ბათუმის შოთა რუსთაველის სახელმწიფო უნივერსიტეტსა და ბუღალტერთა კავშირს შორის თანამშრომლობის მემორანდუმი გაფორმდა. დოკუმენტი ითვასლისწინებს ბიზნესის ადმინისტრირების მიმართულების სტუდენტებისთვის, აკადემიური პერსონალისთვის და ადმინისტრაციის თანამშრომლებისთვის საგანმანათლებლო და საწარმოო-ტექნიკური ონფორმაციის გაცვლას. ერთობლივი სამეცნიერო, სასწავლო და პრაქტიკული პროექტების განხორციელებას, პროგრამების შემუშავებასა და სტუდენტთა დასაქმებას.
27-28 იანვარს, ბათუმის შოთა რუსთაველის სახელმწიფო უნივერსიტეტის დელეგაცია, რომლის შემადგენლობაში შედიოდნენ რექტორის მოადგილე თამარ სირაძე, რექტორის მოადგილე ნათელა წიკლაშვილი და ასოცირებული პროფესორი ინგა შამილიშვილი, სტუმრად იმყოფებოდნენ პოლონეთის ქვემო სილეზიის ქალაქ ვროცლავის სახელმწიფო უნივერსიტეტში, სადაც ხელი მოეწერა თანამშრომლობის მემორანდუმს ვროცლავის სახელმწიფო უნივერსიტეტთან. ბსუ-ს დელეგაცია ასევე შეხვდა ვროცლავის უნივერსიტეტის ჟურნალისტიკის, უცხოური ფილოლოგიისა და ეკონომიკის დეპარტამენტების წარმომადგენლებს და დასახა ურთიერთობის სამომავლო გეგმები.
ბათუმის შოთა რუსთაველის სახელმწიფო უნივერსიტეტში ჰუმანიტარულ მეცნიერებათა ფაკულტეტის ისტორიის, არქეოლოგიისა და ეთნოლოგიის დეპარტამენტის ღვაწლმოსილი ლექტორის ნოდარ ბარამიძის 90 წლისადმი მიძღვნილი საიუბილეო სხდომა გაიმართა. ღვაწლომოსილ ლექტორს იუბილე მიულოცეს, წარმატებები უსურვეს და მის ღვაწლზე ისაუბრეს ბსუ-ს რექტორმა, მერაბ ხალვაშმა, ფაკულტეტის დეკანმა მარინე გიორგაძემ, პროფესორ-მასწავლბლებმა და სტუდენტებმა. ღონისძიებაზე ნოდარ ბარამიძეს განათლების სფეროში ხანგრძლივი და ნაყოფიერი საქმიანობისა და მომავალი თაობების აღზრდაში შეტანილი განსაკუთრებული წვლილისთვის მადლობის სიგელი და სამახსოვრო საჩუქრები გადაეცა.
კომპანია „ლოიალტეს“ დირექტორმა გრიგოლ ფაიქიძემ და ბსუ-ს რექტორმა მერაბ ხალვაშმა თანამშრომლობის მემორანდუმს მოაწერეს ხელი. დოკუმენტი ითვალისწინებს სტუდენტთა დასაქმების მიზნით სხვადასხვა ღონისძიებების განხორციელებას, მათ შორის „ლოიალტეს“ შვილობილი კომპანიის, დასაქმების პორტალ www.hiro.ge-ს ჩართულობით პარტნიორ ორგანიზაციებში სტაჟირების პროგრამების შეთავაზებას. ასევე, უნივერსიტეტის სტუდენტებში მეწარმეობის განვითარების ხელშეწყობას, ერთობლივი ტრენინგების, სემინარების და პროექტების განხორციელებას.
სასტუმრო „რედისონში“ აჭარის ა.რ. განათლების, კულტურისა და სპორტის სამინისტროს სტუდენტთა დახმარების ქვეპროგრამის მონაწილე წარჩინებულ სტუდენტთა დაჯილდოება გაიმართა. აჭარის ა.რ. განათლების, კულტურისა და სპორტის მინისტრმა მაია ხაჯიშვილმა, მინისტრის მოადგილეებმა: ალექსანდრე დავითაძემ, კაკო ძნელაძემ, ჯემალ სურმანიძემ, აჭარის ა.რ. ჯანმრთელობისა და სოციალური დაცვის მინისტრმა ზაალ მიქელაძემ და აჭარის ა.რ. სოფლის მეურნეობის მინისტრმა ტიტე აროშიძემ ბსუ-ს 19 წარჩინებულ სტუდენტს სტუდენტთა დახმარების პროგრამაში მიღწეული წარმატებისათვის სიგელი და სამახსოვრო საჩუქრები გადასცეს. 2019-2020 სასწავლო წლის პირველ სემესტრში პროექტის ფარგლებში სწავლის გადასახადისათვის დაფინასება 435-მა ახალგაზრდამ მოიპოვა, რომელთაგან 208 ბსუ-ს სტუდენტია.
