ბათუმის სამხატვრო სკოლაში, საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის პროფესორები და სტუდენტები ინკლუზიური სწავლების ცენტრის აღსაზრდელების ნამუშევრების გამოფენა-გაყიდვას ეწვივნენ. უნივერსიტეტის აკადემიურმა პერსონალმა და სტუნტებმა შეზღუდული შესაძლებლობის მქონე ბავშვების მიერ შესრულებული ხელოვნების ნიმუშები შეიძინეს. მორალურმა და ფინანსურმა მხარდაჭერამ ბავშვებში გაზარდა სამომავლო შემოქმედებითი მუშაობის მოტივაცია.
დაუნის საერთაშორისო დღესთან დაკავშირებით, ბათუმის სახელმწიფო უნივერსიტეტის საბუნებისმეტყველო და ჯანდაცვის ფაკულტეტის ბიოლოგიის დეპარტამენტის მეორე კურსის სტუდენტები ეწვივნენ ბათუმის 26-ე სკოლის ინკლუზიური სწავლების ცენტრს.
სტუდენტები დიდი ინტერესით ჩაერთნენ სპეციალური საგანმანათლებლო საჭიროებების მქონე (სსსმ) ბავშვების ყოველდღიურ საქმიანობაში (ძერწვა, ფერწერა, თექისაგან ნივთების დამზადება). შეხვედრის დასასრულს კი ინკლუზიური სკოლის მოსწავლეებმა გამართეს კონცერტი და წაიკითხეს ლექსები. სამომავლოდ სტუდენტები გამოთქვამენ მზადყოფნას კვლავ ჩაერთონ მსგავსი ტიპის აქტივობებში .
ჩოხოტაურის რაიონის სოფელ ჩხაკოურას საჯარო სკოლის მოსწავლეები ბათუმის შოთა რუსთაველის სახელმწიფო უნივერსიტეტის ქიმიის დეპარტამენტს ეწვივნენ. შეხვედრა გაცნობითი ხასიათის იყო და მოსწავლეებმა ქიმიის სასწავლო ლაბორატორიები და დასავლეთ საქართველოს ქრომატოგრაფიული ცენტრი დაათვალიერეს.
ბათუმის N2 საჯარო სკოლის და ფრანგული სკოლის მე-10, მე-11 კლასელებმა უნივერსიტეტში არსებული სასწავლო ცენტრები და ლაბორატორიები დაათვალიერეს. საბუნებისმეტყველო მეცნიერებათა და ჯანდაცვის ფაკულტეტის დეკანმა მარინა ქორიძემ შეხვედრისას მოსწავლეებს უნივერსიტეტში სწავლების პირობები და მოქმედი სასწავლო პროგრამები გააცნო.
მარატ ოსპანოვის სახელობის ყაზახეთის სახელმწიფო სამედიცინო უნივერსიტეტის 13-მა მაგისტრანტმა საბუნებისმეტყველო და ჯანდაცვის ფაკულტეტზე მოკლევადიანი საგანმანათლებლო კურსი წარმატებით გაიარა. პროგრამას სახელწოდებით ‘’სამეცნიერო კვლევითი პროექტების ჩატარება მედიცინაში: პრინციპები, მეთოდოლოგია და პრაქტიკა’’, ბსუ-ს პროფესორი სალომე ღლონტი ხელმძღვანელობდა.
