საქართველოს მეცნიერებათა ეროვნული აკადემიის სტიპედიანტმა, ბსუ-ს ტექნოლოგიური ფაკულტეტის დეკანმა, პროფესორმა გიზო ფარცხალაძემ საქართველოს მეცნიერებათა ეროვნული აკადემიის საინჟინრო მეცნიერებათა და ინფორმაციული ტექნოლოგიების განყოფილებაში წარადგინა მოხსენება თემაზე: „ახალი მიდგომები საინჟინრო გადაწყვეტებში კატასტროფების რისკის შემცირების მიზნით“. მომხსენებელმა განიხილა შემდეგი საკითხები: რისკის მართვის თანამედროვე განსაზღვრება; რისკის მართვის დაგეგმვა; რისკების იდენტიფიკაცია; რისკების ანალიზი; რისკებზე რეაგირების დაგეგმვა; კონტროლი; მოსალოდნელი საფრთხეები (ბუნებრივი და ხელოვნური)- წყალდიდობა, ზვავი, ღვარცოფი, მეწყერი, მიწისძვრა, დიდთოვლობა, ქარიშხალი, ტორნადო, ცუნამი, სეტყვა, მეხი, აფეთქება და სხვა.

ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის არქიტექტურისა და მშენებლობის საგანმანათლებლო პროგრამების სტუდენტებისათვის ჰუმანიტარულ მეცნიერებათა ფაკულტეტის პროფესორმა, ფილოსოფიის დოქტორმა ლალი ზაქარაძემ ღია ლექცია ჩაატარა თემაზე: „ფილოსოფიური ურბანისტიკა - ქალაქის შესახებ ინტერდისციპლინური დისკუსიების პერსპექტივა“. შეხვედრა მიეძღვნა ფილოსოფიის საერთაშორისო დღეს. მომხსენებელმა ისაუბრა ფილოსოფიის საერთაშორისო დღის ისტორიაზე, UNESCO-ს კულტურათა დაახლოების საერთაშორისო ათწლეულის (2013-2023) მიზნებზე და ინიციატივებზე, აკადემიური განათლების კონტექსტში ფილოსოფიისა და ინტერდისციპლინური ცოდნის მნიშვნელობაზე, ფილოსოფიის ახალ პერსპექტივებზე.

ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის ბაკალავრიატისა და მაგისტრატურის საგანმანათლებლო პროგრამების სტუდენტთათვის აცხადებს კონკურსს გიორგი ნიკოლაძის - ინჟინერიის მიმართულებით და აკად. ლევან ყანჩაველის - აგრარული მეცნიერებების მიმართულებით სახელობითი სტიპენდიების მოსაპოვებლად. კონკურსში მონაწილეობის მიზნით კონკურსანტებმა 2019 წლის 21 ოქტომბრიდან 31 ოქტომბრის ჩათვლით 10:00 საათიდან 16:00 საათამდე ტექნოლოგიური ფაკულტეტის დეკანის ოფისში, ოთახი №103 უნდა წარადგინონ.

ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის აგრარული მიმართულებისა და საბუნებისმეტყველო მეცნიერებათა და ჯანდაცვის ფაკულტეტის 10-მა სტუდენტმა აჭარის ა.რ. სოფლის მეურნეობის სამინისტროს აგროსერვის ცენტრსა და ლაბორატორიულ კვლევით ცენტრში ფასიანი ექვსთვიანი სტაჟირება გაიარა. სტუდენტებმა უნივერსიტეტში გამართულ შეხვედრაზე სტაჟირების შემაჯამებელი პრეზენტაცია წარმოადგინეს. ღონისძიებას აჭარის ა.რ. სოფლის მეურნეობის მინისტრი ტიტე აროშიძე, ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში, რექტორის მოადგილე ნათია წიკლაშვილი, ტექნოლოგიური ფაკულტეტის დეკანი გიზო ფარცხალაძე, პროფესორ-მასწავლებელები და სტუდენტები ესწრებოდნენ.

1–4 ოქტომბერს ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის, საქართველოს ტექნიკური უნივერსიტეტის სამშენებლო ფაკულტეტის და პოლონეთის ბელოსტოკის პოლიტექნიკური უნივერსიტეტის წყლისა და გარემოს დაცვის ფაკულტეტის ორტგანიზებით სტუდენტებისათვის საერთაშორისო სემინარი „თანამედროვე ინოვაციური ტექნოლოგიები გარემოს ინჟინერიაში“ ჩატარდა. სემინარზე მომხსენებლებმა განხილეს ჩამდინარე წყლების გამწმენდი ნაგებობების თანამედროვე ტექნოლოგიები და მათი ინჟინრული გადაწყვეტა. სემინარის ფარგლებში მონაწილეები გაეცნენ თანამედროვე მოთხოვნების შესაბამისად მოწყობილ თბილისის, გორის და ურეკის ჩამდინარე წყლების გამწმენდ ნაგებობებს.