დღეს, ბათუმის შოთა რუსთაველის სახელმწიფო უნივერსიტეტში გაცვლითი პროგრამით მყოფ უცხოელ სტუდენტებთან და თანამშრომლებთან შეხვედრა გაიმართა.გაცნობითი ხასიათის შეხვედრაზე ბსუ-ს რექტორის მოადგილემ თამარ სირაძემ და საგარეო ურთიერთობათა დეპარტამენტის თანამშრომლებმა უცხოელ სტუდენტებს საქართველოსა და უნივერსიტეტის შესახებ მიაწოდეს ინფორმაცია.
ამირან მამალაძის სახელობის გარდამავალი თასი ფუტსალში ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის გუნდმა „კაპუჭინომ“ მოიპოვა. ტურნირმა სტარტი ბსუ-ში 19 ოქტომბერს აიღო და მასში 32 გუნდი მონაწილეობდა. ოლიმპიური წესით გამართული პირველობის მეოთხედ ფინალში ტურიზმის ფაკულტეტის გუნდს „კაპუჭინოს“ ეკონომიკისა და ბიზნესის ფაკულტეტის გუნდი „ეკონომიკა“ დაუპირისპირდა, ტექნოლოგიური ფაკულტეტის გუნდი „მეორე მერცხალი“ იურიდიული ფაკულტეტის გუნდს „ევრკიას“ შეხვდა. ნახევარ ფინალში „კაპუჭინომ“ ანგარიშით 8:3 დაამარცხა მეტოქე, ხოლო „მეორე მერცხალმა“ გამარჯვება მოიპოვა ანგარიშით 11:2. ფინალური შეხვედრა ტურიზმის ფაკულტეტსა და ტექნოლოგიურ ფაკულტეტს შორის ანგარიშით 3:1 „კაპუჭინოს“ სასარგებლოდ დასრულდა.
ბათუმის შოთა რუსთაველის სახელმწიფო უნივერსიტეტში მიმდინარე იმპლანტოლოგიის სასწავლო კურსი დასრულდა. სასწავლო კურსს ივანე ჯავახიშვილის სახელობის თბილისის სახელმწიფო უნივერსიტეტის მედიცინის ფაკულტეტის სტომატოლოგიისა და ყბა-სახის ქირურგიის დეპარტამენტის პედაგოგი, იმპლანტოლოგი კახა გურგენიძე უძღვებოდა. სასწავლო კურსი „ოფის დენტალი"-ს ორგანიზებითა და ბათუმის შოთა რუსთაველის სახელმწიფო უნივერსიტეტის მხარდაჭერით საუნივერსიტეტო კლინიკა „ბსუ დენტი"-ს ბაზაზე ჩატარდა.
საერთაშორისო გაცვლითი პროგრამის ერაზმუს+ის ფარგლებში გამართულ საერთაშორისო კვირეულში მიიღეს მონაწილეობა ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსის მოადგილემ ნანა ყურშუბაძემ და სოციალურ და პოლიტიკურ მეცნიერებათა ფაკულტეტის ასოცირებულმა პროფესორმა ირაკლი გორგილაძემ. 16-22 ოქტომბერს, ლიუბლინის მეწარმოებისა და ადმინისტრირების საუნივერსიტეტო კოლეჯში (პოლონეთი) ჩატარებული კვირეული სხვადასხვა ქვეყნის უნივერსიტეტების აკადემიურ, ადმინისტრაციულ პერსონალთან შეხვედრას, საჯარო ლექციების წაკითხვასა და ვორქშოფებში მონაწილეობას ითვალისწინებდა.
დღეს, ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა, აჭარის ა.რ. მთავრობის თავმჯდომარემ ზურაბ პატარაძემ, აჭარის ა.რ. განათლების, კულტურისა და სპორტის მინისტრმა ინგა შამილიშვილმა, აჭარის ა.რ. უმაღლესი საბჭოს თავმჯდომარემ დავით გაბაიძემ და ქალაქ ბათუმის მერმა გიორგი ერმაკოვმა უნივერსიტეტის სტუდენტთა თანამედროვე სტანდარტების საცხოვრებლის საძირკველს საზეიმოდ ჩაუყარეს საფუძველი. 200 მობინადრეზე გათვლილი სტუდენტთა საცხოვრებელი ბათუმში, ლეონიძის ქ. N15-ში აშენდება და მშენებლობისათვის უნივერსიტეტის ბიუჯეტიდან 2 მილიონ 359 ათასი ლარია გამოყოფილი.
