ფიტოპათოლოგიისა და ბიომრავალფეროვნების ინსტიტუტის ბიომრავალფეროვნების მონიტორინგისა და კონსერვაციის განყოფილების უფროსმა მეცნიერ - თანამშრომელმა ნინო ქედელიძემ მონაწილეობა მიიღო 11-13 აპრილს, ესპანეთში, ქალაქ ვალენსიაში გამართულ ევროპის ბიოტექნოლოგიის კონგრესში http://eurobiotech2019.eu/.
ნინო ქედელიძემ ავტორთებთან ერთად წარადგინა ორი საპოსტერო პრეზენტაცია თემებზე: 1.“Bioactive compounds and antioxidant activity of feijoa (Feijoa sellowiana berg.) cultivated in subtropical zones of Georgia”; 2.“The genetic monitoring of natural and agro ecosystem”. პრეზენტაცია ეხებოდა მცენარეებს, რომლებიც ბიოლოგიურად აქტიურ ნივთიერებებს შეიცავს, განსაკუთრებით კი გააჩნია ანტიოქსიდანტური პოტენციალი. ასევე ნინო ქედელიძემ წარადგინა კვლევა ბუნებრივი და აგროეკოსისტემების გენეტიკური მონიტორინგის შესახებ.
კონგრესი ვალენსიის პოლიტექნიკური უნივერსიტეტის, ევროპის ბიოტექნოლოგთა საზოგადოებისა (Eurobiotech) და ევროპის ბიოტექნოლოგთა ასოციაციის (EBTNA) ორგანიზებით გაიმართა. მასში 25 ქვეყნის მეცნიერ-თანამშრომელი და პროფესორ-მასწავლებლები მონაწილეობდა.

25-27 მარტს, თბილისში, ფიტოპათოლოგიის და ბიომრავალფეროვნების ინსტიტუტის მთავარმა მეცნიერ-თანამშრომლებმა გალინა მეფარიშვილმა და ზოია სიხარულიძემ მონაწილეობა მიიღეს საერთაშორისო პროექტის: TA 9500- „ფიტოსანიტარული ღონისძიებების მოდერნიზება საერთაშორისო ვაჭრობის გაუმჯობესებისათვის“ ფარგლებში ცენტრალური აზიის ქვეყნების საკოორდინაციო რეგიონული ცენტრის (CAREC) წევრი ქვეყნებისთვის გამართულ სემინარში.

თბილისში, საგამოფენო ცენტრ „ექსპო-ჯორჯიაში” გამართული ბელარუსიის რესპუბლიკის გამოფენის „Made in Belarus”-ის ფარგლებში ბათუმის შოთა რუსთაველის სახელმწიფო უნივერსიტეტსა და ბელარუსიის მეცნიერებათა ეროვნული აკადემიის მინსკის ცენტრალურ ბოტანიკურ ბაღს შორის თანამშრომლობის მემორანდუმი გაფორმდა. დოკუმენტი ითვალისწინებს ერთობლივი სასწავლო-სამეცნიერო პროექტების განხორციელებას, სამეცნიერო კონფერენციების, სემინარების, საზაფხულო სკოლების ჩატარებას, გაცვლითი პროგრამების ამოქმედებას და ერთობლივი სადოქტორო საგანმანათლებლო პროგრამების შექმნას. მემორანდუმი ბსუ-ს ფიტოპათოლოგიისა და ბიომრავალფეროვნების ინსტიტუტის ინიციატივით გაფორმდა.

ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის მთავარი მეცნიერ-თანამშრომლის ზოია სიხარულიძის სამეცნიერო პროექტი „საერთაშორისო სანერგეებიდან გამორჩეული მაღალმოსავლიანი, დაავადებებისადმი გამძლე საშემოდგომო ხორბლის გენოტიპების იდენტიფიცირება საქართველოს სხვადასხვა გარემო პირობებში გამოცდის გზით“ შოთა რუსთაველის ეროვნული სამეცნიერო ფონდის ფუნდამენტური კვლევების სახელმწიფო სამეცნიერო გრანტების კონკურსის გამარჯვებულია. საგრანტო პროექტის მიზანია, სხვადასხვა აგროკლიმატურ ზონაში იმუნოლოგიური და ეკოლოგიური გამოცდის საფუძველზე გამორჩეული ისეთი გენოტიპების იდენტიფიცირება, დარეგისტრირება და წარმოებაში დანერგვა, რომლებიც საქართველოში წარმოებულ ჯიშებს აღემატებიან ადაპტაციის უნარით, მოსავლიანობით, დაავადებების მიმართ გამძლეობითა და მარცვლის ხარისხით

ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის სამეცნიერო საბჭოს გაფართოებული სხდომა გაიმართა. სხდომაზე წარმოდგენილი იყო სამეცნიერო ინსტიტუტის 2018 წლის სამეცნიერო და სამეურნეო მუშაობის ანგარიში. სამეცნიერო საბჭოს წევრებს მუშაობის შედეგები გააცნეს ინსტიტუტის დირექტორმა გურამ მემარნემ, სამეცნიერო საბჭოს თავმდჯდომარემ მარიამ მეტრეველმა, სამეურნეო ნაწილის უფროსმა მარინე კენჭიშვილმა, განყოფილების გამგეებმა და სამეცნიერო თემების ხელმძღვანელები. სამეცნიერო საბჭოს თავმჯდომარემ წარმოადგინა აგრეთვე ინსტიტუტის აქტივობების ხუთწლიანი სტატისტიკური მონაცემები.