ტექნოლოგიური ფაკულტეტის სტუდენტთა დასაქმების პროგრამის ფარგლებში, სამშენებლო კომპანიამ „ჰაიდელბერგცემენტ კავკასუსის“ ლაბორატორიის სპეციალისტის პოზიციის დასაკავებლად კონკურსი გამოაცხადა. დამსაქმებელმა ორგანიზაციამ კონკურსში მონაწილე მშენებლობისა და არქიტექტურის საგანმანათლებლო პროგრამების 30-მდე სტუდენტს შორის უპირატესობა მშენებლობის საგანმანათლებლო პროგრამის მეოთხე კურსის სტუდენტ რობერტ კონცელიძეს მიანიჭა. კომპანია „ჰაიდელბერგცემენტ კავკასუსი“ ბათუმის შოთა რუსთაველის სახელმწიფო უნივერსიტეტთან აქტიურად თანამშრომლობს, ხელს ეწყობს ტექნოლოგიური მიმართულების სტუდენტების დასაქმებასა და პროფესიულ განვითარებას.

ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის დეკანი, პროფესორი გიზო ფარცხალაძე საქართველოს მეცნიერებათა ეროვნულ აკადემიის სტიპენდიანტია. აკადემიამ სტიპენდიანტები ცხრა მიმართულებით კონკურსის წესით გამოავლინა. კონკურსში მონაწილეობა საქართველოში მოღვაწე დოქტორის აკადემიური ხარისხის ან მასთან გათანაბრებული სამეცნიერო ხარისხის მქონე, 50 წელამდე ასაკის საერთაშორისო დონეზე აღიარებული სამეცნიერო ნაშრომების ავტორს შეეძლო. პროფესორმა გიზო ფარცხალაძემ გამარჯვება გამოყენებითი მექანიკის, მანქანათმშენებლობის, ენერგეტიკისა და მართვის პროცესების განყოფილებაში მოიპოვა, სპეციალობით: „გამოყენებითი მექანიკა-კატასტროფების რისკის კვლევა“.

ბსუ-ს ტექნოლოგიური ფაკულტეტის აგრარული მიმართულების აკადემიურმა პირებმა ნარგიზ ალასანიამ, დარეჯან ჯაშმა და ლამზირა გორგილაძემ „ევროპის სამეზობლო პროგრამის სოფლის მეურნეობის განვითარების ENPARD”-ის ფარგლებში გამართულ ტრენინგში ღებულობდნენ მონაწილეობას.

აჭარის ა.რ სოფლის მეურნეობის მინისტრმა ლაშა კომახიძემ ბათუმის შოთა რუსთაველის სახელმწიფო უნივერსიტეტში აჭარის სოფლის მეურნეობის განვითარების 2017-2020 წლების სტრატეგია წარადგინა. უწყების პირველმა პირმა უმაღლესი საგანმანათლებლო დაწესებულების რექტორს მერაბ ხალვაშს, რექტორის მოადგილეს ნათია წიკლაშვილს, აგრარული მიმართულების მეცნიერებსა და აკადემიურ პერსონალს დარგის განვითარების პერსპექტივები და სამომავლო გეგმები გააცნო. აჭარის სოფლის მეურნეობის განვითარების ოთხწლიანი სტრატეგია ითვალისწინებს სოფლის მოსახლეობის შემოსავლების ზრდას, ადგილობრივი წარმოების კონკურენტუნარიანობის ამაღლებას, რეგიონის ახალი სასოფლო სამეურნეო ფუნქციებით დატვირთვას, სასურსათო უსაფრთხოების უზრუნველყოფასა და სურსათის უვნებლობას ხელშეწყობას.

სან დიეგოს სახელმწიფო უნივერსიტეტის (SDSU) წარმომადგენელთა ვიზიტი ტექნოლოგიური ფაკულტეტზე
სან დიეგოს სახელმწიფო უნივერსიტეტის წარმომადგენლებმა ბსუ-ს ტექნოლოგიურ ფაკულტეტზე შეხვედრა გამართეს. ტექნოლოგიური ფაკულტეტის დეკანმა, გიზო ფარცხალაძემ სტუმრებს ფაკულტეტზე არსებული პროგრამები, ლაბორატორიები, თანამედროვე მიღწევები და სამომავლო გეგმები გააცნო. შეხვედრის ფარგლებში დაიგეგმა სამოქალაქო და სამრეწველო მშენებლობის მიმართულებით ერთობლივი სამაგისტრო პროგრამის შემუშავება.