2023 წლის 9-10 თებერვალს საქართველოს ეროვნულ უნივერსიტეტ SEU-ში არსებული ევროპული ინტეგრაციის კვლევითი ცენტრისა და პოლონეთის ლაზარსკის უნივერსიტეტის თანაორგანიზებით გაიმართება ორდღიანი საერთაშორისო სამეცნიერო კონფერენცია - „მიგრაციის ევროპული გამოცდილება - მიდგომები, გამოწვევები და შესაძლებლობები“.
2023 წლის 23 აპრილს, ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტისა და აღმოსავლეთმცოდნეობის დეპარტამენტის ორგანიზებით, გაიმართება მოსწავლეთა მეექვსე სამეცნიერო კონფერენცია თემაზე: „ახლო აღმოსავლეთი და საქართველო“. ერთდღიან კონფერენციაზე მოხსენებები წარმოდგენილი იქნება - ახლო აღმოსავლეთისა და საქართველოს ისტორიული, ეთნოგრაფიული, არქეოლოგიური, კულტურული, ენობრივი და ლიტერატურული ურთიერთობების მიმართულებით. დეტალური ინფორმაცია კონფერენციის შესახებ იხილეთ დანართში.
ევროპის უნივერსიტეტის და ქუთაისის უნივერსიტეტის ორგანიზებით 2022 წლის 15 დეკემბერს იმართება მეორე საერთაშორისო კონფერენცია „განათლება, ტექნოლოგიები და ინოვაცია“ (ICETI 2022).კონფერენციის მიზანია განათლების ექსპერტების ,პროფესიონალების, მკვლევრების და პოლიტიკის შემქმნელებისთვის საერთო პლატფორმის შეთავაზება, სადაც ისინი შეძლებენ იდეების გაზიარებას სწავლა-სწავლების საუკეთესო პრაქტიკების შესახებ და, ამ გზით, ხელს შეუწყობენ სწავლა-სწავლების არსებული სტრატეგიების გაუმჯობესებასა და განვითარებას როგორც სასკოლო, ისე უმაღლესი განათლების საფეხურზე.
ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტი ჟან მონეს კათედრის ორგანიზებით, გიწვევთ ჟან მონეს სტუდენტურ კონფერენციაში „დემოკრატია, კანონის უზენაესობა და ადამიანის უფლებების დაცვა ევროკავშირში” მონაწილეობის მისაღებად, რომელიც გაიმართება 2023 წლის 27 იანვარს ბათუმის შოთა რუსთაველის სახელმწიფო უნივერსიტეტში. კონფერენციაში მონაწილეობა შეუძლიათ ბსუ-ს ჟან მონეს კათედრის კურსდამთავრებულებს, ასევე ბაკალავრიატის, მაგისტრატურის, დოქტორანტურის საგანმანათლებლო პროგრამის ნებისმიერ სტუდენტს, ვინც დაინტერესებულია ევროკავშირის საკითხებით.
ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტი აჭარის ა/რ განათლების, კულტურისა და სპორტის სამინისტროს „უმაღლესი განათლების ხელშეწყობის პროგრამის“ დაფინანსებით, 2022 წლის 2-4 დეკემბერს ატარებს საერთაშორისო სამეცნიერო კონფერენციას თემაზე: „ჰუმანიტარული მეცნიერებები ინფორმაციულ საზოგადოებაში - IV“ (პირველი კონფერენცია ჩატარდა 2009 წ., მეორე - 2014 წ., მესამე-2018 წ.)
