გარემოს დაცვის საერთაშორისო დღე ბსუ-ს საბუნებისმეტყველო მეცნიერებათა და ჯანდაცვის ფაკულტეტის ეკოლოგიისა და ბიოლოგიის მიმართულების სტუდენტებმა და პროფესორ-მასწავლებლებმა მაჭახელას ეროვნულ პარკში ეკოტურით აღნიშნეს. მაჭახელას ეროვნული პარკის ბუნებრივი რესურსების უფროსმა სპეციალისტმა მარად იაკობაძემ სტუდენტებს გააცნო მაჭახელას ეროვნული პარკის ბიომრავალფეროვნება და ესაუბრა მათი მნიშვნელობის შესახებ. გარემოსდაცვითი დღის აღნიშვნა მიზნად ისახავდა ახალგაზრდების პასუხისმგებლობის გაცნობიერებას ბუნების მიმართ, გარემოს შენარჩუნებისა და გაუმჯობესებისათვის ბრძოლაში საზოგადოების აქტიურ ჩართვას.

ბსუ-ს სტუდენტებმა გარემოს დაცვის დღე აჭარის უმალეს საბჭოში ვიზიტით აღნიშნეს. საკანონმდებლო ორგანომ ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტუდენტებსა და პროფესორ-მასწავლებლებს უმასპინძლა. აჭარის უმაღლესი საბჭოს წევრებმა მარინე გვიანიძემ და ფრიდონ ფუტკარაძემ სტუმრებს აჭარაში მიმდინარე გარემოს დაცვითი პროექტები, პრიორიტეტები და გამოწვევები გააცნეს. უმაღლესი საბჭოს ჩართულობის ცენტრის ხელმძღვანელმა ცირა ხაჯიშვილმა სტუდენტებს წარუდგინა უმაღლესი საბჭოს ახალი ვებპლატფორმა chaerte.sca.ge და ჩაატარა საკანონმდებლო ორგანოს საინფორმაციო ექსკურსია.