ბათუმის შოთა რუსთაველის სახელმწიფო უნივერსიტეტს უკრაინის მეცნიერებათა აკადემიის კიევის სამართლის უნივერსიტეტის რექტორი იური ბოშიცკი ეწვია. ვიზიტის ფარგლებში ბოშიცკიმ შეხვედრები გამართა ბსუ-ს რექტორთან მერაბ ხალვაშთან, იურიდიული ფაკულტეტის დეკანთან ადამ მახარაძესა და აჭარის ა/რ განათლების, კულტურისა და სპორტის მინისტრთან ინგა შამილიშვილთან. შეხვედრაზე განხილული იქნა მომავალი თანამშრომლობის საკითხები.
13-16 დეკემბერს, იურიდიული ფაკულტეტის დეკანი ადამ მახარაძე და ამავე ფაკულტეტის ასისტენტ პროფესორი არმაზ კახიძე ქალაქ კიევში, უკრაინის მეცნიერებათა აკადემიის სამართლის უნივერსიტეტში იმყოფებოდნენ. ვიზიტის ფარგლებში, პროფესორებმა ამ უნივერსიტეტის დაფუძნებისადმი მიძღვნილ საზეიმო, სამეცნიერო და სასწავლო ღონისძიებებში მიიღეს მონაწილეობა. უნივერსიტეტის თანამშრომლებს, სტუდენტებს და სტუმრებს გააცნეს ბათუმის შოთა რუსთაველის სახელმწიფო უნივერსიტეტი, წაიკითხეს ლექციები ქართული კანონმდებლობის განვითარებაზე, მრგვალი მაგიდის ფორმატში მიიღეს სამართლებრივ პრობლემებზე გამართულ დისკუსიაში მონაწილეობა.
დღეს, ბათუმის შოთა რუსთაველის სახელმწიფო უნივერსიტეტის იურიდიულ ფაკულტეტზე, ევროპის იურისტ სტუდენტთა ასოციაციამ ((ELSA) ბათუმი იმიტირებული სასამართლო პროცესი გამართა ნაფიც მსაჯულთა მონაწილეობით. პროექტში ბსუ-ს იურიდიული ფაკულტეტის სტუდენტები კონკურსის წესით ჩაერთვნენ.
იტალიის ქალაქ რომში, 2016 წლის 14-18 ნოემბერს ჩატარდა საერთაშორისო სამეცნიერო კონფერენცია სახელწოდებით International Journal of Arts and Sciences (IJAS). კონფერენციაზე მოხსენება თემაზე „გამოხატვის თავისუფლება და სისხლისსამართლებრივი პასუხისმგებლობის პრობლემა რელიგიური შეურაცყოფისათვის“ წაიკითხეს იურიდიული ფაკულტეტის პროფესორებმა ადამ მახარაძემ და ომარ მახარაძემ.
ბსუ-ს იურიდიულ ფაკულტეტის ფოიეში, პროექტის ფარგლებში „როგორ ვისწავლოთ საზღვარგარეთ’’ გამოფენა მოეწყო, სადაც სტუდენტებს საშუალება ჰქონდათ სხვადასხვა სახის ინფორმაცია მიეღოთ გაცვლით პროგრამებსა და საზღვარგარეთ სწავლების შესაძლებლობებზე.
