სამეცნიერო სემინარის თემა „უცხოელების ახალშენები საქართველოში“ მეცნიერულ სიახლეს წარმოადგენს და ახალი ხედვითაა დაწერილი. ნაშრომში შესწავლა საკითხის შესახებ არსებული სამეცნიერო ლიტერატურა, დადგენილია თემის შესწავლის დონე, მოცემულია კვლევის მიზანი და ამოცანები.

ეთნოლინგვისტიკა არის ენათმეცნიერების დარგი, რომელიც შეისწავლის ენის ურთიერთობას კულტურასთან, მის კოგნიტურ საფუძვლებს; სწავლობს რა ფორმით, რა საშუალებებით აისახება ენაში ამ ენის მატარებელი საზოგადოების - ეთნოსის - შეხედულებები გარესამყაროსა და მის ადგილზე ამ სამყაროში. ამდენად, ეთნოლინგვისტიკა სწავლობს ენას, როგორც ერის კულტურის შენარჩუნებისა და თაობიდან თაობაზე მისი გადაცემის საშუალებას. ეთნოლინგვისტიკა ცნობილია ანთროპოლოგიური ლინგვისტიკის ან ლინგვისტური ანთროპოლოგიის სახელითაც.

21-ე საუკუნის დასაწყისის ახალგაზრდა თაობას საკმაოდ სწრაფი ცვლილებების გარემოცვაში უწევს ცხოვრება. ჩვენი სამყარო მუდმივად ვითარდება, ინერგება ახალი ტექნოლოგიები და კაცობრიობა სულ უფრო სწრაფი ნაბიჯებით მიიწევს წინ. ცხოვრების ასეთი რიტმით გამოწვეული სტრესი ართულებს ადამიანებს შორის კეთილგანწყობილ ურთიერთობებს და საზოგადოებრივი პრობლემების მატებასაც უწყობს ხელს. ასეთ გარემოში მოთმინებასა და ტოლერანტობასთან ერთად, მიგვაჩნია, რომ მეტი ცოდნა და უნარ-ჩვევებია საჭირო, რათა ეფექტურად გავუმკლავდეთ ჩვენს ირგვლივ არსებულ პრობლემებსა და კონფლიქტურ სიტუაციებს.

დასავლეთ საქართველოს სუბტროპიკულ ზონაში, ბოლო წლებში განსაკუთრებული ყურადღება ექცევა ერთ-ერთ პერსპექტიულ სასოფლო-სამეურნეო კულტურა სტევიას (Stevia Rebaudiana Bertoni), რომელიც მოიხსენიება შემდეგი სინონიმებით: „თაფლოვანი ბალახი“, „ორფოთოლა ტკბილი“, „კაა-ჰეე“ და სხვა. იგი ჩვენში ინტროდუცირდა მე-20 საუკუნის 80-იან წლებში და დღეისათვის ფართოდაა ცნობილი მოსახლეობაში. მისი სწრაფი გავრცელება განაპირობა მიწისზედა ნაწილებში, ძირითადად ახალგაზრდა ფოთლებსა და ყლორტებში შაქრის შემცველი, ინტენსიურად ტკბილი გემოს მქონე დიტერპენული ნაერთების: სტევიოზიდსა და რებაუდიოზიდის შემცველობამ. სტევია საუკეთესო დიეტურ-პროფილაქტიკური და სამკურნალწამლო საშუალებაა შაქრიანი დიაბეტით, გულსისხლძარღვთა დაავადებების და სიმსუქნისადმი მიდრეკილების დროს. სტევიას მცირე დოზების მიღებისას შეინიშნება არტერიული წნევის შემცირების მცირედ გამოხატული ეფექტიც.

სემინარზე განხილული იქნება თანამედროვე საზოგადოების დიგიტალიზაციის ტენდენციები და ციფრული ტექნოლოგიების არსებული მიღწევები საზოგადებრივ ცხოვრებაში ფართო გამოყენების თვალსაზრისით. კერძოდ ფართოდ იქნება მიმოხილული ესტონეთის მაგალითი როგორც ქვეყნის, რომელსაც ციფრული ტექნოლოგიების დანერგვისა და გამოყენების თვალსაზრისით საზოგადოებრივ ცხივრებაში ლიდერის პოზიცია უჭირავს. განხილული იქნება საქართველოს მიღწევები და საქართველოში უკვე დანერგილი ციფრული რესურსები, მაგალითად ელექტრონული პირადობის მოწმობები („აიდი“ ბარათები) და მათი გამოყენების დამატებითი საშუალებები, ციფრული ტექნოლოგიები ჯანდაცვასა და მედიცინაში, ელექტრონული სამედიცინო რეცეპტები, ელექტრონული სამედიცინო ბარათები და სხვა. განხილული იქნება საზოგადეებრივ ცხოვრებაში ციფრული ტექნოლოგიების უპირატესობები და უარყოფითი მხარეები.