მარატ ოსპანოვის სახელობის ყაზახეთის სახელმწიფო სამედიცინო უნივერსიტეტის მაგისტრანტები საბუნებისმეტყველო და ჯანდაცვის ფაკულტეტზე მოკლევადიან საგანმანათლებლო პროგრამას გაივლიან. საგანმანათლებლო პროგრამა ‘’სამეცნიერო კვლევითი პროექტების ჩატარება მედიცინაში: პრინციპები, მეთოდოლოგია და პრაქტიკა’’ ჯანდაცვის სფეროში მომუშავე სპეციალისტებზეა ორიენტირებული და მსმენელებს თეორიულ ცოდნასა და პრაქტიკულ უნარ-ჩვევების ჩამოყალიბებაში ეხმარება კვლევითი პროექტების ჩატარებისას.
ბათუმის შოთა რუსთაველის სახელმწიფო უნივერსიტეტმა მონაწილეობა მიიღო განათლების მეექვსე საერთაშორისო გამოფენაში, რომელიც 18-19 თებერვალს თბილისში, საგამოფენო ცენტრ „ექსპო-ჯორჯიაში“ გაიმართა.
გამოფენაზე, ბსუ-მ ორიგინალური სტენდით მიიპყრო დამთვალიერებელთა ყურადღება, სადაც FAB LAB BSU-ში დამზადებული სტუდენტთა ნამუშევრები იყო წარმოდგენილი. დამთვალიერებლებმა ინფორმაცია მიიღეს ბსუ-ს ფაკულტეტების, საგანმანათლებლო პროგრამების (ბაკალავრიატი, მაგისტრატურა, დოქტორანტურა), და სხვადასხვა გაცვლითი პროგრამების შესახებ.
განათლების საერთაშორისო გამოფენა ყოველწლიურად ტარდება და მასში 16 ქვეყნის 100-მდე უნივერსიტეტი მონაწილეობს.
შოთა რუსთაველის პოემა 50 ენაზეა თარგმნილი და 37 ქვეყანაშია დაბეჭდილი. 17 თებერვალს ბათუმის შოთა რუსთაველის სახელმწიფო უნივერსიტეტის რუსთაველის დარბაზში გაიმართა “ვეფხისტყაოსნის” ახალი რუსული თარგმანის პრეზენტაცია. მთარგმნელი არჩილ ხალვაში (1935-2008) ბათუმის პედაგოგიური ინსტიტუტის კურსდამთავრებულია და პროექტზე რვა წელი მუშაობდა. ახალ თარგმანში ზუსტადაა დაცული „ვეფხისტყაოსნის” მეტრი: მაღალი და დაბალი შაირი, 20-მარცვლოვანი ლექსი. გარდა ამისა, უცხო ენაზე პირველად ითარგმნა და გამოქვეყნდა „ვეფხისტყაოსნის” სრული რედაქცია: შოთა რუსთაველის ავთენტურ ტექსტთან ერთად თარგმანში შევიდა ჩანართი და დანართი სტროფები, ანუ პოემის გაგრძელებები. გამოცემა ბილინგვურია, რუსულ ტექსტს ახლავს ქართული დედანი, რომელშიც შოთა რუსთაველის ”ვეფხისტყაოსნის” ტექსტი ემყარება აკადემიურ გამოცემებს (1988 და 2009 წ.), ხოლო ჩანართი-დანართი სტროფები - კრიტიკულად დადგენილ ტექსტს, რომელიც მთარგმნელს ეკუთვნის. გამოცემა დასაბეჭდად მოამზადა ბსუ ქართული ფილოლოგიის დეპარტამენტის პროფესორმა რამაზ ხალვაშმა, რომელსაც ეკუთვნის ვრცელი წინასიტყვაობები რუსულ და ქართულ ენებზე. წიგნის გამომცემელია მთარგმნელის ვაჟი - ემზარ ხალვაში. წიგნი დაისტამბა გამომცემლობა ”ქართულ წიგნში”.
ტემპუსის საგრანტო პროექტის ”Promoting Internationalization of HEIs in Eastern Neighbourhood Countries through Cultural and Structural Adaptations (PICASA)“ ფარგლებში ჩატარდა საინფორმაციო შეხვედრა ბათუმის შოთა რუსთაველის სახელმწიფო უნივერისტეტის სტუდენტებთან, პროფესორ-მასწავლებლებთან და ადმინისტრაციულ პერსონალთან. წარდგინებაზე მონაწილეებმა პროექტის მიზნები, მიღწევები და სამომავლო გეგმები წარმოადგინეს. შემუშავდა უნივერსიტეტის ინტერნაციონალიზაციის დებულება და ორი სამაგისტრო პროგრამა - ეკონომიკა და საჯარო მმართველობა. პროექტის ფარგლებში ასევე შეძენილია ტექნიკური აღჭურვილობა.
ბათუმის შოთა რუსთაველის სახელმწიფო უნივერსიტეტის სოციალურ მეცნიერებათა დეპარტამენტის პროფესორმა გურამ ჩაგანავამ, 31-ე ქვეით ბატალიონს საჯარო ლექცია წაუკითხა თემაზე-ქართველი კაცის ფსიქოლოგიური პრობლემები’’.
