ავსტრიული გერმანული ეფუძნება გერმანიის ფედერაციული რესპუბლიკის ახალ ზემო გერმანულის სტანდარტს, რომელსაც ავსტრიაში იყენებენ მედიასა და სხვა ფორმალურ სიტუაციაში. უფრო დაბალი დონის ფორმალობის გამოსახატავად, ავსტრიელები ირჩევენ სამეტყველო ვარიანტებს, რომლებიც ბავარიულ და ალემანურ დიალექტების მსგავსი ან იდენტურია.

ჩემი სამეცნიერო სემინარის მთავარი მიზანია ფრანგული და ქართული იდიომების ნაციონალურ-სპეციფიკური შეფერილობის მქონე იდიომატური გამონათქვამების ანალიზი.
ხატოვანი გამონათქვამების, იდიომების და ფრაზეოლოგიზმების ჯგუფში შემავალი ერთეულების უმრავლესობაში ნათლადაა გამოხატული ენის ეროვნული თვითმყოფადობა, წეს-ჩვეულებები, ტრადიციებთან დაკავშირებული ყოფითი კულტურა, ყოველდღიური ქცევა, მათ შორის კინეტიკური კოდები, სამყაროს აღქმის ეროვნული ხატი, რომლებიც გამოხატავენ გარემომცველი სამყაროს აღქმის სპეციფიკას და ამა თუ იმ კულტურის წარმომადგენელთა აზროვნების ნაციონალურ თავისებურებებს, რაც ახდენს ფრანგი და ქართველი ხალხის კულტურისა და ეთნოფსიქოლოგიის მთელი რთული კომპლექსის, მისი ხატოვანი აზროვნების განუმეორებელი ხერხების კონდენსირებას.

ენობრივი კომპეტენციები კულტურათაშორისი კომუნიკაციის მნიშვნელოვანი ნაწილია, თუმცა არა ერთადერთი. ის მოითხოვს სხვადასხვა კულტურის გაგებას და აღქმას. უფრო მეტი, თუ ადამიანი დიდი ხნით აპირებს სხვა ქვეყანაში ყოფნას, მან უნდა შეძლოს იმ განსხვავებების მიღება და მათთან ადაპტირება, რაც იმ ქვეყნის კულტურისთვის არის დამახასიათებელი. ეფექტური კულტურათაშორის კომუნიკაცია სასიცოცხლო უნარ-ჩვევაა, ენის ცოდნასთან ერთად, მრავალეროვნული ქვეყნებისთვის, კომპანიებისათვის და ინდივიდებისთვის, ასევე მნიშვნელოვანია სხვა კულტურის მქონე ადამიანებთან მუშაობისთვის გაუგებრობების თავიდან ასაცილებლად.

თურქეთის რესპუბლიკის სხვადასხვა პროვინციებს შეხიზნული ქართველი მუჰაჯირების შთამომავლების ისტორიულმა მეხსიერებამ ბოლო დრომდე შემოინახა ეროვნული ზეპირსიტყვიერების თითქმის ყველა ჟანრი, მათ შორის - მითოსური ნარატივები, რომლებიც სამშობლოსთან და საკუთარ იდენტობასთან განუწყვეტელი სულიერი კავშირის ტოლფასია.

აჭარა მდებარეობს საქართველოს უკიდურეს სამხრეთ-დასავლეთ ნაწილში. მას ძირითადად უკავია საქართველოს შავივიზღვისპირეთის ყველაზე სამხრეთული სანაპირო. გეოგრაფიულად მოქცეულია შემდეგ კოორდინატებში: ჩ.გ. 41º54` და ა.გ.41º35` შორის. მ.კორძახია მიუთითებს, რომ აჭარის ზღვისპირა რაიონის სუბტროპიკულო ჰავა ცენკერის ფორმულით 77% ზღვიურია, ხოლო 23% კონტინენტური.