უკრაინის ქალაქ ივანო-ფრანკოვსკის მეფე დანილა გალიცკის სახელობის სამართლის უნივერსიტეტში სიმპოზიუმი გაიმართა თემაზე "სისხლის სამართლის პასუხისმგებლობის ჰუმანიზაცია და სისხლის სამართალწარმოების დემოკრატიზაცია". აღნიშნულ ღონისძიებაში მონაწილეობა მიიღეს იურიდიული ფაკულტეტის პროფესორებმა ომარ ფარტენაძემ და ანზორ მახარაძემ, ასევე მესამე კურსის ორმა სტუდენტმა - ეკატერინე კოტრიკაძემ და თეკლა შერვაშიძემ.

ბათუმის შოთა რუსთაველის სახელმწიფო უნივერსიტეტში საქართველოს ნოტარიუსთა პალატის გამგეობის თავმჯდომარის მოადგილის მარიკა გოგოლაძის საავტორო წიგნის „სანოტარო სამართალის’’ წარდგინება გაიმართა. პრეზენტაციას იურიდიული ფაკულტეტის სტუდენტები, პროფესორ-მასწავლებლები და მოქმედი ნოტარიუსები ესწრებოდნენ.

ჩეხეთის რესპუბლიკის ქალაქ პრაღას კარლოვის უნივერსიტეტის დოქტორანტმა ჯაბა თებიძემ ბსუ-ს იურიდიული ფაკულტეტის სტუდენტებისათვის საჯარო ლექცია გამართა თემებზე: „ევროპული ინტეგრაცია და მისი სამართლებრივი ასპექტები“ და „საქართველოსა და ევროკავშირს შორის გაფორმებული ასოცირების ხელშეკრულების შეთანხმების მიმოხილვა.“

ბათუმის შოთა რუსთაველის სახელმწიფო უნივერსიტეტის იურიდიული ფაკულტეტი ბაკალავრიატისა და მაგისტრატურის საგანმანათლებლო პროგრამების სტუდენტთათვის აცხადებს კონკურსს სახელობითი სტიპენდიების მოსაპოვებლად

ბათუმის შოთა რუსთაველის სახელმწიფო უნივერსიტეტის იურიდიული ფაკულტეტის ასოცირებულმა პროფესორმა მალხაზ ნაკაშიძემ გაიმარჯვა ამერიკის შეერთებული შტატების საელჩოს მიერ გამოცხადებულ ფულბრაიტის (2016-2017 Fulbright Visiting Scholar Program) გაცვლით პროგრამაში და 6 თვის ვადით გაემგზავრება ამერიკის შეერთებულ შტატებში, ბოსტონში, ბოსტონის კოლეჯის სამართლის სკოლაში მიწვეული მკვლევარის სტატუსით. აშშ-ში პროექტის ფარგლებში, მალხაზ ნაკაშიძე ამერიკელ კოლეგებთან ერთად, განახორციელებს კვლევას თემაზე: „საკონსტიტუციო ცვლილებების პროცესი აშშ-ში და ევროპაში: გამოცდილება და დემოკრატიის მშენებლობა საქართველოში“