ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის 3 სტუდენტი პროექტის „მდგრადი ტურიზმი: სოფლად მეწარმეობა და კულტურული მემკვიდრეობის’’ ფარგლებში სამხრეთ-აღმოსავლეთ ნორვეგიის უნივერსიტეტში (USN) გაემგზავრება. პროექტი, რომელსაც დღეს ბათუმის შოთა რუსთაველის სახელმწიფო უნივერსიტეტში 7 პარტნიორი უნივერსიტეტის რექტორმა მოაწერა ხელი, მიზნად ისახავს ყირგიზეთს, საქართველოსა და ნორვეგიას შორის განათლების სფეროში, კერძოდ კი მდგრადი ტურიზმის მიმართულებით თანამშრომლობას. თანამშრომლობა სტუდენტებისა და აკადემიური პერსონალის სტაჟირებას, პარტნიორ უნივერსიტეტებს შორის ერთობლივი საგანმანათლებლო და სამეცნიერო-კვლევითი პროგრამების განხორციელებას, მდგრადი ტურიზმის სწავლების სფეროში კურიკულუმის შემუშავებას მოიცავს.

ტურიზმის ფაკულტეტის სტუდენტები ერთობლივი პროექტის - „ნორვეგიაში, საქართველოსა და ყირგიზეთში რეგიონული ტურიზმის მდგრადი განვითარებისა და ინტეგრაციის სფეროში განათლება” ფარგლებში ნორვეგიაში გაემგზავრებიან. ახალგაზრდები ტელემარკის უნივერსიტეტში ერთი თვის განმავლობაში ისწავლიან და საბაკალავრო ნაშრომზე იმუშავებენ. სტუდენტები გაეცნობიან სასოფლო ტურიზმს, ზამთრის კურორტების მენეჯმენტს, აგროტურიზმსა და ტურისტული სერვისის ხარისხის ამაღლების საკითხებს. კონკურსში ტურიზმის ფაკულტეტის მეოთხე კურსის 10 სტუდენტი მონაწილეობდა.

მიმდინარე წლის 1-3 თებერვალს ტემპუსის პროექტის ფარგლებში ქ. ერევანში შედგა პირველი სამუშაო შეხვედრა, რომელსაც ტურიზმის ფაკულტეტის ასოცირებული პროფესორი პაატა ჩაგანავა ესწრებოდა.
პროექტი მიზნად ისახავს: კავკასიაში, უმაღლესი განათლების ინტერდისციპლინური რეფორმას ტურიზმის მენეჯმენტის და გამოყენებითი გეოინფორმაციის სასწავლო პროგრამაში, რომლის ფარგლებში შემუშავებული იქნება ახალი სასწავლო კურსები, მოდულები და ფაკულტეტი აღიჭურვება პროექტის განხორციელებისათვის აუცილებელი მატერიალურ ტექნიკური ბაზით.

სასტუმრო „ლეო გრანდში“ ტურიზმის ფაკულტეტის საახალწლო საღამო გაიმართა. სტუდენტებს დღესასწაული რექტორის მოვალეობის შემსრულებელმა მერაბ ხალვაშმა, დეკანმა, პროფესორმა როსტომ ბერიძემ, აჭარის სპორტისა და ახალგაზრდულ საქმეთა დეპარტამენტის უფროსის მოადგილემ დავით მიქელაძემ და პროფესორ-მასწავლებლებმა მიულოცეს. საღამოზე სხვადასხვა ნომინაციაში დაჯილდოვდა წლის საუკეთესო სტუდენტები და აკადემიური პერსონალი. საახალწლო საღამო მუსიკალურად ტურიზმის ფაკულტეტის სტუდენტებმა და პროფესორ-მასწავლებლებმა გააფორმეს.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის მაგისტრატურის პირველი კურსის სტუდენტებმა ირაკლი სურმანიძემ და თეიმურაზ ბოლქვაძემ გერმანიის ქალაქ ვილჰემსჰაფენში 2-კვირიანი ტრენინგი: „ინტერკულტურული კომუნიკაციები და კავშირები“ („Intercultural Communication for Building Bridges”) გაიარეს. სწავლების მონაწილეები კულტურათაშორისი დიალოგის, სხვადასხვა ხალხის თანაცხოვრებისა და ურთიერთობის საკითხებს გაეცნენ. ქართველებთან ერთად უცხოელი კოლეგების გამოცდილება გაიზიარეს სომეხმა, აზერბაიჯანელმა, ლატვიელმა, უკრაინელმა, გერმანელმა პროფესორ-მასწავლებლებმა და სტუდენტებმა. პროექტი ბსუ-ს პარტნიორი ჟადეს უნივერსიტეტის ორგანიზებით ხორციელდება.