სემინარი ეძღვნება რუსული ენის განმარტებით ლექსიკონებში ქართული ლექსიკის შეღწევის საკითხს.

განხილულია შეხედულებანი ტერმინ „სესხების“ შესახებ; მოცემულია რუსული ენის განმარტებით ლექსიკონებში შესული ყველა ქართული სიტყვის მოკლე ანალიზი; საუბარია რუსული ენის ლექსიკურ ფონდში მათი შესვლის მიზეზებზე.

ნაშრომში წარმოჩენილია ქართულის, როგორც შუამავალი ენის როლი, რუსული ენის მიერ აღმოსავლური ლექსიკის გარკვეული ნაწილის სესხების საქმეში.

უძველესი რკინის მეტალურგიის საკითხების კვლევა ისტორიული მეცნიერებისათვის ერთ - ერთი ურთულესი სფეროა. ინტერესი ამ პრობლემის მიმართ განპირობებულია იმ დიდი მნიშვნელობით, რაც რკინამ შეასრულა ძველ საზოგადოებათა ცხოვრებასა და კაცობრიობის კულტურის წინსვლაში. ამიტომ ბუნებრივია ის დიდი დაინტერესება, რასაც ამ ლითონის წარსულის გარკვევაში იჩენენ თანამედროვე უცხოელი თუ ქართველი მეცნიერები. დღესაც მეცნიერული დავისა და მსჯელობის საგანია საკითხი იმის შესახებ, თუ როდის გაეცნო ადამიანი თავდაპირველად რკინას, სად, როგორ ან ვინ დაეუფლა პირველად ამ ლითონის გამოდნობის საიდუმლოს. საგულისხმოა, რომ უძველესი რკინის წარმოების საკითხებით თავის დროზე ანტიკური ხანის ავტორებიც (ქსენოფონტე, არისტოტელე და სხვ.) დაინტერესდნენ.

ნაშრომის მიზანია, წარმოაჩინოს, თუ რა როლი ეკისრება თანამედროვე მეთოდების, გამოყენებას უცხოური ენის სწავლება/ სწავლის პროცესში. დაადგინოს თანამედროვე ელექტრონული მედია საშუალებების ეფექტიანობა სასწავლო პროცესის ეფექტურად წარმარტისათვის. უახლესი მეთოდოლოგიის, მეთოდების ტექნიკის გამოყენებით როგორ ვუპასუხოთ თანამედროვე ახალგაზრდობის მოთხოვნებს. მიგვაჩნია, რომ თანამედროვე ტექნოლოგიების და უახლესი მეთოდეის გამოყენება აადვილებს და მოხერხებულ გარემოს ქმნის, როგორც სტუდენტისთვის ასევე ასწავლებლისთვის. სწორად დაგეგმილი გაკვეთილი ყოველივე ზემოთ ხსენებულის გამოყენებით გაგვიყვანს დასახული მიზნის მაღალი დონით განხორციელებაზე/ სასურველ შედეგზე. ნაშრომში აღწერილი გვაქვს ზოგიერთი მეთოდის პრაქტიკული მნიშვნელობა, სხვადასხვა აპლიკაციის გამოყენების ეფექტიანობა და როგორ მოვახდინოთ მათი სასწავლო პროცესში ინტეგრირება.

გეშტალტ - თერაპია, როგორც ფსიქოლოგიური მიმართულება, ჩამოყალიბდა XX საუკუნის II ნახევარში. ის ლაკონურია და ამავდროულად ეფექტური. გეშტალტ თერაპიის მთავარი უპირატესობა ისაა, რომ ფსიქოანალიზისაგან განსხვავებით, ის არ მოითხოვს დიდ დროს. გეშტალტთერაპიით მკურნალობა მიმართულია არა მხოლოდ განკურნების არამედ პიროვნული განვითარების და ზრდის პროცესისკენ, თავისთავადობის, მთლიანობის მისაღწევად.

ენის სწავლებისას ერთერთი მნიშვნელოვანი ფუნქცია მისი კომუნიკაციური ასპექტია. ამიტომ უცხო ენის მასწავლებელმა ყურადღება უნდა გაამახვილოს კომუნიკაციური აქტივობების შერჩევასა და მის სწორად დაგეგმვაზე. უამრავი მიზეზი არსებობს, იმისთვის, თუ რატომ უნდა ჩაერთონ სტუდენტები კომუნიკაციურ აქტივობებში. ძირითადად, აუდიტორიაში ჩატარებული კომუნიკაციური აქტივობები ემყარება და ასახავს რეალურ სამყაროში გამოყენებულ კომუნიკაციურ ფორმებს. სტუდენტები, თავის მხრივ, ცდილობენ გამოიყენონ ის ენობრივი სტრუქტურები, რასაც ფლობენ სიტუაციის რელევანტურად და ახდენენ ამ ენობრივი ელემენტების აქტივაციას. შედეგად, სტუდენტები თანდათანობით ყალიბდებიან ენის ავტონომიურ მატარებლად და, შესაბამისად, ახდენენ საკუთარი შესაძლებლობების რეალიზაციას, ხარვეზებისა და პროგრესის განსაზღვრას. სტუდენტები ხშირად ენას არა ლინგვისტური თვალსაზრისითაც გამოიყენებენ. მასწავლებლის მიერ შერჩეული კომუნიკაციური აქტივობები მხოლოდ საინტერესო არ უნდა იყოს, ის უნდა იწვევდეს სტუდენტებში დიდ კმაყოფილებას. ასევე მასწავლებელზეა დამოკიდებული სტუდენტებში უცხოურ ენაზე საუბრის შიშის დაძლევა და თვითდაჯერებულობის გაზრდა, ჩვენ უნდა ვამხნვებდეთ და სტიმულს ვაძლევდეთ სტუდენტებს დაამყარონ კომუნიკაცია უცხოურ ენაზე. საბოლოო ჯამში, სტუდენტები ავტომატურად იყენებენ უცხო ენას, რაც კომუნიკაციური აქტივობის უმთავრესი მიზანია. აქტივობები, როგორებიცაა: ინტერვიუ და როლური თამაში, წარმოადგენს რეალურ სამყაროში არსებული სიტუაციების ერთგვარ „რეპეტიციას“. არსებული გამოცდილებიდან შეიძლება ითქვას, რომ სწორედ მსგავსი, რეალურ სიტუაციებზე დაფუძნებული აქტივობები ამაღლებს სტუდენტების მოტივაციას, აქტიურად ჩაერთონ გაკვეთილზე გამოყენებულ კომუნიკაციურ აქტივობებში. თანამედროვე უცხო ენის გაკვეთილები მთლიანად უნდა იყოს კომუნიკაციური ხასიათის, რათა შეძლონ სტუდენტებმა ენის რეალურ სამყაროში ავტომატურად და სიტუაციურად გამოყენება. თუ რა პრობლემები იჩენს თავს სწავლების დროს, რა სახის აქტივობების დაგეგმვაა ეფექტური, რა ხერხები უნდა გამოვიყენოთ სწავლებაში სტუდენტების პრაქტიკული უნარ-ჩვევების ჩამოყალიბებასა და კომუნიკაციური კომპენტეციის გაზრდაში - სწორედ ამ საკითხებზე მოვაგროვე საჭირო მასალა და კვლევის შედეგებს წარმოვადგენ ჩემს სამეცნიერო ნაშრომში.