სემინარზე განხილული იქნება Oracle - მონაცემთა ბაზების მართვის სისტემები. მონაცემთა ბაზა არის ბევრი კომპანიის საინფორმაციო სისტემის საფუძველი და შემადგენელი ნაწილი, მასზეა დამოკიდებული კომპანიის ინფორმაციის შენახვა, დამუშავება და დაცვა. იგი გამოიყენება დიდი რაოდენობის ინფორმაციასთან სამუშაოდ და ისეთ სიტუაციებში, სადაც მონაცემთა უსაფრთხოება წარმოადგენს კომპანიის საქმიანობის განმსაზღვრელ ფაქტორს.

სამეცნიერო სემინარი ეძღვნება ოსკარ უაილდის ლიტერატურული ზღაპრების ლინგვოკულტუროლოგიურ კვლევას, რასაც ჩვენ ვახორციელებთ ბედნიერი უფლისწულისა და სხვა ზღაპრების მასალაზე დაყრდნობით. უაილდის პიესები და დორეან გრეის პორტრეტი საკმაოდ საფუძვლიანად არის შესწავლილი როგორც ლიტერატურათმცოდნეობითი ასევე ლინგვისტური კუთხით, მაგრამ თითქოსდა მხედველობიდან არის გამორჩენილი მისი შესანიშნავი ზღაპრები, რომლებიც თავისი ესთეტურ-ზნეობრივი მორალით პარადოქსულად აღიქმება მის ხსენებულ რომანთან და დრამატულ ნაწარმოებებთან მიმართებაში. როგორც უაილდის შემოქმედების თანამედროვე მკვლევარები ქუინტი, დალარნა, სტარკი, უინგარდი და სხვები აღნიშნავენ, კრიტიკოსები ძირითადად ყურადღებას ამახვილებენ მისი ქმნილებების ესთეტიკურ, სატანისტურ და დეკადანსურ მახასიათებლებზე, ჰომოსექსუალურ თუ სხვა ტიპის ფარულ იმპულსებზე, მაგრამ მხოლოდ ზედაპირულად თუ ეხებიან მის ზღაპრებს და თითქმის იგნორირებას უკეთებენ იმ ფაქტს, რომ მათში უაილდი წარმოგვიდგება სრულიად განსხვავებული და სხვებისთვის დაფარული თუმცა ნამდვილი სახით - როგორც ვიქტორიანული ეპოქის ჯენტლმენი, რომელიც თავის მოვალეობად თვლის ზნეობის ქადაგებას.

სადღეისოდ დიდია ინტერესი გალიუმ-არსენიდის (GaAs) მიმართ, იმის გამო, რომ მის საფუძველზე შეიძლება შეიქმნას ახალი ნახევარგამტარული ხელსაწყოები და ელექტრო¬მექანიკური სისტემები. გალიუმ-არსენიდზე მუშაობის დაწყების წინ დაისვა ამოცანა, რომ შექმნილიყო ელექტრო-ფიზიკური პარამეტრების სისტემა, რომელიც უფრო სრულად დაახასიათებდა ნახევარგამტარული მასალების გამოყენე-ბას კონკრეტული ტიპის ხელსაწყოების შესაქმნელად.

ბოლო დროს დიდი ყურადღება ენიჭება შენარჩუნებული ან აღდგენილი პრიმიტიული რეფლექსების ზეგავლენას ფსიქიკურ დარღვევათა წარმოშობაზე. ამჟამად,რამდენადაც ეს არის ცნობილი, ამ ფენომენის ახსნის საკითხში, ჯერ-ჯერობით იმაზე შორს არ წასულან, გარდა იმისა, რომ ხაზს ავლებენ პრიმიტიული რეფლექსების არსებობას ფსიქიკური აშლილობების დადასტურების შემთხვევაში. ამგვარად მოვლენათა უბრალო თანმიმდევრობას აიგივებენ მიზეზ- შედეგობრივ ურთიერთობებთან. ამავე დროს არსებობს ვარაუდი, რომ ეგრეთ წოდებული ტაცებითი ტენდენციის ახალი წარმონაქმნი გვიანდელი ჩვილობის პერიოდში, სხვა არაფერია, თუ არა ეგოისტური გენური( დოკუნზი) ანდა აპროპრიაციული(ჩაგანავა) ტენდენცის ახალწარმონაქმნი, რომელიც, როგორც არქაული, საწყისი ტენდენცია, პრაქატიკულად გაიგივდება უმარტივეს, ყოვლისმშთანთქმელ, აგრესიულ კვებასთან, რაც კიდევაც განაპირობებს, ერთი მხრივ, აგრესიულ შთანთქმას, და სოციალური გარემოს მიმართ, როგორც ყოვლისმშთანთქმელი ტენდენციის შემაკავებელი ფაქტორისადმი წინააღმდეგობის გაწევას, რაც, მეორე მხრივ, სოციალური ფუნქციების, უნარების, ტენდენციების, ღირებულებების „შთანთქმაში“, ანუ რეალურად ათვისებაში გამოიხატება.

გრამატიკის სწავლების პროცესში პედაგოგები მთელ რიგ დამატებით ხერხებს იყენებენ, იქნება ეს თამაშები, ცეკვები, თავსატეხები თუ სიმღერები. სიმღერების ღირებულება სტუდენტების მოტივაციისათვის და მათი ჩართულობის გაზრდისათვის ძალზედ დიდია რადგან მუსიკა დადებით ზეგავლენას ახდენს წარმოთქმაზე, აქცენტზე, განწყობასა და მოტივაციაზე, სიმღერები მნიშვნელოვანი რესურსია, რათა განავითაროს სტუდენტების მოსმენის, საუბრის, კითხვის და წერის უნარები. ამიტომ მნიშვნელოვანია სიმღერების, როგორც სწავლების ინსტრუმენტის გამოყენება. სწორედ ამიტომ მუსიკა დიდ როლს თამაშობს მეორე ენის სწავლების დროს. გრამატიკის სწავლების დროს ისწავლება უამრავი წესი,რაც სტუდენტებისათვის სტრესულ ატმოსფეროს ქმნის. მუსიკა კი მსმენელში ყოველთვის ემოციების მთელ კასკადს აღძრავს.მას ოდითგან მნიშვნელოვანი ადგილი ეკავა ადამიანის საქმიანობაში.მუსიკა და სიმღერა არის გართობის, დასვენების და შემეცნების მნიშვნელოვანი საშუალება.წარმოდგენილი ნაშრომის მიზანია განიხილოს, თუ რამდენად სასარგებლო შედეგს შეიძლება მივაღწიოთ გრამატიკის სწავლების დროს თანამედროვე სიმღერების გამოყენებით.