მემბრანული ნანოკომპოზიტიური მასალებისა და მემბრანული ტექნოლოგიის ძირითადი მიმართულებებია: მემბრანული ნანოკომპოზიციური მასალების შემადგენლობა და თვისებები, ნანოგანზომილებიანი შემავსებლები და მოდიფიკატორები, პოლიმერული მატრიციანი ნანოკომპოზიტები, კომპოზიტის - ნანონაწილაკი /პოლიმერი - ფორმირება, ნანოკომპოზიტების სტრუქტურისა და ფიზიკო-ქიმიური თვისებების კვლევის მეთოდები, მემბრანული პროცესების მექანიზმები და მახასიათებლები, მემბრანული პროცესების კლასიფიკაცია და მათი მამოძრავებელი ძალები, პოლიმერები - როგორც მემბრანული მასალები, ბარომემბრანული პროცესები, დიფუზიური პროცესები, პერვაპორაცია - როგორც თხევადი ნარევების დაყოფის მეთოდი, მემბრანული დისტილირება, ბიოლოგიური მემბრანები, თხევადი მემბრანები, არაორგანული მემბრანები, მემბრანული ტექნოლოგია.

სემინარი მოიცავს ინფორმაციას კლიმატის გლობალური ცვლილების რაობის, კლიმატის ცვლილების გამომწვევი მიზეზების, „სათბურის ეფექტის“ გამომწვევი გაზების და ასევე, როგორც დღეისათვის უკვე არსებული, ასევე ცოცხალი და არაცოცხალი გარემოს მოსალოდნელი ცვლილებების შესახებ, ასევე საქართველოში კლიმატის ცვლილების შედეგად დღეისათვის არსებული ყველაზე მეტად მოწყვლადი რეგიონების და აქ არსებული მდგომარეობის შესახებ.

ბუნებრივი რესურსების რაციონალური გამოყენება და გარემოს დაცვის საკითხების გადაწყვეტის ერთერთი გზა არის უნარჩენო ტექნოლოგიების შემუშავება. საწარმოო წყალმომარაგება და წყალარინება თანამედროვე პირობებში მთავარი მომხმარებელია ბუნებრივი წყლისა და მთავარი გამჭუჭყიანებელი გარემოსი თავისი ნარჩენებით. ისიც უნდა აღინიშნოს, რომ ეს ორო საკითხი, წყალმომარაგება და წყალარინება, უნარჩენო ტექნოლოგიების შექმნის თვალაზრისით დაკავშირებული არიან ერთმანეთთან. მოყვანილია საწარმოო წყალმომარაგებაში იონცვლის პროცესად მიღებული ჩამდინარე წყლის გამოყენების ტექნოლოგია. განხილულია ბენტონიტური თიხების გამოყენების პერსპექტივები ბუნებრივი და ჩამდინარე წყლების დამუშავებისათვის

სემინარში განხილული იქნება ატმოსფერული ჰაერის დაბინძურების პრობლემები საქართველოში. ცნობილია, რომ ჰაერის მნიშვნელოვანი დამაბინძურებლებია მტვრის მყარი ნაწილაკები, ნახშირბადის მონოქსიდი, ოზონი, აზოტის დიოქსიდი და გოგირდის დიოქსიდი. ატმოსფერული ჰაერის მდგომარეობაზე გავლენას როგორც ბუნებრივი პროცესები - ვულკანები, ნიადაგის მტვერი, ტყის ხანძრები, ასევე ტექნოლოგიური პროგრესი - მრეწველობა, ტრანსპორტი, მეტალურგია.