პროექტის „დაცული ბუნებრივი ტერიტორიების მდგრადი მართვის ინოვაციები (4GreeInn)“ წარდგინება გაიმართა ტურიზმის ფაკულტეტის სტუდენტებისათვის. პროექტი ევროკავშირის მიერ შავი ზღვის აუზი სტრანსსასაზღვრო თანამშრომლობის პროგრამის დაფინანსების ფარგლებში კონსორციუმის მიერი ხორციელდება (საქართველო, ბულგარეთი, რუმინეთი). პროექტის პარტნიორი ორგანიზაციის „საერთაშორისო ბიზნესის და ეკონომიკური განვითარების ცენტრი“ წარმომადგენლებმა ახალგაზრდებს პროგრამის მიზნებთან ერთად აჭარის დაცული ტერიტორიების კვლევის პირველადი შედეგები წარუდგინეს და საერთო ინტერნეტპლატფორმის „შავი ზღვის ეკოპედია“ შექმნის მნიშვნელობაზე ისაუბრეს.

„HOSREC–Hospitality, Recruitment“-ის კომპანიის წარმომადგენლები ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის პროფესორ-მასწავლებლებსა და სტუდენტებს შეხვდნენ. საერთაშორისო რეკრუიტინგული კომპანიის წარდგინების შემდეგ, შეხვედრაზე სამომავლო თანამშრომლობის სტრატეგია და მიმართულებები განისაზღვრა. დაიგეგმა ტურიზმის ფაკულტეტის სტუდენტთა და კურსდამთავრებულთა დასაქმება. 2016 წლის ივნისს-სექტემბერში 50 სტუდენტი სასწავლო პრაქტიკას თურქეთში ტურიზმის ინდუსტრიის ორგანიზაციებში გაივლის.

არიზონას უნივერსიტეტის მაგისტრი და ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის მოწვეული მასწავლებელი ტიმოთი მარკუს ბაუზერი ტურიზმის ფაკულტეტის სტუდენტებისთვის მასტერკლასებს ატარებს თემაზე: „ეკოტურიზმი და დაცული ტერიტორიების სტრატეგიული განვითარება საქართველოში“. ახალგაზრდებს საშუალება ექნებათ სემესტრის განმავლობაში გაეცნონ ეკოტურიზმის განვითარების მსოფლიო ტენდენციებსა და უცხოურ გამოცდილებას.

ნორვეგიის ტელემარკის უნივერსიტეტის პროფესორმა, ბათუმის შოთა რუსთაველის სახელმწიფო უნივერსიტეტის საპატიო დოქტორმა, თეიმურაზ აბესაძემ ტურიზმისა და მასპინძლობის მენეჯმენტის მაგისტრატურის I კურსის სტუდენტებისთვის ერთკვირიანი ლექციების კურსი წაიკითხა თემაზე: „სოფლად ტურიზმი და მდგრადი ბიზნესი“. სტუდენტები სოფლად ტურიზმის განვითარების ნორვეგიულ გამოცდილებასა და ამ სფეროში მდგრადი ბიზნესის შესაძლებლობებს გაეცნენ. პროფესორი თეიმურაზი აბესაძე რამდენიმე წელია ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტთან თანამშრომლობს და ხელმძღვანელობს ნორვეგიულ-ქართულ პროექტს - „ნორვეგიაში, საქართველოსა და ყირგიზეთში მდგრადი ტურიზმის და ინოვაციების სფეროში განათლება“.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის 27-მა სტუდენტმა 2-თვიანი სასწავლო პრაქტიკა კუნძულებზე უსედომზე, რუგენზე და ქალაქ ჰამბურგში გაიარეს. ახალგარზდებს საშუალება ჰქონდათ 2 თვის განმავლობაში გაცნობოდნენ ხუთვარსკვლავიანი სასტუმროების ყველა ძირითად სტრუქტურულ ერთეულს. თეორიულ ცოდნის მიღებასთან ერთად, სტუდენტები აქტიურად იყვნენ ჩართული სასტუმროს ყოველდღიურ საქმიანობაში. პრაქტიკა უზრუნველყოფილი იყო გერმანიის შვერინის ბალტიკის კოლეჯთან გაფორმებული მემორანდუმის ფარგლებში.