ახალი ამბები

ბათუმის შოთა რუსთაველის სახელმწიფო უნივერსიტეტში საქართველოს უსაფრთხოებისა და განვითარების ცენტრის დირექტორმა, საქართველოს ყოფილმა ელჩმა ნატოში ლევან დოლიძემ საჯარო ლექცია წაიკითხა თემაზე: ეროვნული უსაფრთხოება და საქართველოს საგარეო პოლიტიკის პრიორიტეტები. საჯარო ლექციების პროექტი, რომელიც ნიდერლანდების საგარეო საქმეთა სამინისტროს ფინანსური მხარდაჭერით ხორციელდება, მიზნად ისახავს სტუდენტების მაქსიმალურ ჩართვასა და ინფორმირებას ქვეყნის უსაფრთხოებისა და მდგრადი განვითარების პირობების შექმნაში.

ხულოში, შუახევში, ქედაში, ხელვაჩაურში და ქობულეთში ბათუმის შოთა რუსთაველის სახელმწიფო უნივერსიტეტის ღია კარის დღეები გაიმართა. უმაღლესი საგანმანათლებლო დაწესებულების რექტორის მოვალეობის შემსრულებელმა მერაბ ხალვაშმა, პროფესორ-მასწავლებლებმა და სტუდენტებმა აბიტურიენტებისათვის უნივერსიტეტის წარდგინება გამართეს. მეთორმეტე კლასის მოსწავლეები უნივერსიტეტში სწავლების პირობებს, საგანმანათლებლო პროგრამებს, სტიპენდიებს, სოციალური და გაცვლით პროგრამებს, სამეცნიერო-კვლევითი საქმიანობას, სტუდენტური ცხოვრებასა და სიახლეებს დეტალურად გაეცნენ. მომავალ სტუდენტებს უნივერსიტეტის საინფორმაციო ბროშურები და საჩუქრები გადაეცათ.

ბათუმის შოთა რუსთაველის სახელმწიფო უნივერსიტეტის სტუდენტები, აკადემიური და ადმინისტრაციული პერსონალი „მეტრო ჯორჯია’’-ს სატრანსპორტო საშუალებებით მგზავრობისას 50 % ფასდაკლებებით ისარგებლებენ. შეღავათები მგზავრობის საფასურზე ბათუმის შოთა რუსთაველის სახელმწიფო უნივერსიტეტსა და სატრანსპორტო კომპანია „მეტრო ჯორჯია"-ს შორის გაფორმებული მემორანდუმის საფუძველზე ამოქმედდება.
ორმხრივი თანამშრომლობის მემორანდუმი სტუდენტური თვითმმართველობის ინიციატივით გაფორმდა და მიზნად ისახავს მხარეთა შორის თანამშრომლობას სატრანსპორტო მომსახურებისა და ტურიზმის სერვისის განვითარების საკითხებში.

ბათუმის შოთა რუსთაველის სახელმწიფო უნივერსიტეტში ყაზახი სტუდენტების გაცვლითი მოკლევადიანი პროგრამა დასრულდა. მარატ ოსპანოვის სახელობის ყაზახეთის სახელმწიფო სამედიცინო უნივერსიტეტის 16 მაგისტრანტმა საბუნებისმეტყველო და ჯანდაცვის ფაკულტეტზე წარმატებით გაიარა საგანმანათლებლო პროგრამა ‘’სამეცნიერო კვლევითი პროექტების ჩატარება მედიცინაში: პრინციპები, მეთოდოლოგია და პრაქტიკა’’.

2016 წლის 25-29 თებერვალს, ბათუმის შოთა რუსთაველის სახელმწიფო უნივერსიტეტის რექტორის მოვალეობის შემსრულებელი ასოც. პროფესორი მერაბ ხალვაში პოლონეთის ქალაქ ვროცლავში აჭარის დელეგაციის მიერ გამართულ ოფიციალური შეხვედრებში მონაწილეობდა. რექტორის მოვალეობის შემსრულებელმა შეხვედრები გამართა ვროცლავის უმაღლეს საბანკო სკოლისა და ფიზიკური აღზრდის აკადემიის რექტორებთან. შეხვედრის ძირითადი მიზანი იყო უნივერსიტეტებს შორის გაფორმებული ურთიერთთანამშრომლობის მემორანდუმით გათვალისწინებული პუნქტების განხორციელება. მხარეები შეთანხმდნენ ერთობლივი სამეცნიერო კონფერენციებისა და კვლევების ჩატარებაში, სამეცნიერო კრებულის გამოცემაში. მიმდინარე წლის აპრილ-მაისში ვროცლავის საბანკო უმაღლესი სკოლის მიერ მოწყობილ საერთაშორისო საზაფხულო სკოლაში მონაწილეობას მიიღებენ ბათუმის უნივერსიტეტის ბიზნესის მიმართულების სტუდენტები და პროფესორ-მასწავლებლები.