ბათუმის შოთა რუსთაველის სახელმწიფო უნივერსიტეტში გაიმართა დისკუსია თემაზე: „გენდერი და სტრეოტიპი“. ღონისძიება მიზნად ისახავდა ამომრჩეველთა ცნობიერების ამაღლებას სამოქალაქო და გენდერული თანასწორობის საკითხებში. შეხვედრაზე პროფესორ-მასწავლებლებმა, სტუდენტებმა და სამოქალაქო საზოგადოების წარმომადგენლებმა განიხილეს ისეთი მნიშვნელოვანი საკითხები, როგორიცაა: გენდერული თანასწორობის კუთხით არსებული მდგომარეობა საქართველოში, ქალების პასიურობის მიზეზები გადაწყვეტილებების მიღების პროცესში, საზოგადოებაში გავრცელებული სტერეოტიპები, გენდერული თანასწორობა და ქალების ჩართულობა საზოგადოებრივ აქტიურ ცხოვრებაში.

ბათუმის შოთა რუსთაველის სახელმწიფო უნივერსიტეტის რექტორის მოვალეობის შემსრულებელმა მერაბ ხალვაშმა და საქართველოს იუსტიციის მინისტრმა თეა წულუკიანმა თანამშრომლობის მემორანდუმს მოაწერენ ხელი. ხელშეკრულების მიზანია უმაღლესი საგანმანათლებლო დაწესებულების სამართლმცოდნეობის მიმართულების საგანმანათლებლო პროგრამის სტუდენტთა პროფესიული მომზადების ხელშეწყობა, სამეცნიერო-საგანმანათლებლო მეთოდური სიახლეების დანერგვა, საჯარო ლექციების ჩატარება და სხვადასხვა სახის კვლევითი და სამეცნიერო პროექტების ერთობლივი განხორციელება. მემორანდუმის ფარგლებში იურიდიული ფაკულტეტის სტუდენტები პრაქტიკასა და სტაჟირებას გაივლიან პარტნიორი დაწესებულების შესაბამის სტრუქტურულ ერთეულებში.

რელიგიის საკითხთა სახელმწიფო სააგენტოს ხელმძღვანელმა ზაზა ვაშაყმაძემ ბათუმის შოთა რუსთაველის სახელმწიფო უნივერსიტეტის იურიდული ფაკულტეტის სტუდენტებისათვის საჯარო ლექცია ჩაატარა თემაზე: „რელიგია და სამართალი, თანამედროვე პრობლემები“. მომხსენებელმა დეტალურად გააცნო საქართველოს რეალობაში არსებული პრობლემური საკითხები, ისაუბრა მათი მოგვარების გზებსა და რელიგიის საკითხთა სახელმწიფო სააგენტოს მუშაობის შედეგებზე. შეხვედრის დასასრულს ზაზა ვაშაყმაძემ მომავალი სამართალმცოდნეების შეკითხვებს უპასუხა.

ბათუმის შოთა რუსთაველის სახელმწიფო უნივერსიტეტში პროექტ „ახალი თაობის ხედვის“ ფარგლებში საინიციატივო ჯგუფის ორგანიზებით საჯარო დისკუსია გაიმართა. ბსუ იურიდიული ფაკულტეტის სტუდენტებმა ახალგაზრდა თაობის განვითარების, საზოგადოებრივ-პოლიტიკურ ცხოვრებასა და საარჩევნო პროცესებში ჩართვის მიზნით იმსჯელეს ისეთი მნიშვნელოვან თემაზე, როგორიცაა: „სახელმწიფო და გენდერული ასპექტები“. საჯარო დისკუსიაში მონაწილეობდნენ უნივერსიტეტის სტუდენტები, რეგიონის სამოქალაქო სექტორის წარმომადგენლები, პროფესორ-მასწავლებლები და საზოგადოების წარმომადგენლები

შოთა რუსთაველის დარბაზში ბათუმის შოთა რუსთაველის სახელმწიფო უნივერსიტეტის იურიდიული ფაკულტეტის სამართლის საბაკალავრო საგანმანათლებლო პროგრამის პრეზენტაცია გაიმართა. ფაკულტეტის დეკანმა, პროფესორმა ადამ მახარაძემ, პროგრამის ხელმძღვანელმა, ასოცირებულმა პროფესორმა ლევან ჯაყელმა და პროფესორ-მასწავლებლებმა პოტენციურ დამსაქმებელებს პროგრამის ახალი მოთხოვნები, მისი დარგობრივი მახასიათებლები, ეროვნული საკვალიფიკაციო ჩარჩო, სტრუქტურა და სასწავლო კურსების დინამიკა გააცნეს.