სან დიეგოს სახელმწიფო უნივერსიტეტის დეკანმა საქართველოში, დოქტორმა კენ უოლშმა ბათუმის შოთა რუსთაველის სახელმწიფო უნივერსიტეტში საჯარო ლექცია წაიკითხა თემაზე: „სამოქალაქო ინჟინერია და მისი როლი ჩვენს ყოველდღიურ ცხოვრებაში“. მომხსენებელმა ახალგაზრდებს სამოქალაქო ინჟინერიის მნიშვნელობა და მასთან დაკავშირებული აქტუალური საკითხები გააცნო. დოქტორმა კენ უოლშმა ლექციაზე ყურადღება გაამახვილა ასევე მშენებლობისა და ინფრასტრუქტურული პროექტების მაღალი ხარისხისა და უსაფრთხოების მნიშვნელობაზე.

ტექნოლოგიური ფაკულტეტის დეკანი, პროფესორი გიზო ფარცხალაძე და ასოცირებული პროფესორი გოჩა ჩავლეშვილი Erasmus+“-ის „InnoCENS Project“ (Enhacing Innovation Competencesand Entrepreneurial Skillsin Engineering Education - ინოვაციური კომპეტენციებისა და სამეწარმეო უნარების ამაღლება საინჟინრო განათლებაში) საგრანტო პროექტის ფარგლებში, 30 მაისი-10 ივნისის ჩათვლით სტოკჰოლმის სამეფო ტექნოლოგიურ უნივერსიტეტში იმყოფებოდნენ. პროექტის მონაწილეები გაეცნენ შვედეთის ნაციონალურ კვლევით და ინოვაციურ პოლიტიკას, შვედეთის ინოვაციურ სტრატეგიას ნაციონალურ და რეგიონალურ დონეებზე, კოლაბორაციას ინოციებისათვის და სხვ. განხორციელდა ვიზიტები შვედეთის სამეფო უნივერსიტეტის, უპსალას უნივერსიტეტის და კისტას ინოვაციურ ცენტრებში START UP-ისა და SPIN OFF-ის საქმიანობების გასაცნობად.

ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის არქიტექტურისა და მშენებლობის საგანმანათლებლო პროგრამის სტუდენტები და ფაკულტეტის დეკანის მოადგილე გურანდა შამილიშვილი სამშენებლო კომპანია „ელიტა ჯგუფი +’’-ს დირექტორს თეიმურაზ მიქელაძეს შეხვდნენ. შეხვედრა სტუდენტთა დასაქმების პროგრამის განხორციელების მიზნით გაიმართა. აქვე გამოვლინდა კომპანიაში არსებულ ვაკანსიაზე წარსადგენ სტუდენტთა კანდიდატურები.

ბათუმის შოთა რუსთაველის სახელმწიფო უნივერსიტეტის ტექნოლოგიურ ფაკულტეტზე სტუდენტთა სამეცნიერო კონფერენცია 29 მაისს დაიწყო და 31 მაისს დასრულდა. კონფერენცია 4 სექციაში წარიმართა: აგროტექნოლოგია და აგროინჟინერიის სექცია, ტექნოლოგიები სა და საინჟინრო მენეჯმენტის, აგროეკოლოგიის, სატყეო საქმისა და ინჟინერიისა და მშენებლობის სექცია. გამარჯვებული ნამუშევრები გამოვლინდა და დასკვნით ღონისძიებაზე დაჯილდოვდებიან.

ტექნოლოგიური ფაკულტეტის პროფესორი გიზო ფარცხალაძე და ასოცირებული პროფესორი გოჩა ჩავლეშვილი Erasmus+“-ის „InnoCENS Project“ (Enhacing Innovation Competencesand Entrepreneurial Skillsin Engineering Education - ინოვაციური კომპეტენციებისა და სამეწარმეო უნარების ამაღლება საინჟინრო განათლებაში) საგრანტო პროექტის ფარგლებში ვალენსიის პოლიტექნიკურ უნივერსიტეტში იმყოფებოდნენ. პროექტის მონაწილეებმა ათდღიანი ვიზიტის ფარგლებში სამეწარმეო საქმიანობაში ინოვაციების დანერგვის საკითხები განიხილეს. ასევე გაეცნენ სამეწარმეო წესებს, მენტორობის და ტრენინგის განხორციელების ფორმებს, გუნდის ჩამოყალიბების და მოვალეობების გადანაწილების პრინციპებს, START UP-ისა და SPIN OFF-ის შექმნის წესებსა და დაფინანსების წყაროების მოძიების საშუალებებს.