სამი დღის განმავლობაში მასწავლებელთა პროფესიული განვითარების ეროვნული ცენტრის მიერ გათვალისწინებულ ტრენინგს ესწრებოდნენ.
გერმანული საერთაშორისო ორგანიზაცია არბაითერ-სამარიტერ-ბუნდსა-ს ეგიდით ევროკომისიის დესქ-ოფიცერი ჯაკოპო ლომბარდი, ევროკომისიის ოფისის წარმომადგენელი საქართველოში ქეთევან ლომსაძე და ASB-ს წარმომადგენლები ბათუმის შოთა რუსთაველის სახელმწიფო უნივერსიტეტის რექტორს მერაბ ხალვაშს შეხვდნენ. შეხვედრა არასამთავრობო ორგანიზაციასა და ბსუ-ს სამომავლო თანამშრომლობას შეეხებოდა, რომელიც დაწყებითი კლასის მასწავლებლებისა და სკოლამდელი განათლების ბაკალავრიატის სტუდენტებისათვის ახალი კურსის ‘’კატასტროფების რისკების შემცირება’’ შემუშავებას და დანერგვას ითვალისწინებს.
დღეს, საქართველს პრეზიდენტი გიორგი მარგველაშვილი ბათუმის შოთა რუსთაველის სახელმწიფო უნივერსიტეტში სტუდენტებს შეხვდა და დემოკრატიული ინსტიტუტების შესახებ საჯარო ლექცია წაიკითხა. საქართველოს პრეზიდენტმა უნივერსიტეტში სტუმრობისას, რექტორთან მერაბ ხალვაშთან ერთად, ერთობლივ მემორანდუმს მოაწერა ხელი, რაც უნივერსიტეტში, მედია მიმართულების გაძლიერებას და კულტურის მეცნიერების მიმართულების საბაკალავრო პროგრამის გახსნას ითვალისწინებს.
ჩრდილო ატლანტიკური ალიანსის გენერალური მდივანი იენს სტოლტენბერგი საქართველოს უმაღლესი სასწავლებლების სტუდენტებს შეხვდა. შეხვედრას ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის სტუდენტები: მიხეილ ბენია, ანა ნიქაბაძე, სოსო მაკარაძე და მარიამ მახარაძე ესწრებოდნენ. გენერალურმა მდივანმა სტუდენტებს ნატოს ახალ გამოწვევებზე, მათთან რეაგირების მექანიზმებზე, საქართველოსთან თანამშრომლობის ქრონოლოგიასა და განვითარებაზე ესაუბრა. შეხვედრა კითხვა-პასუხის რეჟიმში გაიმართა.
