ჩოხოტაურის რაიონის სოფელ ჩხაკოურას საჯარო სკოლის მოსწავლეები ბათუმის შოთა რუსთაველის სახელმწიფო უნივერსიტეტის ქიმიის დეპარტამენტს ეწვივნენ. შეხვედრა გაცნობითი ხასიათის იყო და მოსწავლეებმა ქიმიის სასწავლო ლაბორატორიები და დასავლეთ საქართველოს ქრომატოგრაფიული ცენტრი დაათვალიერეს.
ბათუმის N2 საჯარო სკოლის და ფრანგული სკოლის მე-10, მე-11 კლასელებმა უნივერსიტეტში არსებული სასწავლო ცენტრები და ლაბორატორიები დაათვალიერეს. საბუნებისმეტყველო მეცნიერებათა და ჯანდაცვის ფაკულტეტის დეკანმა მარინა ქორიძემ შეხვედრისას მოსწავლეებს უნივერსიტეტში სწავლების პირობები და მოქმედი სასწავლო პროგრამები გააცნო.
მარატ ოსპანოვის სახელობის ყაზახეთის სახელმწიფო სამედიცინო უნივერსიტეტის 13-მა მაგისტრანტმა საბუნებისმეტყველო და ჯანდაცვის ფაკულტეტზე მოკლევადიანი საგანმანათლებლო კურსი წარმატებით გაიარა. პროგრამას სახელწოდებით ‘’სამეცნიერო კვლევითი პროექტების ჩატარება მედიცინაში: პრინციპები, მეთოდოლოგია და პრაქტიკა’’, ბსუ-ს პროფესორი სალომე ღლონტი ხელმძღვანელობდა.
ბათუმის შოთა რუსთაველის სახელმწიფო უნივერსიტეტში საქართველოში ადიქტოლოგიის განვითარების პროექტის (ADDIGE/TEMPUS) დასკვნითი კონფერენცია გაიმართა. კონფერენციას ბსუ-ს რექტორი მერაბ ხალვაში, აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე, პრორექტორები-ნათია წიკლაშვილი და თამარ სირაძე, საბუნებისმეტყველო მეცნიერებათა ფაკულტეტის დეკანი მარინა ქორიძე ესწრებოდნენ. პროექტის ფარგლებში, ბათუმის შოთა რუსთაველის სახელმწიფო უნივერსიტეტში საბაკალავრო და სამაგისტრო სასწავლო პროგრამების შემუშავება და დანერგვა წარმატებით ხორციელდება. ასევე, ბსუ-ს და GIPA-ს მონაწილეობით შემუშავდა ერთობლივი სამაგისტრო პროგრამა.
დღეს, ბათუმის შოთა რუსთაველის სახელმწიფო უნივერსიტეტში ნორვეგიულ კომპანიასთან „Green Sea Food ‘’-თან შეხვედრა გაიმართა. შეხვედრაზე ბსუ-ს რექტორმა მერაბ ხალვაშმა, პრორექტორებმა ნათია წიკლაშვილმა და თამარ სირაძემ, საბუნებისმეტყველო ფაკულტეტის პროფესორებმა ნორვეგიული კომპანიის წარმომადგენლებთან სამომავლო თანამშრომლობის საკითხები განიხილეს. დაიგეგმა თანამშრომლობის მემორანდუმის გაფორმება, რომლის ფარგლებშიც ბსუ-ს საბუნებისმეტყველო და ჯანდაცვის ფაკულტეტი აჭარაში თევზის მეურნეობის მოსაწყობად საჭირო სპეციალისტებს მოამზადებს.
