ბსუ-ს საბუნებისმეტყველო მეცნიერებათა და ჯანდაცვის ფაკულტეტის ფიზიკური მედიცინის და სამედიცინო რეაბილიტაციის საბაკალავრო საგანმანათლებლო პროგრამის შემუშავების მიზნით შექმნილი სამუშაო ჯგუფის წევრები შეხვდნენ დამსაქმებლებს და კლინიკის დირექტორებს. შეხვედრაზე განიხილეს შრომის ბაზრის კვლევის შედეგები, დამსაქმებლები გაეცნენ პროგრამის მოთხოვნებს და სასწავლო კურსების დინამიკას. წარმოადგინეს პროგრამის შემუშავების პროცესში გასათვალისწინებელი რეკომენდაციები და რჩევები. დამსაქმებლებმა გამოთქვეს მზადყოფნა კურსდამთავრებულთა დასაქმების თაობაზე.

საბუნებისმეტყველო მეცნიერებათა და ჯანდაცვის ფაკულტეტის სტუდენტებისა და პროფესორ-მასწავლებლების მონაწილეობით ვორქშოფი ჩატარდა თემაზე: „დავასუფთაოთ საქართველო“. ღონისძიებას სტუდენტმა მედეა მჟავანაძემ პრეზენტაცია „ნარჩენები და მათი გავლენა“ წარადგინა, ხოლო კავკასიის გარემოსდაცვითი არასამთავრობო ქსელის (CENN) კოორდინატორმა აჭარის რეგიონში კახაბერ გუჩმანიძემ ახალგაზრდებს USAID-ის ფინანსური მხარდაჭერით აჭარის რეგიონში მიმდინარე პროექტის ნარჩენების მართვის ტექნოლოგია რეგიონებში ფაზა II-ის ფარგლებში (WMTR II) ჩატარებული აქტივობები გააცნო. ვოქრშოფის დასასრულს დისკუსია გაიმართა და კახაბერ გუჩმანიძემ სტუდენტების შეკითხვებს უპასუხა.

საერთაშორისო კლინიკური კონფერენცია: „დიაგნოსტიკის და მკურნალობის თანამედროვე მიდგომები“ ტარდება ბათუმის შოთა რუსთაველის სახელმწიფო უნივერსიტეტში. კონფერენცია ბსუ-ს რექტორმა მერაბ ხალვაშმა, აჭარის ა.რ. ჯანმრთელობისა და სოციალური დაცვის მინისტრმა ზაალ მიქელაძემ, ივანე ჯავახიშვილის სახელობის თბილისის სახელმწიფო უნივერსიტეტის რექტორმა გიორგი შარვაშიძემ, საქართველოს ექიმთა ასოციაციის თავმჯდომარემ, თსუ-ს პროფესორმა გია ლობჟანიძემ და თსუ-ს პროფესორმა მერაბ კილაძემ გახსნეს. ორი დღის განმავლობაში, 11 ქვეყნის 130 ცნობილი ექიმი სექციების მიმართულებით მოხსენებას წარმოადგენს მედიცინის სხვადასხვა დარგის აქტუალურ პრობლემატიკაზე.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის დეკანი მარინა ქორიძე და პროფესორ-მასწავლებლები პირველკურსელებს შეხვდნენ, სტუდენტობა მიულოცეს და წარმატებები უსურვეს. სტუდენტები შეხვედრაზე უმაღლესი საგანმანათლებლო დაწესებულების ძირითად მარეგულირებელ აქტებს, საგანმანათლებლო პროგრამების განხორციელებისა და სტუდენტთა აკადემიური შეფასების წესებს, ელექტრონული სერვისებსა და პროექტებს გაეცნენ.

5-6 აგვისტოს, ბსუ-ში საბუნებისმეტყველო მეცნიერებათა და ჯანდაცვის ფაკულტეტის მედიცინის საგანმანათლებლო პროგრამის ახალ დარგობრივ მახასიათებელთან შესაბამისობაში მოყვანის მიზნით, პროგრამაში ჩართული პროფესორ-მასწავლებლებისთვის ჩატარდა ტრენინგი თემაზე -„სწავლის, სწავლებისა და შეფასების თანამედროვე მეთოდების-OSCE (ობიექტურად სტრუქტურირებული კლინიკური გამოცდა) - ერთ-ერთი მთავარი შემფასებელი კლინიკური სწავლებისას“. ტრენინგს უძღვებოდნენ დარგის ექსპერტები, თბილისის სახელმწიფო სამედიცინო უნივერსიტეტის პროფესორები.