ბათუმის შოთა რუსთაველის სახელმწიფო უნივერსიტეტის მომავლის სამრეწველო ინოვაციების ლაბორატორიამ FAB LAB BSU და სტუდენტურმა ასოციაციამ ბულვარის კოლონადებთან სტუდენტთა ნახატებისა და ხელნაკეთი ნივთების გამოფენა–გაყიდვა გამართეს.
ბათუმის შოთა რუსთაველის სახელმწიფო უნივერსიტეტს ჰოლანდიის გაეროს სტუდენტთა ასოციაცია სტუმრობდა. ვიზიტის ფარგლებში ჰოლანდიელმა სტუდენტებმა საქართველოს უახლესი ისტორიის შესახებ მოისმინეს ლექცია. ჰოლანდიის გაეროს სტუდენტთა ასოციაცია (Dutch United Nations Student Association) საერთაშორისო ურთიერთობების შესახებ ინტელექტუალურ აქტივობებს - ლექციებს, მასტერკლასებსა და ვორქშოფებს ახორციელებს. მათი ყოველწლიური სამუშაო სასწავლო მოგზაურობას მოიცავს, რომელიც მიმდინარე წელს აზერბაიჯანში, სომხეთსა და საქართველოში განხორციელდება.
ბათუმის შოთა რუსთაველი სახელმწიფო უნივერსიტეტში „მაჰათმა განდის ფონდი_საქართველოს’’ საერთაშორისო ცენტრი ოფიციალურად გაიხსნა. ფონდის წარმომადგენლობის გახსნას ბათუმში ბსუ-ს რექტორი მერაბ ხალვაში, აჭარის ა/რ განათლების, კულტურისა და სპორტის მინისტრი გიორგი თავამაიშვილი, ინდოეთის მაჰათმა განდის ფონდის ლიდერი და მისი შთამომავალი რაჯაგოპალ პი.ვი., კანადის განდის ფონდის წარმომადგენელი ჯილ ჰარისი და „მაჰათმა განდის ფონდი_საქართველოს’’ თავმჯდომარე ირაკლი კაკაბაძე ესწრებოდნენ.
ბსუ-ს ფეხბურთის გუნდმა ქვიშის ფეხბურთის საერთაშორისო ტურნირში „ბათუმი-2016“ 3-4 ადგილისათვის გამართულ მატჩში თელავის ნაკრები ანგარიშით 7:3 დაამარცხა და მე-3 საპრიზო ადგილის მფლობელი გახდა. საპლაჟო ფეხბურთის საერთაშორისო ტურნირი ბათუმში წელს მეშვიდედ გაიმართა და მასში 5 ქვეყნის 8 გუნდი მონაწილეობდა. შეჯიბრში საქართველოს საუნივერსიტეტო გუნდებიდან მხოლოდ ბსუ-ს ნაკრები იყო წარმოდგენილი.
ბათუმის შოთა რუსთაველის სახელმწიფო უნივერსიტეტში საერთაშორისო საზაფხულო სკოლა „ევრო ატლანტიკური სტრატეგია შავი ზღვის რეგიონში “ გაიხსნა. საზაფხულო სკოლა ბსუ-ს რექტორის მოადგილემ ინგა შამილიშვილმა, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის პირველმა მოადგილემ არჩილ ყარაულაშვილმა, ნატოსა და ევროკავშირის შესახებ საინფორმაციო ცენტრის დირექტორის მოვალეობის შემსრულებელმა გიორგი ფარეშიშვილმა, რუმინეთის საელჩოს პოლიტიკური განყოფილებისა და ნატოს საკითხებში მრჩეველმა რადუ გორინჩიოიმ და ევროპული განათლების საერთაშორისო ცენტრის დირექტორმა მარი ფრანს პერდიგონმა გახსნეს.
