ენიგმატური ეპიტაფიები (ტერმინი ჩვენია – თ.შ.), რომელსაც სამეცნიერო ლიტერატურა „თავსატეხი ეპიტაფიების” (Epitaph puzzles) და „ეპიტაფია-გამოცანის” (Epitaph riddles) სახელით იცნობს, ეპიტაფიის ერთ-ერთ ყველაზე იშვიათ სახეს წარმოადგენს გამოყენების კოეფიციენტის მიხედვით. მაგრამ ლინგვოკულტურული თვალსაზრისით ისინი საინტერესო ფენომენს ქმნიან, რომელიც სპეციალურ კვლევას საჭიროებს. აღნიშნულიდან გამომდინარე, ჩვენი მიზანია წარმოვაჩინოთ „ეპიტაფია–გამოცანების” ძირითადი მახასიათებლები და ვნახოთ რამდენად ინფორმაციულია ისინი; იწვევენ თუ არა ენიგმატური ეპიტაფიები მკითხველთა გაკვირვებას, დაბნევას, დაფიქრებას, გაღიზიანებას და საერთოდ, რა მიზანს ემსახურება ამ სახის ეპიტაფია.

თანამედროვე ექსპერიმენტულ ბიოლოგიაში წარმატებით გამოიყენება უჯრედის, ქსოვილისა და ორგანოს კულტურის in vitro მეთოდი. მეთოდის აქტუალობა მდგომარეობს -მცენარეთა ფიზიოლოგიში, გენეტიკაში, მოლეკულურ ბიოლოგიასა და ბიოქიმიაში მრავალი ფუნდამენტალური საკითხების შესწავლის, გადაჭრის და რეგულირების პროცესებში უშუალო მონაწილეობა. გამიზნულია აგრეთვე სასოფლო-სამეურნეო კულტურების არსებული ჯიშების გაუმჯობესებასა და ახალის შექმნისაკენ.

უკანასკნელ წლებში განსაკუთრებით გაიზარდა ინტერესი მყარი სხეულების ფიზიკის იმ ნაწილისადმი, რომელიც დაკავშირებულია ნანომასალებისა და უფრო მცირე მასშტაბის მქონე სხვადასხვა სტრუქტურების შესწავლასთან. ეს, უპირველეს ყოვლისა განპირობებულია პრაქტიკული თვალსაზრისით საინტერესო ფიზიკური თვისებების მქონე ახალი მასალებისა და ხარისხობრივად ახალი მიკროელექტრული ხელსაწყოების შექმნასთან.

ფრაზეოლოგიზმთა კვლევა სხვადასხვა ასპექტითაა შესაძლებელი. მათგან ყველაზე საინტერესო და ამავე დროს აქტუალურია ლინგვოკულტუროლოგიური ანალიზი, ლინგვოპრაგმატიკული ანალიზი, კულტურათშორისი კომუნიკაცია და თარგმნის პრობლემები.

საქართველოს ტურიზმის სტრატეგია 2025-ის მიღებიდან თითქმის ორი წელი გავიდა და ინტერესს მოკლებული არ იქნება გავაანალიზოთ თუ როგორ სრულდება ამ მნიშვნელოვანი დოკუმენტით მითითებული გეგმის ძირითადი მაჩვენებლები. სტატისტიკური მონაცემებით 2016 წელს საქართველოში ტურიზმის ინდუსტრიამ ზრდა განაგრძო, საერთაშორისო შემოსვლებმა პირველად გადააჭარბა 6 მილიონს (ზრდა +7,8%), ხოლო მათ შორის ტურისტულმა შემოსვლებმა 2720970-ს (ზრდა +19,1%).