შეხვედრა მიზნად ისახავდა საქართველოს პროკურატურასა და უმაღლეს სასწავლებლებს შორის თანამშრომლობის გააქტიურებასა და სტუდენტებისათვის პრაქტიკული ცოდნის მიღების ხელშეწყობას. შეხვედრის ფარგლებში, უმაღლესი სასწავლებლების წარმომადგენლები გაეცნენ საქართველოს პროკურატურაში მიმდინარე პროექტებს, უწყების პრიორიტეტებსა და არსებულ სტაჟირების სისტემას. შეხვედრის ფარგლებში, საქართველოს მთავარმა პროკურორმა ირაკლი შოთაძემ ხაზგასმით აღნიშნა, რომ პროკურატურის ერთ-ერთი პრიორიტეტი სწორედ სტუდენტების, მომავალი თაობის პროფესიული განვითარების ხელშეწყობაა და სრული მზაობა გამოხატა აქტიური თანამშრომლობის გასაგრძელებლად.

ბათუმის შოთა რუსთაველის სახელმწიფო უნივერსიტეტის იურიდიულ ფაკულტეტზე, ერთი კვირის განმავლობაში სასწავლო ვიზიტით იმყოფებოდა ასტანას ჰუმანიტარული და სამართლის უნივერსიტეტის საერთაშორისო და სამოქალაქო სამართლის 12 მაგისტრი. ყაზახ სტუდენტებს ბსუ-ს პროფესორებმა ლექციები ჩაუტარათ სამართლის აქტუალურ საკითხებსა და საქართველოს ისტორიის მიმართულებით, ქართული კულტურისა და ქვეყნის ისტორიის უკეთ გაცნობის მიზნით. კურსის დასასრულს მონაწილეებს სერტიფიკატები გადაეცათ.

ბათუმის შოთა რუსთაველი სახელმწიფო უნივერსიტეტის, იურიდიული ფაკულტეტის სტუდენტი სოფიკო მალაყმაძე AIESEC-ის გაცვლითი პროგრამის ფარგლებში სამხრეთ კორეაში იმყოფებოდა. მასპინძელ უნივერსიტეტში “Ewha Womans University” (Ewha-ს ქალების უნივერსიტეტი), რომელიც ერთ-ერთი ყველაზე პრესტიჟულია სეულის უნივერსიტეტებს შორის, ბსუ-ს სტუდენტი უცხოელ სტუდენტებთან ერთად პროექტზე მუშაობდა.

ბათუმის შოთა რუსთაველის სახელმწიფო უნივერსიტეტის იურიდიული ფაკულტეტის სამართალმცოდნეობის საბაკალავრო საგანმანათლებლო პროგრამის მესამე კურსის სტუდენტები სალომე კარალიძე, სალომე კოსტავა, მეგი ცინცქილაძე, მარიამ ორაგველიძე და ნინო გობაძე 2016-2017 სასწავლო წლის გაზაფხულის სემესტრსს ყაზახეთში, ასტანის ჰუმანიტარული და სამართლის უნივერსიტეტში გაივლიან.

ბათუმის შოთა რუსთაველის სახელმწიფო უნივერსიტეტის იურიდიულ ფაკულტეტს, ასტანას (ყაზახეთი) ჰუმანიტარული და სამართლის უნივერსიტეტის სამართლის მაგისტრატურის სტუდენტთა შვიდკაციანი ჯგუფი სტუმრობდა. ერთი კვირის განმავლობაში, ყაზახ სტუდენტებს ქართული და საერთაშორისო სამართლის აქტუალურ საკითხებზე ლექციები ჩაუტარდათ.