ბსუ-ს საბუნებებისმეტყველო მეცნიერებათა და ჯანდაცვის ფაკულტეტის ბიოლოგიის სამაგისტრო და სადოქტორო პროგრამის სტუდენტები ხელმძღვანელებთან ერთად, 3-6 ივნისს სასწავლო-საველე პრაქტიკის გასავლელად თურქეთში, ართვინის ჭოროხის უნივერსიტეტში, ართვინის ბოტანიკურ ბაღსა და ართვინის დაცულ ტერიტორიებზე იმყოფებოდნენ. სტუდენტები გაეცნენ სამხრეთ კოლხეთის ართვინის მიმდებარე ტერიტორიის ბიომრავალფეროვნებას, ტრანსასაზღვრო ტერიტორიაზე არსებულ საკვლევ მცენარეთა პოპულაციებს და ართვინის უნივერსიტეტის სამეცნიერო ლაბორატორიებს.

ბსუ-ს საბუნებებისმეტყველო მეცნიერებათა და ჯანდაცვის ფაკულტეტის გამოყენებითი ბლოკის-ბიოლოგიისა და ეკოლოგიის სპეციალობის სტუდენტებს პალიასტომის ეკოლოგიური და ბიომრავალფეროვნების გაცნობის მიზნით ჩაუტარდათ სასწავლო-საველე პრაქტიკა. სტუდენტებმა პრაქტიკულად გამოიყენეს ხელსაწყოები, აიღეს ფიტოპლანქტონის და ბენთოსის ნიმუშები და დაამუშავეს მასალა. საინტერესო და პრაქტიკული ღონისძიება მოეწყო.

ბათუმის შოთა რუსთაველის სახელმწიფო უნივერსიტეტს შვედეთში მოღვაწე ქართველი მეცნიერი, ლუნდის ღეროვანი უჯრედების ცენტრის ერთ-ერთი დამფუძნებელი (Founding PI), ლუნდის უნივერსიტეტის ექსპერიმენტული სამედიცინო კვლევის პროფესორი, ღეროვანი უჯრედების და აღდგენითი ნევროლოგიის ლაბორატორიის ხელმძღვანელი ზაალ კოკაია ეწვია. პროფესორმა ზაალ კოკაიამ საბუნებისმეტყველო მეცნიერებათა და ჯანდაცვის ფაკულტეტის მედიცინის და ბიოლოგიის მიმართულების სამივე საფეხურის სტუდენტებისათვის საჯარო ლექცია წაიკითხა. სტუმარი ასევე შეხვდა ინგლისურენოვანი მედიცინის პროგრამის სტუდენტებსა და აკადემიურ პერსონალს ესწრებოდა. ზაალ კოკაიამ ლექცია წაიკითხა თავის ტვინის ღეროვანი უჯრედების და მათი რეგენერაციის, ტვინის ფუნქციონირების მექანიკის შესახებ. მომხსენებელმა ისაუბრა, რამდენად შესაძლოა ღეროვანი უჯრედების გამოყნება თავის ტვინის ინსულტით გამოწვეული ფუნქციური დარღვევების აღსადგენად. შეხვედრა კითხვა-პასუხის რეჟიმში წარიმართა.

25-26 მაისს, ბათუმის შოთა რუსთაველის სახელმწიფო უნივერსიტეტის თანაორგანიზებით პირველი საერთაშორისო სამეცნიერო კონფერენცია - „სპორტული მედიცინა, ინოვაციები, ხელოვნური ინტელექტი სპორტში” გაიმართა. 25 მაისს საგანმანათლებლო სესიებს ორ პანელი დაეთმო, სადაც სპორტის მეცნიერება და სპორტულ მედიცინას იყო გაერთიანებული. 26 მაისს 6 სხვადასხვა პრაქტიკულ სემინარზე ბათუმის შოთა რუსთაველის სახელმწიფო უნივერსიტეტის 130-ზე მეტ სტუდენტს საშუალება მიეცა ცოდნა და გამოცდილება უმაღლესი დონის ექსპერტებისგან მიიღო. საინტერესო ვორქშოპები სტუდენტების ჩართულობით მიმდინარეობდა.

ბათუმის შოთა რუსთაველის სახელმწიფო უნივერსიტეტს ინდოეთის საელჩოს (სომხეთი) საკონსულოს მდივანი ადიტია კუმარ პანდე ეწვია. დიპლომატიური კორპუსის წარმომადგენელი ბსუ-ს ადმინისტრაციის ხელმძღვანელს, მერაბ დიასამიძეს, საბუნებისმეტყველო მეცნიერებათა და ჯანდაცვის ფაკულტეტის და სტრატეგიული განვითარებისა და საერთაშორისო ურთიერთობების დეპარტამენტის წარმომადგენლებს შეხვდა. მხარეებმა საქართველოში უცხოელი სტუდენტების ცხოვრების პირობები და დიპლომირებული მედიკოსის ინგლისურენოვან პროგრამაზე სწავლის სერვისები განიხილეს. ვიზიტის ფარგლებში, ადიტია კუმარ პანდე დიპლომირებული მედიკოსის ინგლისურენოვანი პროგრამის სტუდენტებს შეხვდა და მათ აქტუალურ შეკითხვებს უპასუხა. ამასთან, კონსულმა საუბრისას აღნიშნა, რომ საქართველოში მალე ინდოეთის საელჩო გაიხსნება.