ანალიტიკურად არის გამოკვლეული ელექტრონული პარამაგნიტური რეზონანსის (ეპრ) შთანთქმის ხაზის სიგანის კუთხური და ტემპერატურული დამოკიდებულებები სუსტ მუდმივ მაგნიტურ ველში და ნულოვან მუდმივ მაგნიტურ ველში გორტერის ტიპის ექსპერიმენტების პირობებში რელაქსაციის სიჩქარეების კვლევები მაგნიტურად კონცენტრირებულ პარამაგნეტიკებში დომინირებადი გაცვლითი ურთიერთქმედების პირობებში.

2016 წელს თურქეთში მიმდინარე მოვლენები, მთელი მსოფლიოს ყურადღების ცენტრში მოექცა. ბუნებრივია, ეს საკითხი საქართველოსთვისაც იყო მნიშვნელოვანი. ბოლო პერიოდში, მსოფლიოს წამყვანი სახელმწიფოები დიდი ინტერესით ადევნებს თვალყურს თურქეთში მიმდინარე პოლიტიკურ მოვლენებს, მისი ქარიზმატული ლიდერისა და ისლამური ფასეულობის მქონე სამართლიანობისა და განვითარების პარტიის საქმიანობას.

სემინარის თემაა კრიტიკის ფენომენოლოგია და სოციოლოგია: კრიტიკა, როგორც ცოდნა და გამოცდილება; მეთოდი და პოზიცია; კრიტიკული ტრადიცია; კრიტიკის როლი ლიტერატურულ პროცესებში, მისი ისტორიული და თანამედროვე მნიშვნელობა; სოციალური ფუნქცია და აქტუალობა; კრიტიკის კრიზისის საკითხები; ვის სჭირდება კრიტიკა? მიმდინარე ლიტერატურული პროცესები კრიტიკულ დისკურსში.

სემინარი მოიცავს ინფორმაციას კლიმატის გლობალური ცვლილების რაობის, კლიმატის ცვლილების გამომწვევი მიზეზების, „სათბურის ეფექტის“ გამომწვევი გაზების და ასევე, როგორც დღეისათვის უკვე არსებული, ასევე ცოცხალი და არაცოცხალი გარემოს მოსალოდნელი ცვლილებების შესახებ, ასევე საქართველოში კლიმატის ცვლილების შედეგად დღეისათვის არსებული ყველაზე მეტად მოწყვლადი რეგიონების და აქ არსებული მდგომარეობის შესახებ.

მემბრანული ნანოკომპოზიტიური მასალებისა და მემბრანული ტექნოლოგიის ძირითადი მიმართულებებია: მემბრანული ნანოკომპოზიციური მასალების შემადგენლობა და თვისებები, ნანოგანზომილებიანი შემავსებლები და მოდიფიკატორები, პოლიმერული მატრიციანი ნანოკომპოზიტები, კომპოზიტის - ნანონაწილაკი /პოლიმერი - ფორმირება, ნანოკომპოზიტების სტრუქტურისა და ფიზიკო-ქიმიური თვისებების კვლევის მეთოდები, მემბრანული პროცესების მექანიზმები და მახასიათებლები, მემბრანული პროცესების კლასიფიკაცია და მათი მამოძრავებელი ძალები, პოლიმერები - როგორც მემბრანული მასალები, ბარომემბრანული პროცესები, დიფუზიური პროცესები, პერვაპორაცია - როგორც თხევადი ნარევების დაყოფის მეთოდი, მემბრანული დისტილირება, ბიოლოგიური მემბრანები, თხევადი მემბრანები, არაორგანული მემბრანები, მემბრანული ტექნოლოგია.