ახალი ამბები

დღეს, ბათუმის შოთა რუსთაველის სახელმწიფო უნივერსიტეტს აზერბაიჯანის რესპუბლიკის დელეგაცია ეწვია. აზერბაიჯანის რესპუბლიკის გენერალური კონსული ქალაქ ბათუმში რაშად ისმაილოვი, აზერბაიჯანის არქიტექტურისა და მშენებლობის უნივერსიტეტის პრორექტორი საერთაშორისო ურთიერთობების დარგში, ნარგიზ აბდულაევა და პროფესორი ფაილა ისმაილოვი ბათუმის შოთა რუსთაველის სახელმწიფო უნივერსიტეტის რექტორის მოვალეობის შემსრულებელს მერაბ ხალვაშს, რექტორის მოადგილეს ინგა შამილიშვილს და ტექნოლოგიური ფაკულტეტის დეკანს, გიზო ფარცხალაძეს შეხვდნენ.

ბათუმის შოთა რუსთაველის სახელმწიფო უნივერსიტეტში ნატოს კვირეული ინტელექტუალური თამაშით - „NATO- OTAN“ -ით გაიხსნა. საგანმანათლებლო-შემეცნებით ინტელექტუალურ თამაშებში ბათუმის 21 სკოლის 100 -ზე მეტი მოსწავლე ჩაერთო. პროექტის მიზანი მოსწავლეების ინფორმირება NATO-ს მიზნებისა და ამოცანების, NATO-საქართველოს ურთიერთობების მიმდინარე პროცესებისა და გლობალური უსაფრთხოების მშენებლობაში საქართველოს როლის შესახებ გახლდათ. „NATO – OTAN“ „ნატოსა და ევროკავშირის საინფორმაციო ცენტრის“ აჭარის ბიუროს ინიციატივით, ბსუ-ს სტუდენტთა სამეცნიერო ცენტრისა და ბსუ -ს საზოგადოებრივ და პოლიტიკურ მეცნიერებათა ფაკულტეტის მხარდაჭერით გაიმართა. პირველი ადგილის მფლობელი "ევრო-2000-ის" გუნდი გახდა, მეორე და მესამე ადგილები სკოლა "ნიკემ" და მე-8 საჯარო სკოლის გუნდებმა გადაინაწილეს. გამარჯვებული გუნდები ფასიანი საჩუქრებით დაჯილდოვდნენ.

1 აპრილს, ბათუმის შოთა რუსთაველის სახელმწიფო უნივერსიტეტში, აჭარის ა/რ მთავრობის, საქართველოს ეკონომიკურ მეცნიერებათა აკადემიისა და ბათუმის შოთა რუსთაველის სახელმწიფო უნივერსიტეტის ორგანიზებით გაიმართა მრგვალი მაგიდა თემაზე: “საქართველოში მიმდინარე ეკონომიკური რეფორმები და მისი სრულყოფის გზები.”

30 მარტს, ბათუმის შოთა რუსთაველის სახელმწიფო უნივერსიტეტსა და სილეზიის უნივერსიტეტს (პოლონეთის რესპუბლიკა) შორის ურთიერთთანამშრომლობის მემორანდუმი გაფორმდა. მემორანდუმი აჭარის ავტონომიური რესპუბლიკის დელეგაციის პოლონეთში, კერძოდ, კატოვიცეში ვიზიტის ფარგლებში დაიდო. ხელმოწერის ცერემონიას ბათუმის შოთა რუსთაველის სახელმწიფო უნივერსიტეტის რექტორის მოვალეობის შემსრულებელი მერაბ ხალვაში , სილეზიის უნივერსიტეტის რექტორი ვიესლავ ბანიში, სილეზიის სავოევოდოს საბჭოს წევრი კაზიმეჟ კაროლჟაკი ესწრებოდნენ.

30 მარტს, ეკონომიკური პოლიტიკის კვლევის ცენტრმა ბათუმის შოთა რუსთაველის სახელმწიფო უნივერსიტეტში სტუდენტებისათვის საინფორმაციო შეხვედრა გამართა თემაზე: ’’რატომ ევროპა და ნატო’’? შეხვედრის მიზანი სტუდენტების ინფორმირება და ცნობიერების ამაღლება იყო ისეთ მნიშვნელოვან და სახელმწიფოებრივ საკითხებზე, როგორიცაა ჩრდილოატლანტიკური ხელშეკრულების ორგანიზაცია და ევროკავშირი.