ბათუმის შოთა რუსთაველის სახელმწიფო უნივერსიტეტის საერთაშორისო სამეცნიერო ჟურნალი „აღმოსავლეთმცოდნეობის მაცნე“/„Herald of Oriental Studies” ტომი 7. №1. გამოვა 2024 წლის ივნისში. სამეცნიერო შრომების წარდგენის ბოლო ვადაა 2024 წლის 15 მაისი. კრებული გამოიცემა ქართულ და ინგლისურ ენებზე. ჟურნალი გამოდის წინასწარ დაგეგმილი გრაფიკით წელიწადში ორჯერ (ივნისსა და დეკემბერში) და გამოქვეყნება უფასოა.

ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს უნივერსიტეტის ბსუ-ს ყოფილი რექტორის, ემერიტუს-პროფესორის, აღიარებული არქეოლოგის, ისტორიის მეცნიერებათა დოქტორის, თაობათა აღმზრდელის, ღირსების ორდენის და ტბელ აბუსერისძის სახელობის პრემიის მფლობელის, ბათუმის არქეოლოგიური მუზეუმის დამაარსებლის, ამირან კახიძის გარდაცვალების გამო. ათწლეულების განმავლობაში პროფესორი ამირან კახიძე ეწეოდა ნაყოფიერ პედაგოგიურ და სამეცნიერო საქმიანობას - სამხრეთ–დასავლეთ საქართველოში არქეოლოგიის სკოლა შექმნა, ახალი მეცნიერული მიმართულებები ჩამოაყალიბა და მკლევართა რამდენიმე თაობა აღზარდა.

ბათუმის შოთა რუსთაველის სახელმწიფო უნივერსიტეტის სტუდენტები და პროფესორ-მასწავლბელები ღრმა მწუხარებას გამოთქვამენ ჰუმანიტარულ მეცნიერებათა ფაკულტეტის ქართული ფილოლოგიის საგანმანათლებლო პროგრამის მეოთხე კურსის სტუდენტის, ინეზა ცეცხლაძის ტრაგიკულად გარდაცვალების გამო. ჩვენთვის რთულია ინეზაზე წარსულში საუბარი, ვუსამძიმრებთ გარდაცვლილის ოჯახს, ნათესავებსა და მეგობრებს.

2024 წლის 27 აპრილს, ბათუმის შოთ რუსთველის სახელმწიფო უნივერსიტეტში გაიმართება მოსწავლეთა მეშვიდე სამეცნიერო კონფერენცია „ახლო აღმოსავლეთი და საქართველო“. კონფერეცნია აჭარის ა.რ. განათლების, კულტურისა და სპორტის სამინისტროს მხარდაჭერით იმართება და მასში მონაწილეობა შეუძლიათ აჭარის საჯარო და კერძო სკოლის მე-11 და მე-12 კლასის მოსწავლეებს. სესიაზე წარსადგენი ნაშრომების ზოგადი მიმართულებებია ახლო აღმოსავლეთისა და საქართველოს ისტორიული, ეთნოგრაფიული და არქეოლოგიური ურთიერთობები და ახლო აღმოსავლეთისა და საქართველოს კულტურული, ენობრივი და ლიტერატურული ურთიერთობები. დეტალური ინფორმაცია კონფერენციის შესახებ იხილეთ დანართში.

ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ცნობილი ქართველი ფილოსოფოსის, პუბლიცისტისა და საზოგადო მოღვაწის, მიხეილ მახარაძის გარდაცვალების გამო. პროფესორი მიხეილ მახარაძე წლების განმავლობაში ეწეოდა ნაყოფიერ პედაგოგიურ და სამეცნიერო საქმიანობას. ღვაწლმოსილი ფილოსოფოსი იკვლევდა ფილოსოფიის ისტორიას, შუა საუკუნეების ფილოსოფიას, ქართული ფილოსოფიის ისტორიას, კულტურის ფილოსოფიას, რენესანსისა და ჰუმანიზმის აქტუალურ პრობლემებს, გამოქვეყნებული აქვს ათობით სამეცნიერო გამოკვლევა, ასზე მეტი სტატია, რეცენზია და წერილი.