ბათუმის შოთა რუსთაველის სახელმწიფო უნივერსიტეტსა და ქართულ-ამერიკულ სკოლა „პროგრესს“ შორის თანამშრომლობის მემორანდუმი გაფორმდა. ხელშეკრულება მიზნად ისახავს ერთობლივი სასწავლო-საგანმანათლებლო, სამეცნიერო, კულტურული და სპორტული ღონისძიებების ორგანიზებას. მემორანდუმის ფარგლებში ჩატარდება სამეცნიერო კონფერენციები, ტრენინგები, სემინარები, ოლიმპიადები და საჯარო ლექციები.
„ერაზმუს+-ის“ გაცვლითი პროგრამის ფარგლებში ბათუმის შოთა რუსთაველის სახელმწიფო უნივერსიტეტს რუსეს ანგელ კანჩევის უნივერსიტეტის (ბულგარეთი) რექტორი, პროფესორი ხრისტო ბელოევი, ერაზმუს+-ის გაცვლითი პროგრამის კოორდინატორი სტოიანკა სმრიკაროვა და პროფესორი ანგელ სმრიკაროვი ეწვივნენ. ვიზიტის ფარგლებში, გაიმართა შეხვედრა უნივერსიტეტის რექტორთან მერაბ ხალვაშთან და აჭარის ა. რ. განათლების, კულტურისა და სპორტის მინისტრთან ინგა შამილიშვილთან. მხარეებმა შეხვედრაზე სამომავლო გეგმებზე, ერთობლივი პროექტების განხორციელებაზე ისაუბრეს და თანამშრომლობის მემორანდუმს მოაწერეს ხელი.
ბათუმის შოთა რუსთაველის სახელმწიფო უნივერსიტეტში სახალხო დღესასწაულის „ბათუმობის“ ფარგლებში X საიუბილეო საერთაშორისო სამეცნიერო კონფერენცია „ბათუმი - წარსული და თანამედროვეობა“ გაიხსნა. ორი დღის განმავლობაში სამი სექციის მიმართულებით 65-მდე ქართველი, ებრაელი, უკრაინელი და სომეხი მკვლევარი სამეცნიერო მოხსენებებს წარმოადგენს ქალაქის ისტორიის, თანამედროვეობის, არქეოლოგიის, განათლების, ლიტერატურის, ეთნოგრაფიის, ტურიზმისა და ურბანული განვითარების საკითხებზე.
ბათუმობის დღესასწაულზე ბათუმის შოთა რუსთაველის სახელმწიფო უნივერსიტეტის პროფესორები საპატიო ბათუმელის წოდებით, ხოლო წარმატებული სტუდენტები ლუკა ასათიანის სახელობის სტიპენდიით დაჯილდოვდნენ. საპატიო ბათუმელის წოდებით ხვადასხვა სფეროში გამორჩეული ადამიანები სპეციალურმა კომისიამ შეარჩია.საპატიო ბათუმელის წოდება მიენიჭათ: ბსუ-ს ემერიტუს-პროფესორს, ენათმეცნიერს, ფილოლოგიის მეცნიერებათა დოქტორს, ღირსების ორდენის კავალერს, მნიშვნელოვანი სამეცნიერო კვლევების ავტორს - შუშანა ფუტკარაძეს, ქართული კულტურული მემკვიდრეობის უნიკალური ნიმუშების წარმოჩენაში შეტანილი განსაკუთრებული წვლილისთვის.
ბათუმის შოთა რუსთაველის სახელმწიფო უნიევრსიტეტში ახალი საბაკალავრო საგანამანთლებლო პროგრამის „საჯარო მმართველობის“ შემუშავების მიზნით და დასაქმების ბაზრის შესასწავლად სამუშაო ჯგუფის კვლევა ჩატარდა. კვლევაში მონაწილეობდნენ აჭარის ა.რ. საკანონმდებლო და აღმასრულებელი ხელისუფლების. კვლევის მიზანი იყო საგანამანთლებლო პროგრამის საჭიროებების დაგენა, პროგრამის საორიენტაციო მიზნების და შედეგების განსაზღვრა. ფოკუს-ჯგუფებსა და ინტერვიუებში მონაწილეებმა წარმოაჩინეს შრომის ბაზრისა და დამსაქმებელთა მოთხოვნები. ქვეყანაში, როგორც სახელმწიფო, ასევე მუნიციპალურ დონეზე, დიდი მოთხოვნაა საჯარო მმართველობის დარგის ისეთ კვალიფიციურ სპეციალისტებზე, რომლებსაც საფუძვლიანად ეცოდინებათ სახელმწიფო და მუნიციპალურ ორგანოთა უფლემამოსილებები, მისი განხორციელების ორგანიზაციულ-მმართველობითი, ინფორმაციულ-მეთოდური თუ კომუნიკაციური უზრუნველყოფა.
