ნახევრადხეშეშფრთიანების (Pentatomidae) წარმომადგენელი, ყავისფერი მარმარილოსებრი ფაროსანი ბაღლინჯო Halyomorpha halys-გავრცელებულია იაპონიაში, სამხრეთ ჩინეთსა და კორეაში. გასული საუკუნის ბოლო წლებში გამოჩნდა ამერიკაში, ხოლო 2000–იანი წლების ბოლო პერიოდში ევროპაში. 2014 წელს ის პირველად დაფიქსირდა რუსეთში - სოჭის ოლქში. 2015 წლიდან კი გავრცელდა აფხაზეთში (განსაკუთრებით სოხუმისა და გულრიფშის რაიონებში (აქ მავნებლის უარყოფითი ზემოქმედების შედეგად 2-3 ჯერ შემცირდა ატმის, მანდარინის და ხურმის მოსავალი), ხოლო 2016 წლიდან მასობრივად დაიწყო გავრცელება დასავლეთ საქართველოს სხვა რაიონებში.

საერთაშორისო დოკუმენტების (არქეოლოგიური მემკვიდრეობის დაცვისა და მენეჯმენტის ქარტია, ლოზანა, 1990; არქეოლოგიური მემკვიდრეობის ევროპული კონვენცია, ლა ვალეტა, 1992) საფუძველზე განხილული იქნება არქეოლოგიური მემკვიდრეობის დაცვისა და მართვის საერთაშორისო პრინციპები.

სემინარის მიზანი და ამოცანაა გააშუქოს აჭარის როლი და მნიშვნელობა საქართველოში მევენახეობა-მეღვინეობის წარმოშობისა და განვითარების ისტორიაში. ამ მიზნით შესაბამისი საილუსტრაციო მასალების საფუძველზე დახასიათებული იქნება აჭარის მთისა და ბარის ზონაში გავრცელებული ქვაში ნაკვეთი და ქვითკირით ნაშენი საწნახელები, დახურული და ღია ტიპის მარნები, მიწაში დამარხული ქვევრები და ქვევრში ღვინის დაყენების ტრადიციები, ვენახის ადგილობრივი ძირძველი და შემოტანილი ჯიშები.

სემინარზე მიმოხილული იქნება მცენარეთა in vitro სისტემაში გამრავლებასა და მცენარეთა ტრადიციული მეთოდებით გამრავლებას შორის არსებული განსხვავებები, მიკროგამრავლების სტადიები, ფორმები, შესაძლებლობები, გამოყენების სფეროები. ლექტორი ისაუბრებს საკუთარი კვლევის შედეგებზე და მეცნიერეული კვლევის წარმოებაში დანერგვის გამოცდილებაზე. განხილული იქნება in vitro ლაბორატორიის ამოქმედებასთან დაკავშირებული პრობლემები.

სუბტროპიკული კულტურები საქართველოში (უფრო მეტად ქვეყნის დასავლეთ რაიონებში) ფართოდ არის გავრცელებული. მათ ჩვენი რეგიონის ტენიან სუბტ¬როპიკებში სრულყოფილად გაიარეს ადაპტაციის პროცესი, რაც იმას ნიშნავს, რომ ისინი, როგორც ფენოტიპური (მცენარის ვარჯი, აგებულება, ჰაბიტუსი), ისე ბიოქიმიური (ნაყოფი, ფოთოლი, ყვავილი) მაჩვენებლებით თითქმის არაფრით ჩამოუვარდება თავიანთ სამშობლოში არსებულ იგივე სახეობის მცენარეებს. სუბტროპიკული კულტურების ნაყოფები შეიცავს სასარგებლო, ბიოქიმიურად აქტიურ ნივთიერებებს: აქტიურ ბუნებრივ ანტიოქსიდანტებს, მათ გააჩნიათ ფენოლური ბუნება, ფენოლურ ნაერთებს კი თავის მხრივ ახასიათებთ სამკურნალო-გამაჯანსაღებელი თვისება.