ტესტირება ინგლისურ ენაში B1/B2 დონე ჩატარდება 2023 წლის 26 აპრილს, 13:00 საათზე.გთხოვთ, გამოცხადდეთ რეგისტრაციაზე 12:30 საათზე.მისამართი: ფიროსმანის ქუჩა #12 , ტექნოლოგიური ფაკულტეტის შენობა,საგამოცდო ცენტრი. კონკურსანტი პირადობის დამადასტურებელი დოკუმენტის გარეშე ტესტირებაზე არ დაიშვება!
გისურვებთ წარმატებებს!

24-28 აპრილს , „Erasmus+“-ის აკადემიური და ადმინისტრაციული მობილობის ფარგლებში, სლოვაკეთში, რუჟომბეროკის კათოლიკურ უნივერსიტეტში იმყოფებოდა ბსუ-ს საბუნებისმეტყველო მეცნიერებათა და ჯანდაცვის ფაკულტეტის, კლინიკური მედიცინის დეპარტამენტის ასისტენტი - მარიკა მორთულაძე და მოწვეული მასწავლებელი დავით ბერიძე.
კვირეულის ფარგლებში, პერსონალი შეხვდა საექთნო საქმის და სამედიცინო რეაბილიტაციის სტუდენტებს, სადაც განიხილეს პირველადი სამედიცინო დახმარების საკითხები, ასევე სისხლდენების ამოცნობა, ეტიოლოგია, კლასიფიკაცია და მართვა. უნივერსიტეტის ადმინისტრაციასთან ერთად, დასახეს შემდეგი თანამშრომლობის შესაძლებლობები.

10 მარტიდან 6 აპრილის ჩათვლით საქართველოს ფრანგული ინსტიტუტი, საფრანგეთის საელჩო, შვეიცარიის საელჩო, თბილისის მერია, ასევე, საქართველოში წარმოდგენილი ფრანგულენოვანი პარტნიორები: ფრანკოფონიის საუნივერსიტეტო სააგენტო, საქართველოს ფრანგული ენის მასწავლებელთა ასოციაცია, ფრანგულენოვანი უნივერსიტეტები და სკოლები, გიწვევთ ფრანკოფონიის თვის ფარგლებში დაგეგმილ მრავალფეროვან ღონისძიებებზე.

ყაზახეთის იურიდიული უნივერსიტეტი (KAZGUU) გაცვლითი პროგრამის ფარგლებში აცხადებს მობილობას (5 სტუდენტი) ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის, ტურიზმის, იურიდიული და სოციალურ მეცნიერებათა ფაკულტეტების საბაკალავრო საგანმანათლებლო პროგრამების სტუდენტებისთვის. მობილობა განხორციელდება 2023-2024 სასწავლო წლის შემოდგომის/გაზაფხულის სემესტრებში. მობილობის ხანგრძლივობა: ერთი სემესტრი.

რეჯეფ ტაიფ ერდოღანის უნივერსიტეტი (თურქეთის რესპუბლიკა) სთავაზობს ბსუ-ს თურქოლოგიის საბაკალავრო საგანმანათლებლო პროგრამის სტუდენტებს (ბსუ-ს სტუდენტებისთვის გამოყოფილი 10 ადგილი) მონაწილეობის მიღებას თურქული ენის საზაფხულო სკოლაში. საზაფხულო სკოლა გაიმართება 2023 წლის აგვისტოში. კონკურსში მონაწილეობის მიღება შეუძლიათ ბსუ-ს თურქოლოგიის საბაკალავრო საგანმანათლებლო პროგრამის II,III,IV სასწავლო წლის სტუდენტებს.

15-19 მაისს ბსუ-ს საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის ასოცირებული პროფესორი ლეილა ახვლედიანი „ერაზმუს+“-ის პროექტის ფარგლებში იმყოფებოდა ვიზიტი ხმელთაშუაზღვის უნივერსიტეტში, ნუტრიციოლოგიის დეპარტამენტში (საბერძნეთი). ასოცირებულმა პროფესორმა ლეილა ახვლედიანმა ჩაატარა ერთკვირიანი სალექციო კურსი იმუნოლოგიის მიმართულებით. ლექციებს ესწრებოდნენ როგორც საბაკალავრო, ასევე სამაგისტრო პროგრამის სტუდენტები.

ბათუმის შოთა რუსთველის სახელმწიფო უნივერსიტეტის, დასაქმების ხელშეწყობის სახელმწიფო სააგენტოსა და აჭარის დასაქმების სააგენტოს ორგანიზატორობით, სასტუმრო „შერატონში“ დასაქმების ფორუმი გაიმართა. ფორუმში მონაწილეობდა აჭარაში ოპერირებადი 75 კომპანია 2000-ზე მეტი ვაკანსიით. სტუდენტებსა და კურსდამთავრებულებს შესაძლებლობა ჰქონდათ, არსებული კვალიფიკაციის და სასურველი დასაქმების ხანგრძლივობის შესაბამისად შეერჩიათ სამუშაო ადგილები ადმინისტრაციული, მომსახურების, სავაჭრო, დისტრიბუციის, სასტუმრო, სარესტორნო, სამრეწველო, სატრანსპორტო, ლოჯისტიკური, სამშენებლო, საფინანსო, სადაზღვევო, ჯანდაცვის და განათლების სფეროებიდან.

ცხადდება კონკურსი ბსუ-ს საბუნებისმეტყველო მეცნიერებათა და ჯანდაცვის ფაკულტეტის სამივე საფეხურის სტუდენტებისთვის ევროკომისიის მიერ დაფინანსებული „ერაზმუს+“-ის ICM პროგრამის სტიპენდიის მოსაპოვებლად ზაარლანდის უნივერსიტეტში (https://www.uni-saarland.de/start.html, გერმანია). კონკურსის მიმართულებია: ფარმაცია, ქიმია, ბიოლოგია.