ახალი ამბები

მოლდოვას რესპუბლიკის საგანგებო და სრულუფლებიანი ელჩი გეორგე ლეუკა ბათუმის შოთა რუსთაველის სახელწიფო უნივერსიტეტის რექტორს მერაბ ხალვაშს შეხვდა. გაცნობითი ხასიათის შეხვედრაზე მხარეებმა ორ ქვეყანას შორის არსებულ მეგობრულ ურთიერთობაზე ისაუბრეს და საგანმანათლებლო მიმართულებით სამომავლო თანამშრომლობის გეგმები განიხილეს. შეხვედრაზე ყურადღება გაამახვილეს ბათუმის შოთა რუსთაველის სახელმწიფო უნივერსიტეტსა და მოლდოვას უმაღლეს საგანმანათლებლო დაწესებულებებს შორის ერთობლივი პროექტების განხორციელებასა და გაცვლითი პროგრამების ამოქმედებაზე.

ბათუმის შოთა რუსთაველის სახელმწიფო უნივერსიტეტი ექსპოზიციას „ლატვიის საუკუნე“ მასპინძლობს. გამოფენა ბსუ-ს რექტორმა მერაბ ხალვაშმა და ლატვიის ელჩმა საქართველოში ინგრიდა ლევრენმა გახსნეს. „ლატვიის საუკუნე“ უნივერსალური პროექტია, ქვეყნის ბოლო 100 წლის ისტორიას ასახავს და მასზე ლატვიის 60-ზე მეტმა მუზეუმმა იმუშავა. გამოფენა ლატვიის რესპუბლიკის საგარეო საქმეთა სამინისტროს მხარდაჭერით და საელჩოს ორგანიზებით ტარდება. ექსპოზიცია ბათუმის შოთა რუსთაველის სახელმწიფო უნივერსიტეტში ერთი თვის მანძილზე გაგრძელდება.

ბსუ-ში ფოტოგამოფენა „ქალაქების შეჯამება, ევროპული მოედნები და მათი ისტორიები“ რექტორმა მერაბ ხალვაშმა და საქართველოში რუმინეთის საგანგებო და სრულუფლებიანმა ელჩმა რადუ-ლივიუ ჰორუმბამ გახსნეს. კატალინ დ. კონსტანტინის ნამუშევრები მოედნების გეოგრაფიული სივრცეს ეძღვნება და მიზნად ისახავს ევროპის ცნობილი ქალაქების საჯარო მოედნების კულტურული და ანთროპოლოგიური ასპექტების წარმოჩენას. გამოფენა ევროპის ურბანულ მოედნებს შეცვლილ პერსპექტივაში წარმოადგენს. გამოფენილია პროფესიონალური დრონით გადაღებული ფოტოები.

ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში და უნივერსიტეტის ადმინისტრაციის ხელმძღვანელი ალექსანდრე მითაიშვილი ბსუ-ს გოგონათა ფოლკლორულ ანსამბლ „თირინის“ წევრებსა და ხელმძღვანელს თეიმურაზ დოლიძეს შეხვდნენ. გოგონათა ანსამბლმა რამდენიმე დღის წინ მონაწილეობა მიიღო ბულგარეთის ცეკვისა და სიმღერის საერთაშორისო ფესტივალში - „ოქროს დღეები“. ბსუ-ს რექტორმა მერაბ ხალვაშმა და ადმინისტრაციის ხელმძღვანელმა ალექსანდრე მითაიშვილმა ანსამბლის წევრებს ფესტივალში წარმატებულად მონაწილეობა მიულოცეს და მადლობა გადაუხადეს უნივერსიტეტისა და ქართული კულტურის პოპულარიზაციისათვის.

ბსუ-ში საგანმანათლებლო პროგრამის შემუშავების საპილოტე მოდულის საკითხზე ბათუმის შოთა რუსთაველის სახელმწიფო უნივერსიტეტისა და ივანე ჯავახიშვილის სახელობის თბილისის სახელმწიფო უნივერსიტეტის ხარისხის უზრუნველყოფის სამსახურების სამუშაო შეხვედრა გაიმართა. უმაღლესი საგანმანათლებლო დაწესებულებების წარმომადგენლებმა ორი დღის განმავლობაში საპილოტე მოდულის შემუშავების სიახლეებთან ერთად, ბსუ-ში მოქმედი აკადემიური პერსონალის შეფასების წესი, სტუდენტთა აკადემიური მოსწრების სტატისტიკა, სტუდენტთა გამოკითხვები და მასზე უკუკავშირის მექანიზმების ელექტრონული სერვისი განიხილეს.